好多香港人特別是女士都很喜歡食甜品，外形美侖美奐的蛋糕，更是難以抗拒。不過日前就一位港女以$98購得網紅餅店的蛋糕，點知換來了一塊2.5cm厚的超薄切，令她十分失望！
threads 圖片
threads 圖片
98元蛋糕竟只是薄薄的一片
此名港女在社交平台發文分享是次令她極為失望的經歷，她表示用了原價98元，買了一間網紅餅店的開心果蛋糕，當店員切好蛋糕準備裝盒時，她才發現這塊蛋糕原來只有薄薄的一片，令她不禁表示「買了個失望」。
threads 圖片
threads 圖片
港女：點都冇 2.5cm
當時她有詢問店員「哇咁薄嘅？」，而對方卻以冷漠的語氣回應指「統一1吋」。當她目測那件薄切「點都冇 2.5cm」，令她相當不滿又失望，文末更表示「平心而論，味道未至於$98件，建議去返隔離食開心果撻滿足啲」。
threads 圖片
網友：又估唔到真係有人買
很多網民睇了港女的分享，都紛紛留言「1吋都貴，賣緊蛋糕，唔係鳥結糖喎」、「店員講嗰陣忍到唔笑嗰吓犀利」、「估唔到log cake cut成呢個size都可以賣$98，又估唔到真係有人買」，不過就有網民發現同樣有其他食客在該餅店買了同款蛋糕，但厚度卻不是如此，令他們不禁質疑「人哋大件咁多嘅？」
threads 圖片
有港女於社交平台發文，指她們一家人1月2日收到房署編配信，卻因1原因暫時不准簽約入住。然而，租屋單位業主已定「收樓」限期，樓主擔心年前入伙不成要「瞓街」！
獲派將軍澳健明邨 卻無法立即簽約
該港女於Facebook群組「公屋討論區」發帖表示，一家人早就在1月2日收到房署編配信，將獲派將軍澳健明邨單位。樓主直言「感覺真係中咗頭獎咁」，不過房署因1原因卻「唔畀簽約住」，令她們十分苦惱。
Google地圖圖片
要等職業治療師上門視察單位
樓主解釋，她們家中有輪椅人士，所以要等職業治療師上門視察單位是否符合輪椅人士，才能夠簽約。樓主補充，「已與職業治療師見面，也給治療師睇咗單位內嘅影片和相，治療師也認為毋須大改動，建議在浴室安裝扶手，僅此而已，而這個我哋可以自行安裝到的。但主任仍未畀我哋簽約住」。
FB圖片
確定單位適合輪椅人士住才可作編配
根據房屋署申請公組公屋編配小組信件，寫明要等候「職業治療師」或「物理治療師」實地視察，就單位裝置需否改裝提供專業意見，「當確定單位適合輪椅人士居住後，本署才會作編配」。
港女：想新年前搬入
樓主疑惑，如果職業治療師無建議任何改動，是否可以先簽約；或如果職業治療師只在報告寫上「在浴室加裝扶手」，而她們可以自行安裝，不需要等房屋署安裝。
unsplash示意圖
由於很快過農曆新年，職業治療師起碼要「二十幾號」才上門視察，惟樓主希望可以新年前搬入，遂向網民求助，「我哋想快啲簽約便簡單裝修後入住，因為家庭狀況確實有必要性，二嚟年前添置家電都會平好多（因現居單位太窄迫，人都無路行，所以買定家電放家中等過年後先送去新屋是辦不到的）。其實無大改動，我哋又接受該單位，有無可能可安排盡快簽約呢？」。
網民指「唯有等待」
網民看過帖文，認為唯有等待，「總之房署要怎樣程序就怎樣程序啦、急也急不來啦」、「一切要等房署及治療師安排好先會畀你簽、這是程序、程序是一步一步來的、與你過年前想搬入係2件事、明白嗎」、「呢封只係預派信，方便你有需要的話揾埋治療師上去睇，我嗰陣係上去睇完自己再打電話去房署話接受，之後2星期左右先會收到正式配房信，呢封先係可以簽約的」。
unsplash示意圖
港女呻業主收樓或要「瞓街」
樓主回覆網民留言時指出，「如果我家情況等到我哋都會等，但而家係無時間等」，大呻「而我仲有嘅難題係業主要收樓，而家咁樣一等再等，我搵到治療師都未必趕得切收樓前遷出，一陣會再去房署搵主任傾，如果仲未肯畀我簽約，我同我仔瞓街了……」。
樓主又質疑房屋署程序，「我就係唔明白單位調適點解唔可以遷入後做，而要一等再等。封信下部都有寫唔安排治療師察視，若拒絕視為1次派屋，但係我哋係接受，又唔需要佢哋做調適，都要拖」。
unsplash示意圖
網民分享類似經驗
有網民分享同類經驗，「我嗰陣有年老親戚係要係廁所幾個位置裝扶手，職業治療師要去度親戚嘅高度，仲有畀呎吋高度房署裝，房署先搵人去裝，唔畀自己裝，因為怕個物件裝唔穩同破壞咗廁所個防水層，所以要等佢嚟裝，過年前可能真係好趕，工程個啲未必咁快嚟到裝」。
