七仙羽師傅教路增桃花運貼士 自爆有意參選《美麗40路》

七仙羽師傅話望見一班參賽佳麗，激發佢要令自己變得更加靚！

全球首間「perFACE x SkinLab 綜合護膚概念店」昨天（10月16日）於銅鑼灣Fashion Walk正式開幕！這間結合尖端護膚科技與個人化護理體驗的旗艦店，標誌著護膚行業邁向嶄新里程碑。為慶祝這個重要時刻，perFACE 執行董事兼行政總裁符芷晴女士與著名風水大師七仙羽師傅一同為概念店擔任剪綵嘉賓，為新店揭開序幕。

七仙羽師傅昨天（10月15）現身銅鑼灣，為綜合護膚概念店擔任剪綵嘉賓。

即場教路增桃花運貼士。

七仙羽師傅以其深厚的風水專業和吉祥寓意，為店舖進行了象徵好運與繁榮的剪綵儀式，並在隨後的祝酒及醒獅儀式上，為新店送上美好的祝福。

七仙羽師傅活動後大談個人美容及護膚心得，並預測未來運程，她更表示個人護理做得好亦有助增強自己運勢，「2024年的香港經濟有較大嘅波動，相信來年年初情況亦唔會有太大改變，短時間內各位投資時要加倍審慎，我自己對於黃金投資比較樂觀，目前世界上充滿太多不穩定因素，例如係戰爭政治等。嚟到perFACE嘅全新概念店，覺得呢一度風水，地理位置同人流都非常好，有好多人都會專誠過嚟做facial或者其他美容療程。因為perFACE嘅老闆係行緊大運，吸引力法則嘅影響之下，你想行運就一定要同一啲行緊運嘅人多啲接觸，所以不妨多啲行入嚟吸收下呢度嘅運氣。同埋亦有唔少女士走來問我點樣增加桃花運，同大家分享一個秘訣啦，想增加自己嘅桃花運就一定要令自己皮膚有光澤，皮膚唔夠光澤唔夠亮白的話，自信心都減咗一半啦，仲點可以增加到自己桃花運呢？」

七師傅早前為ViuTV選美比賽節目《美麗40路》任嘉賓。

七師傅話有意參選！

提到之前ViuTV拍攝了一個選美比賽節目《美麗40路》，問到七仙羽師傅有沒有興趣參加？她笑說：「我都有喺呢個比賽入面做司儀同嘉賓，其實呢個比賽嘅參加者年紀都唔細架，但係佢哋嘅外貌同年紀完全唔成正比，真人靚好多，所以我經常都走去問導演，其實佢哋個個樣都好似20幾歲，究竟有冇虛報年齡㗎？我自己都諗如果我個樣keep得好似佢地咁好，我出年其實係咪都可以成為參賽佳麗呢！望見佢哋就更加激發我要令自己變得更加靚，我咁後生咁年青冇理由輸俾佢哋嘅！所以我嚟緊會努力去perFACE做多啲Facial做多啲療程裝備好自己，出年同班佳麗決一死戰！」

新店開幕盡享尊貴護膚體驗
「perFACE x SkinLab 綜合護膚概念店」融合尖端護膚技術與高端個人化服務，旨在為顧客帶來全方位的護膚體驗。除繼續秉承perFACE頂尖嶄新醫美科技，專業資深醫學美容團隊致力為客人提供高效安全的醫美療程外，今次與SkinCeuticals合作亦會結合其全面醫學護膚產品，務求提供一站式及全方位護膚體驗俾大家，讓客人可以每分每秒綻放自信美麗嘅光芒。

風水師七仙羽（七師傅）早前接受陳志雲主持的《又係時候同一天講再見》訪問，大談多個話題。她不但分享自己觀察男性性慾強弱的方式，更首次公開一段與「歐洲王子」的秘密戀情，並直言當時的相處令她感到壓抑和不被尊重。

七師傅早前接受陳志雲主持的《又係時候同一天講再見》訪問

節目中，七師傅分享她多年來觀察男性特徵的一套看法。她表示，一般頭髮、眉毛及體毛較濃密的男性，性慾往往較強，並以玄學角度解釋與「六道輪迴」有關。她甚至語出驚人地形容：「如果係畜生輪迴返嚟做人，體毛通常會比較多，性慾亦會比較強。」更以一句「體毛多、智商低、性慾強」總結。

她指「體毛多、智商低、性慾強」

除了玄學話題外，七師傅亦罕有談及自己的感情經歷。她透露曾與一名「歐洲王子」拍拖，但由於對方身份敏感，十分抗拒公開戀情，因此兩人很少外出約會或旅行，大部分時間只能留在家中。

大爆自己曾與「歐洲王子」拍拖

指「歐洲王子」唔願意公開戀情，由朝到晚只可在家中見面

七師傅直言，這種生活令她感到相當壓抑：「旅行又唔會、出街又唔會，日日都喺屋企。我又唔想日日喺屋企，即係我又唔想日日喺張床度，係嘛？我覺得你當我係乜嘢？煮完嗰啲嘢呢，又要喺床上睇電視啊，喺床上玩啊。」她表示每次見面幾乎都是吃飯、看電視和上床，久而久之令她感覺自己並非真正的伴侶，而是缺乏尊重。

最終，七師傅認為這段關係並不健康，決定主動結束戀情，結束這段讓她心灰意冷的「王子戀」。