陳慧嫻明年1月開紅館騷 想請「小鮮肉」魏浚笙Edan做嘉賓

陳慧嫻暌違9年再踏紅館！

歌手陳慧嫻（Priscilla）今日（11月12日）舉行記者會，宣布將於明年1月21日至22日﹑24日至25日，假紅館舉行合共4場《The Fabulous 40 Priscilla LIVE IN HONG KONG 陳慧嫻演唱會》，慶祝入行40周年。

陳慧嫻將於明年1月在紅館舉行合共4場演唱會。（本網記者攝）

《The Fabulous 40 Priscilla LIVE IN HONG KONG 陳慧嫻演唱會》海報

今次演唱會以「花」作為主題，花由萌芽到盛放，展現她在不同階段歌唱事業上的轉變，當中有高有低。慧嫻表示：「今次我無咩壓力，因為當係新嘅演唱會去做，40週年只係一個名目，當然係慶祝，但唔會由1983年出道講起，唔想係懷舊同懷緬嘅感覺，想做modern啲嘅嘢。」

慧嫻透露簽約英皇時，已有計劃開演唱會。（本網記者攝）

相隔9年再踏紅館，慧嫻透露今次會是四面台的舞台設計，希望能與觀眾拉近距離，她還率先預告當中一段Dance Medley會加入戲劇元素，在台上與舞者做戲。而完成今天記者會後，她便會閉關養聲同Keep Fit：「我依家120多磅，希望瘦多20磅。（有性感造型？）今次會有七個造型，都係以花做主題，但我係唔會着性感衫，因為我冇咁樣嘅身材，不過我都有『奀皮』嘅一面，Dance Medley可能會『奀皮』啲。」

希望與多些年輕一輩合作。（本網記者攝）

慧嫻大讚Jeffrey好靚仔。

又欣賞Edan夠努力。

問到演唱會嘉賓，慧嫻表示希望與多些年輕一輩合作，包括張敬軒﹑Twins同AGA（江海迦）：「我同軒仔未合作過，但佢成日話細嗰聽我啲歌，佢最近喺澳門開演唱會，聽聞好畀面場場都介紹我。」她又笑言希望請「小鮮肉」自肥，最鍾意靚仔「小鮮肉」魏浚笙（Jeffrey）：「喺電視第一次見到佢，覺得佢真係好靚仔！（佢知唔知你鍾意佢？）佢梗係唔知啦，我又唔會話俾佢知，我唔識佢，睇吓之後會唔會見到佢真人。另外Edan（呂爵安）我都幾鍾意，欣賞佢夠努力、識講嘢，又搞笑！」

慧嫻早前推出新歌《給親愛的親愛》。

夾定口供？

人氣男團MIRROR成員呂爵安（Edan）今年9月承認追求「大馬女神」林明禎後，多次被拍到他們出雙入對，繼蜜遊歐洲後，近日再飛台灣搭膊頭逛夜市。

日前網上流出疑是Edan和林明禎同遊台灣夜市的照片。

男方更把手搭在女方肩上，關係非淺！

兩人共撐一把傘。

Edan上周六（11月23日）參加商台《903 AllStar籃球賽》，大方承認相中人是他，可惜他依然否認拍拖，又稱搭膊頭是因為當時下雨，是「gentleman」風度：「係我本人嚟，唔好恭喜住。（是否已了解完？）同之前一樣繼續努力中，希望大家畀啲空間，高抬貴手唔好壞我好事」。

Edan日前出席903籃球賽，稱仍未追到林明禎。

林明禎昨晚（24日）出席代言活動，解釋二人並非一起去旅行：「其實我去台灣為工作，與台灣歌手為新的合唱歌錄音。」又否認Edan特地前來探班，稱對方放假到台灣旅遊，所以才會相約食飯。

林明禎執Edan 口水尾否認已被追到。

林明禎強調與Edan仍是互相認識階段，現階段雙方也以事業為重，但不排除日後有任何可能：「感情的事就慢慢來吧！」她又引用Edan同隊好友AK言詞：「AK講過人有三把火好重要，佢（Edan）只是幫我遮一遮，避免落雨淋濕把火，咁樣我會比較幸運……我幫他擔遮，亦因他頭上也有一把火。」

粉絲對於兩位的解釋是否受落呢？