陳書昕與張可欣為昂坪360拍攝廣告。
陳書昕、張可欣主演的劇集剛播完，獲網民一致好評，導演羅嘉駿更被網民「聲討」，指劇情太感動令觀眾「喊餐飽」。雖然劇集剛剛播完，羅嘉駿、陳書昕、張可欣三人再度合體，為昂坪360拍攝廣告，但一改愁雲慘霧氣氛，展現兩位少女的青春活力氣息！
點擊看圖輯
陳書昕與張可欣獲邀拍攝昂坪360廣告。
兩位年輕女演員於ViuTV劇集《十七年命運週期》出鏡率甚高。
人氣急升！
遊歷纜車及昂坪市集。
充滿電影感的纜車之旅！
廣告更專程到大澳取境。
導演羅嘉駿
羅嘉駿笑言計劃「踩過界」捧新星。
陳書昕與張可欣獲邀拍攝昂坪360廣告。
陳書昕喜聞劇集深受網友熱烈討論，初嚐被認出的滋味：「我唔覺得自己人氣高啦，但都有啲觀眾會叫到角色嘅名，希望有朝一日佢地記得我嘅真名。」佢就話第一次到昂坪360遊覽，仲幫劇中演員要贊助纜車飛：「因為我地呢部劇拍完一段時間，一直都冇時間聚吓，我想約埋成班演員上嚟可以開心聚吓！」呢次三人再次聚集拍廣告，看似劇集延續，但竟然是兩位少女「帶挈」導演賺外快：「其實係搵我地先嘅，之後昂坪360話想搵埋導演一齊拍，最終咁先成事嘅。不過一年前係導演比機會我地拍劇，係佢『帶挈』我地先有機會向佢報恩。」
兩位年輕女演員於ViuTV劇集《十七年命運週期》出鏡率甚高。
人氣急升！
遊歷纜車及昂坪市集。
導演羅嘉駿擅於拍攝女性劇本，他笑指計劃進軍「經理人」角色，發掘更多新演員：「我都想發掘一啲新演員，呢個行業係好需要嘅，但唔一定想捧女仔！（想好似花姐咁?）花姐冇辦法超越嘅，佢嘅份量太重啦。（邊方面份量？）你地自己諗啦！如果真係實行嘅時候，我會想向佢請教就真嘅。」
第一次拍廣告嘅張可欣向導演大賣口乖，話拍劇比廣告更吸引，隨即被羅嘉駿踢爆曾於片場「發脾氣」，搞到佢不知所措急急解釋：「佢誤會咗我啊！因為有時拍到好長時間，我企埋一邊唔講嘢，佢就以為我發脾氣。我其實未習慣入行，因為都係第一次拍廣告，加上集合時間有啲早，我係驚到唔敢瞓覺怕唔知醒，希望夠精神頂到全日。」可欣表示想再涉足戲壇，與不同演員合作：「因為拍戲係一個長時間工作，可以大家培養關係去做一件事，不過我真係冇喺片場發過脾氣啊。」
充滿電影感的纜車之旅！
廣告更專程到大澳取境。
呢次廣告將於十月下旬於昂坪360 Facebook專頁首播，陳書昕及張可欣除遊歷纜車及昂坪市集外，更專程到大澳取境。`透過羅嘉駿的鏡頭展現不一樣的大嶼山，介紹充滿電影感的纜車之旅。
導演羅嘉駿
羅嘉駿笑言計劃「踩過界」捧新星。
