近年不時聽到有人表示，00後靠他們的獨有的價值觀和行為「整頓職場」，前輩見到都不自覺感嘆「佢地做咗好多80、90後唔敢做嘅嘢」。
00後不再是小朋友
直到現在仍有不少人認為00後是小朋友，但其實00後都已經長大，甚至投入了職場若干年。有人就在連登發文大嘆，00後已經開始整頓職場！
示意圖
每個年代有每個年代的價值觀
每個年代的人都有自己獨有的成長環境和經歷，因此不同年代的人相遇總會有不少碰撞。有人或許會認為00後「嬌生慣養」、「唔捱得」，但同時又有人覺得他們勇氣可嘉，做了前人不敢做的事。
示意圖
為職場帶入新風氣
發文者先拋磚引玉，表示00後在職場會「駁嘴，上司做錯照X，俾面色老闆睇」，又會「準時收工」兼「收工唔聽公司電話」。對於發文者來說，這絕對是以往80、90後的打工仔不敢做的事。有網民表示認同，並舉出例子，「主管罵緊某個team，個00後見到個鐘夠17:00，即刻返位pack嘢走人，Team其他人望住佢走」、「見過00後同同事吵完自己提早2個鐘走左」。
示意圖
網民齊齊猜原因
帖文引起網民熱議，並紛紛猜測背後原因，「事實係越嚟越多00後冇乜生活壓力，唔諗結婚生仔」、「兩老顧得掂自己/財自，屋企又留咗層樓比佢，所以份工/職涯比佢哋嚟講真係唔重要」。
示意圖
不過有網民認為與年代無關，「好似90後岩岩做野果陣都準時走架啦，啲80後咪X囉」、「點解代代人都會loop 1次其實都係因為咁」、「我記得十年前啲人都係話90後鍾意玩多過返工」。
