玲玲友情報｜自爆拍《美麗戰場》跟陳瀅瘋狂爭阿Bob 劉佩玥被封專業「樹窿」專門聽心事

娛圈事

玲玲友情報｜自爆拍《美麗戰場》跟陳瀅瘋狂爭阿Bob 劉佩玥被封專業「樹窿」專門聽心事

2024年11月30日 14:00 最後更新：16:45

堪輿學家麥玲玲帶領蔡景行（行仔）、吳兆倫（Alan）施焯日（Arthur）主持的清談節目《玲玲友情報》今晚（11月30日）主題為「專業樹窿」，嘉賓為劉佩玥（Moon）。

Moon在即將推出新劇集《巨塔之后》中，跟宣萱合作，她大讚對方專業且親民，Moon笑說︰「佢好nice成日笑，同我好似所以大家好夾得來。」她透露今次拍劇有一項突破，就是不帶手提電話入廠，有意想不到效果，她表示︰「個電話放喺服裝間，開頭係唔慣嘅。少咗上網同睇社交平台，多咗時間去構想角色。」

點擊看圖輯

今晚（30日）嘉賓請來「仙氣女神」Moon。

IG圖片

Moon自爆曾跟好友陳瀅爭阿Bob。

Moon是出名的「樹窿」，讓友人傾訴心事。

行仔忽然爆seed，令Moon心花怒放。

玲玲師傅於節目中提起跟Moon合作過台慶劇《美麗戰場》，她問到Moon於劇中被編排跟阿Bob林盛斌演一對，可有感委屈時，Moon卻講出「驚人」答案︰「梗係冇啦，仲?飯應，陳瀅仲瘋狂同我爭阿Bob，成日問點解（阿Bob）同我唔係同佢，點解佢係方力申呀。」玲玲師傅笑言想不到方力申也有被嫌棄的一日。

Moon是圈中出名「樹窿」，專門傾聽好友訴苦及傾訴心事。她表示要獲得信任，首要是學會口密，絕不可以透露任何傾訴者的訊息，她認真的說︰「朋友信得過我至話我聽，純粹想情緒發洩，信任係最緊要。」她慶幸自身情商高，有化解負面情緒能力。她同行仔即場作個案示範時，遭對方借機「調戲」。

行仔以「買樓搞到唔夠錢使」為由求肋，正當Moon認真分析時，行仔忽然爆seed，情聖上身說︰「主要係想邀請你一齊供啫。」這句意想不到的對白，引來全場哄動，Moon亦瞬間被攻陷，顯得不懂反應，回過神後忍不住講了一聲︰「嘩，啲女畀你媾晒喇！」

往下看更多文章

農夫「全香港最好笑嘅演唱會」紅館開鑼嘉賓麥玲玲Twins張繼聰輪番上陣嗨爆全場！

昨晚（5月8日），紅館化身全港最大型笑聲發電機！農夫二人組陸永與C君挾「全香港最好笑嘅演唱會」之名，以出道廿年搞笑功力，為七千名觀眾帶來一場笑聲不絕、高潮叠起，全晚氣氛由頭帶到尾，全場熱血沸騰，high到炸裂！容祖兒、俞琤、丁子高，Hotchat Crystal、Lolly Talk、JFFT等均有到場支持。

演唱會開場，二人「只露個頭」從耕地佈置中現身，已引爆首個笑彈。陸永抵死笑言：「全香港最好笑嘅演唱會呀嘛，最好笑係呢度㗎啦，你哋張飛咁平，我哋個升降台係升到呢度㗎。」C君隨即接力自嘲：「其實係好事嚟，因為我下身唔係好好睇，我老婆都唔睇㗎。」全場爆笑聲未落，二人隨「砰」一聲由升降台飛彈而出，氣氛瞬間被推上第一個高潮。觀眾全體站立，跟著一連串Hip Hop Medley（《同伴》、《冇你就冇我》、《心跳回憶》、《跟隊唔該》、《全民皆估》、《娛樂圈殺人事件》、《韓國勁舞權》、《中佬先係寶》、《Dream Girl》、《難得咁人齊》）由頭唱到尾，紅館即時化身巨型派對。

演唱會重量級嘉賓輪番登場，驚喜一浪接一浪。有農夫就當然少不了麥玲玲！今次他們更請來當今香港Hip Hop界的重量級代表——Novel Fergus及Hip Hop詩人PetPet Shawn，加上玄學天后麥玲玲驚喜化身「Hip Hop Queen」。玲玲大師一升台，全場瞬時進入狂歡狀態，掌聲、歡呼聲、尖叫聲交織成一首「人聲交響樂」，high爆全場！

演唱會中段農夫重磅宣布2025 年已成立公司「農作天下」，上演一場七千人參與的「剪綵開將」。C君自豪笑稱：「呢間公司作為行業老字號，早喺2025年已經成立。」陸永加碼爆料：「成立短短九個月，公司佔地幾百呎，已經增設咗電動垃圾桶，佢仲識自己包垃圾㗎！」二人更笑指準備邀請古天樂、梁朝偉、周潤發簽約加盟，C君一本正經表示：「不過仲未去傾過。」全場即時笑到「噴飯」。之後他們更下台帶領全場觀眾齊齊為新公司砌燒豬、剪綵，祝農作天下，風生水起，笑口常開！笑聲、掌聲、歡呼聲震天！

緊接開將儀式，「農作天下」宣布，十月會有新搞作，送俾所有結左婚嘅人！由人妻集團呈獻，農夫x張繼聰「人夫集團」！張繼聰即以「人夫集團」身份驚喜現身，與農夫換上罕見西裝合唱《我連婚都夠膽結》，全場再度點燃高潮，現場熱血沸騰，high到炸裂。

未待掌聲停下，唱《學海無涯》時，Twins驚喜竟從舞台升出，與農夫合唱經典金曲《士多啤梨蘋果橙》，觀眾情緒瞬間「進入大癲」！陸永向剛新婚的阿Sa連聲恭喜，阿Sa笑住回應：「多謝多謝....我哋頭先喺台下面睇好high呀，好好笑！」C君即笑言：「話咗你哋fan meeting搵我做MC，你要還㗎啦！」阿Sa打趣道：「估唔到咁快要還嘛！」全場笑聲不絕。二人又大讚阿嬌專程飛返香港撐場極有義氣，C君更搞笑補刀：「你知唔知，我幾多朋友知我哋開紅館特登走呀，重係移民嗰種！」最後Twins衷心祝福：「農夫好嘢，繼續支持佢哋。」

演唱會在全場大合唱《舉高隻手》中圓滿落幕，整晚笑聲、掌聲、歌聲響徹紅館。由《富甲天下》、《粒粒皆辛苦》、《重新找到你》到《地獄見》、《日出而作》等合共30首經典作品，農夫用行動證明「全香港最好笑」既笑得瘋狂、玩得盡興，更真心滿載。

你或有興趣的文章

玲玲友情報｜自爆拍《美麗戰場》跟陳瀅瘋狂爭阿Bob 劉佩玥被封專業「樹窿」專門聽心事

娛圈事