陳曉華羅天宇唯美瘋狂「玩風」場口掀熱討網民錯重點：男主用哪隻牙膏？

Hera揭玩風背後難度高，「呼吸有害」之餘仲要考驗核心力量

金牌編審張華標重返TVB操刀、並夥拍昔日《巾幗》系列好拍檔方駿釗（嘟嘟）監製的台慶劇《健絡通25周年呈獻：巾幗梟雄之懸崖》（下文簡稱《巾幗4》），將一連五星期、逢周一至周五晚八點半翡翠台播映。24日播出的第四集《巾幗4》，焦點劇情落在七爺（胡定欣飾）逐漸露出奸商狐狸尾巴兼被離奇綁架外，陳曉華與羅天宇的「玩風」談情戲更在內地社交網引發熱討。劇情講述桂花香（陳曉華Hera飾）因天雨關係與暗戀的韋豪（羅天宇飾）被困在小屋內，為了逗桂花開心，韋豪竟提議「玩風」，二人舉步維艱地步出屋外後，齊齊180度將身體向後傾、順著風勢慢慢向前飄，韋豪中途更逆風轉身與桂花香來個「比薩斜塔式」面對面，由於畫面唯美兼超乎物理想像，該幕在內地旋即引爆熱討，網民紛紛驚嘆「大癲」，並笑言相關場口很「上頭」及顏值在線：「好癲，但我好喜歡」、「抽象還抽象，但挺唯美的」、「離譜但上頭，BGM（背景音樂）也很好」。

呢個場口，齋睇相都知考腰力啦。

羅天宇呢吓簡直係「破風轉身」。

Hera獲讚眼睛同笑容都好甜美。

天宇棚牙白到網民錯重點。

Hera笑言拍呢場戲嘅感覺，係好似自己識輕功咁。其實呢個鏡頭背後動用咗好多人力物力，除咗天宇係畀好多工作人員用威也拉住移動，Hera身後面其實都捱住咗一個「人肉綠幕」畀佢借力拗腰。

陳曉華分享拍攝感受：好似識輕功咁，好得意

另對於兩位演員網民亦是讚不絕口，除大讚Hera擁有一雙甜美腰果眼兼有年青時袁詠儀的影子外，又大讚天宇的潔白牙齒勁吸睛，更錯重點搞笑留言詢問天宇用哪隻牌子牙膏。對於兩位演員在場口中的表現，網民亦大讚專業：「怎能忍住不笑場？」、「演員的信念感很好」、「核心好強」。Hera受訪時透露相關場口背後動用了數十名工作人員幫忙拉威也，大大減輕了演員的負擔，她也因而覺得很好玩：「因為佢哋拉到我有啲飄起咗，搞到我好似識輕功咁，好得意。」並笑言場口最高難度是「呼吸」：「因為現場好大風，你都唔知要呼吸邊啖空氣好，但好彩好快就習慣咗。」Hera續指相關場口拍了不少遍，皆因導演想拍到最好效果：「因為我太柔軟、又冇乜腹肌，好多時會拗腰過籠，變咗視覺上唔夠靚，所以for我嚟講，難度係點樣hold實個肚去改善拍出嚟嘅效果，但做到係好有成就感。」由於拍攝期間正值嚴寒，Hera透露做足保暖措施：「我哋啲衫好薄架，所以我貼咗五、六個暖包打底，劇組都有準備薑茶畀我哋保暖。」

Hera與天宇獲讚顏值在線，網民更指Hera有袁詠儀年青時的影子。

Hera與天宇獲讚顏值在線，網民更指Hera有袁詠儀年青時的影子。

Hera與天宇獲讚顏值在線，網民更指Hera有袁詠儀年青時的影子。

呢位就係綠幕先生，辛苦晒!

大AL一秒一個表情

另一焦點場口，是張武孝大AL飾演的上海三爺，鍾愛研究經濟及股票走勢的三爺，因七爺關係認識了柴十七（黎耀祥飾），二人一拍即合、相談甚歡，三爺更畀面柴十七借錢助七爺兩度難關；就當柴十七以為覓得大人物知心友時，三爺卻病重身亡。雖然大AL近年演出劇集作品不多，而且多為客串性質，但每次演出均帶來驚喜，今次在《巾幗4》中大AL展現了「變臉絕技」，為了展示對柴十七及七爺的喜惡分明，大AL與二人對話時表情極速在「欣喜」及「厭惡」兩種情緒之間遊走，平時亦近乎一秒一個表情轉換！大AL浮誇的瘋癲狀態、加上一頭亂髮及貼滿股票的凌亂家居，令網民極速聯想到《大時代》中的經典角色葉天（羅樂林飾），並笑言是民初版大時代。據知，有份拍攝《巾幗4》的潘志文，在剪片房看到好友大AL的演出時亦為之驚艷，並大嘆想像不到這是他認識的大AL。大AL受訪時笑言是次演出只是單純「做自己」，並開心表示拍戲如唱歌一樣咁好玩：「都係要捉到個整體感覺，然後逐樣分析同拆解，當然唱歌我知識多啲，做戲我仲係摸索階段，但感覺到自己有進步係幾開心嘅。」

呢個場景再加大AL嘅投入演繹，令網民驚嘆民初版《大時代》來了。

大AL七情上面、演出入木三分。

大AL七情上面、演出入木三分。

大AL對住祥哥開心到好似小朋友咁。

但對住自己個仔朱匯林同埋胡定欣就好厭煩咁，好大對比。

對於呢位可愛瘋癲股神離世，網民大感不捨。

劇照

劇照

焦點圖片

《香港何濟公止痛退熱散呈獻：中年好聲音4》昨晚（3月22日）8點播映「黑白榮耀換位賽」，30強選手根據往績排名，分成上弦黑隊及下弦白隊進行一對一PK賽，力爭24個晉級名額！昨晚一集打頭陣對戰的是下弦羅天宇《傾城》與上弦鄭仲豪《Lose Control》，天宇繼續擅長的「女歌男唱」，但因太過緊張，縱使緋聞女友陳懿德（德德）繼續低調到場為他打氣，亦未能發揮應有水準，結果奪82分，跌入危險區；鄭仲豪則突破自己，奪得全晚最高93分，成功晉級。

焦點圖片

天宇賽前受訪時坦言今次是首次除下「獅子王」面具的個人演出，故心很亂及感覺赤裸。比賽期間，坐在觀眾席上的德德專心傾聽天宇唱歌，縱使她戴上口罩，觀其眼神亦知她聽得非常陶醉。天宇唱畢表示《傾城》是自己之前主演劇集《婚後事》的主題曲，希望令觀眾勾起他拍此劇的回憶。不過海兒表示看得出天宇很緊張，唱歌時經常縮膊：「同埋我睇到你隻腳冇乜前後，同埋你嘅Distance係比較近，已經近過你嘅肩距，喺下身重心咁窄嘅時候，左右搖擺用咗好多肌肉去平衡，導致全身過於緊繃影響氣息。」肥媽則指天宇天生靚聲，但可惜他融入太多技巧：「做多咗！」

羅天宇首次脫下面具獨自比賽。

羅天宇被指緊張影響演出。

羅天宇被指緊張影響演出。

羅天宇被指緊張影響演出。

德德細心傾聽天宇唱歌。

德德細心傾聽天宇唱歌。

至於仲豪捨棄擅長的搖滾歌，選唱騷靈曲風《Lose Control》，其略帶沙啞充滿激情的歌聲，完美演繹歌中的瘋狂感覺，成功俘虜評審們勇奪93分。肥媽指仲豪行正大運，因昨晚一集首次有樂隊現場演奏：「因為呢隻歌同Live Band一齊唱係好緊要，你唱歌同Live Band係唔使睇，係Feel！」周國豐說：「我最鍾意你唱『Control』呢個字，首歌叫《Lose Control》，但你冇Lose到，而且呈現到好多個版本『Control』出嚟。」

仲豪轉唱騷靈歌一樣掂。

仲豪轉唱騷靈歌一樣掂。

仲豪轉唱騷靈歌一樣掂。

至於一直被評審們認為表現不穩定的下弦黃藝輝，決戰上弦「大魔王」唯一，兩人於今場演出可謂實力懸殊！藝輝以王力宏的輕快歌《我們的歌》出戰，惟中段他嚴重甩Beat，就算谷婭溦焦急地為他打拍子亦無補於事，最終僅得78分！

藝輝嚴重甩Beat，谷婭溦落力為他打拍子。

藝輝嚴重甩Beat，谷婭溦落力為他打拍子。

藝輝嚴重甩Beat，谷婭溦落力為他打拍子。

谷婭溦指藝輝唱歌早段已搶拍子：「依家係你自己好High好開心，但成件事錯晒！」周國豐則指《我們的歌》充滿正能量，但藝輝的聲音予人「攰」的感覺。海兒坦言要為藝輝攞低分負上責任，因她曾在海選聽過藝輝自彈自唱輕快歌，覺得不錯，所以才建議他選唱輕快歌。

海兒表示要為藝輝失準負上責任。

之後唯一出場唱《You Raise Me Up》，甫開聲已眼泛淚光，其真誠演出感動全場。肥媽指《You Raise Me Up》對唯一毫無難度，很驚喜他注入濃濃的感情來唱。周國豐與谷婭溦都讚唯一減了很多技巧，純以感情推動歌曲，谷婭溦說：「證明你有聽到我哋講嘅所有嘢，值得大家學習。」

唯一唱到眼濕濕，感動全場。

唯一唱到眼濕濕，感動全場。

唯一唱到眼濕濕，感動全場。

整個回合結束後，上弦黑隊鄭仲豪、許美琪、卓猷燕、馬浩宜、唯一全部晉級，評審們要在下弦白隊羅天宇、錢偉浩、蔡文駒、鄭家聲、黃藝輝當中淘汰兩人，最終選了藝輝和文駒。有「中4劉以達」之稱的藝輝得知自己是《中4》第30名，不忘搞笑扮拿着獎座說：「係咪應該有個獎喺度？幫我P落去吖唔該。」瞬間緩和悲傷氣氛。藝輝感激《中4》所有台前幕後，因為大家都很有愛：「我會更加認真做人、做音樂。」文駒則稱參賽最大意義是挑戰自己，以及認識一班好朋友。車婉婉讚文駒是「Giver」（付出者）：「佢從來都係想伸手幫人，呢個正正係《中年好聲音》嘅精神。」

藝輝扮攞獎座，引得谷婭溦與海兒大笑。

藝輝扮攞獎座，引得谷婭溦與海兒大笑。

藝輝扮攞獎座，引得谷婭溦與海兒大笑。

藝輝扮攞獎座，引得谷婭溦與海兒大笑。

車婉婉讚文駒樂於助人。