酒店臨時被取消險流落大阪街頭森美：爭啲真係要7街瞓

娛圈事

酒店臨時被取消險流落大阪街頭森美：爭啲真係要7街瞓

2024年10月13日 20:00 最後更新：20:39

係一次非常難忘嘅經驗！

森美（Sammy）近日趁着假期與老婆陳雅嫻（Veronica）飛到去日本旅行，原來是個開心的旅程，但他昨晚（10月12日）突然在社交平台PO出影片，指被酒店臨時取消訂房的訂單，又撞正當地三連假，導致他與太太找不到酒店，險些要流落大阪街頭，幸好最後在各方好友的幫助下成功找到住處。

點擊看圖輯

森美近日與老婆飛到去日本旅行，但卻險些要流落大阪街頭。

影片截圖

森美最終成功入住朋友為他們找到酒店。

森美首先在IG PO出一條影片，並留言：「星期六晚嘅大阪真係冇酒店有房，大酒店都冇，小酒店又係冇，親身去咗問幾間，全部爆曬，今晚去邊？」片中，森美拖着行李在大阪行頭遊走，並解釋原因：「我依家夜晚10點幾仲喺條街度行緊，原因係咩呢？原因就係我就訂咗酒店，就由京都返嚟大阪，咁搭火車返嚟大阪嘅時間，下晝個五點就無端收到email，訂酒店嘅網站話畀我聽，我嗰間房冇咗啦。」

在 Instagram 查看這則帖子

Sammy Leung 森美（@sammy903）分享的帖子

森美一臉無奈的表示：「我一個禮拜前就已經confirm咗，同埋冇得refund嘅Booking嚟，即係畀咗錢㗎啦，亦都confirm咗，但依家嚟到就冇啦！經過兩個鐘頭嘅爭論之後，酒店就無見到我個booking，所以依家夜晚10點我搵均成個大阪都冇酒店，咁依家喺街上邊挑戰人生，真係估都估唔到去日本旅行，大阪都嚟過好多次，shopping就試過，探險真係未試過，搵唔到，唯一搵到嘅酒店喺奈良，但係冇理由飛去奈良㗎，咁究竟發生咩事呢？最後會點呢？咁依家10點啦，食完飯啦，都係搵唔到酒店，搵咗一晚啦，無論日本嘅網站，同埋上網站….我唔知自己噏乜，都搵唔到酒店啦。」最後他苦笑道：「重點係，我老婆都開始唔睬我，希望今晚搵到地方瞓啦！」

之後森美再在IG Story出PO分享四處尋找住處的過程，他和太太親身去了幾間酒店，但都沒有空房，連網吧都沒有位置，原因是因為日本三連休，所以各間酒店都爆滿，幸好最後有朋友為他們找到一間空房，並馬上為他們預訂了，但留的卻是該位朋友的資料，森美便表示好緊張，未知能否順利入住，「依家就嚟11點，如果都仲係搵唔到房，連網吧都冇，我諗三連休，Love Hotel都冇㗎啦。」他又笑說：「卡啦OK？唱成晚？我同太太好耐冇夜蒲啦，我地呢個年紀蒲唔到啲咩！」

最後，森美成功入住朋友為他們找到酒店，他在IG出PO感謝各方好友的幫助，「個個都搵朋友又或者自己找上門幫手，結果真係有一個朋友，雖然好耐冇見，但係就係憑今次個經歷，幫我喺網上面搵到一間不遠酒店！最後一間房，下次book咗房真係要再，自己send email去酒店confirm先至好出發，網上網站，中介人信唔過，我知你哋好想知係邊間……詳情留番節目講畀大家聽，重點係人生好多艱難，你係估唔到會發生。」

森美又感慨道：「去到最後都係要靠朋友，多謝各位朋友，感激每一個關心每一個電話每一個短訊，好多人平時冇見冇傾但係都拔刀相助，世界有愛，感恩你們每一個人都很有愛！」最後他更自嘲：「祝唔使7街瞓嘅朋友，早抖！多謝關心。」

Tags:

森美

往下看更多文章

唱錢｜XiX年紀細細表現出色挑戰Monster失敗雖敗猶榮

由森美、Eric Kwok（郭偉亮）帶領Plan V成員李茵彤Desta主持、Eric Kwok擔任音樂總監的互動音樂Game Show《AlipayHK呈獻：唱錢》（英文名：Music Money Monster），昨晚（4月4日）播出第十集。今集嘉賓是Eric Kwok「親生女」XiX—良玳瑩Crystal、楊秉頤Caitlin及繆昀希Charlotte（沙律）。

雖然三人年紀輕輕，但卻順理地「循序漸進」由Level 1挑戰至Level 8，歌單如下：Level 1：《陪着你走》（綜合成績96.3%）、 Level 2：《Bad Romance》（綜合成績85.9%）、Level 3：《世上只有》（綜合成績91.1%）、Level 4：《至少還有你》（綜合成績91.9%）、Level 5：《郵差》（綜合成績93.5%）、Level 6：《女神》（綜合成績94.2%）、Level 7：《矛盾一生》（綜合成績94.3%）、Level 8：《囍帖街》（綜合成績95.3%）；最後XiX選擇由Caitlin挑戰Monster Level的《Without You》，可惜最終失敗收場，而Caitlin更因而自責爆喊！

事後Caitlin接受製作組訪問時，依然紅著眼坦言對自己很失望：「唔單止辜負咗自己、仲辜負埋觀眾、隊友同Eric Kwok，真係對自己好失望。」至於被封「虎爸」的Eric Kwok雖然全程地獄教官上身「鞭策」XiX，但當見到為了挑戰《唱錢》日練夜練的Caitlin失敗後如此崩潰時，亦忍不住反過來稱讚Caitlin予以鼓勵，相當有愛：「Caitlin去到呢個位已經係好勁！」，事後Eric Kwok接受製作組訪問時，坦言為Caitlin感到驕傲：「有少少跌眼鏡嘅，我諗住佢可以唱耐少少嘅，但佢真係好辛苦，好多考試、好多功課，一日瞓得三、四個鐘都係咁練，我後尾知道咗（佢咁勤力）就冇失望，仲好Proud of佢。」

值得一提的是，XiX雖然年紀小，但整個挑戰絕不柴娃娃，除了知道要根據三人長處、公平分配挑戰歌曲，挑戰期間即使遇到Eric Kwok騷擾或是跌入危險區，三人仍能保持冷靜繼續唱下去，如此淡定將來前途絕對指日可待；更值得留意的是，XiX除前8首歌曲平均綜合成績高達92.8%外，當Caitlin挑戰《世上只有》時，拍子準確率更高達100％，成績絕不遜職業歌手。

三人之中，最淡定的是年紀最小的沙律，沙律原來本身亦是《唱錢》Fans，因側田挑戰《數字人生》而受到啟發的她，竟想到挑戰跳唱《數字人生》，不但舞姿有板有眼、而且全程零索氣，令大批網民大為驚艷，紛紛留言大讚假以時日、一定大有前途：「尋晚你唱歌好勁」、「唱慢歌都好聽，果然有料」、「唱得又跳得」、「好有塑造性，把聲辨識度好高」、「我今日開始入粉」。而沙律除了有演唱實力，性格亦相當Cutie，在節目中不時流露可愛「少女心」，難怪一夜之間成功圈粉。