直播靈接觸｜「鬼后」關寶慧臨別一集 回應網民要求留低︰希望有機會返嚟

關寶慧在節目中感謝梁思浩的邀請。

由梁思浩、黃紫恩（Jojo）主持、「鬼后」關寶慧任嘉賓主持，TVB Plus（82台）靈異直播一小時節目《直播靈接觸》，事隔不到半年第二季即載譽歸來，將逢周一晚9點半及周二晚9點35分播映，每集會有各門各派玄學大師坐陣，跟觀眾互動解答靈異疑難，更會邀請有份量藝人亮相，分享他們的靈異經歷。

昨晚（3日）主題「水上人的鬼神風俗」。

鄭太及囡囡Mandy擔任嘉賓，講解水上人習俗。

關寶慧最後一晚擔任嘉賓主持。

昨晚（3日）《直播靈接觸》是「鬼后」關寶慧最後一集擔任嘉賓主持，她在節目中感謝思浩的邀請，她笑說︰「多謝村長帶咗好多歡樂畀我，其實我哋個廠每日都好開心，台前幕後所有工作人員都係非常好嘅團隊。」在網上及《直播》的留言區，每日都有不少觀眾留言希望她能繼續留低，對於網民的要求，關寶慧意味深長表示︰「希望有機會再返嚟啦。」

獲思浩送禮物留念。

關寶慧IG圖片

昨晚一集主題是「水上人的鬼神風俗」，請來兩位真正水上人鄭太及囡囡Mandy擔任嘉賓。思浩提到水上人在海上撈到兩件事物，要特別處理，他說︰「一係屍體、二係海龜，水上人會點搞呢？」鄭太透露對於屍體，魚民一般有三種處理方法，假如接近內地水域會交公安處理，近香港水域則報香港警方，她說︰「如果唔近岸，先一輩人會駛去就近嘅無人島安葬。」囡囡Mandy補充就算如此，有時都會有「手尾跟」，她解釋︰「你以為做咗好事啫，但係都會有啲靈體覺得唔滿意搞搞震，嗰時就要上岸搵靈媒幫手。一般就係幫靈造一個公仔放係船上面供奉，供奉得好魚民會順風順水，就算第時賣船個公仔都要跟船一齊賣。」至於另一件要特別處理是網到海龜，因為魚民深信海龜有靈性，所以都會放生。

水上人在喪禮會為先人造人型大小紙紮「真身」供奉。

Mandy聽先輩提到一段恐怖驚歷，試過一網撈到逾十具屍體，場面異常恐怖︰「嗰時大概係70年代，偷渡潮犀利，越南、國內好多人坐船嚟香港，但啲船好舊好殘，又超載坐好多人，一遇大風浪就沉。呢啲情況一定要報警 無其他辨法。」

過往水上人會燒紙紮舢舨給先人，現在會改為遊艇。

關寶慧跟一班幕後工作人員合照留念。

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》，周一晚9點半及周二晚9點35分。黑白無常黃瀅仴、湯之欣，繼續任小編跟網民互動。

堪輿學家唐碧霞師傅擔任嘉賓。

堪輿學家唐碧霞師傅擔任嘉賓。

堪輿學家唐碧霞師傅擔任嘉賓。

昨晚（12月22日）主題為「九宮飛星」，九粒星順序為︰桃花星、病符星、是非星、文昌星、五黃災星、武曲星、破軍星、八白財星及喜慶星，各星位置每年都會出現不同位置。請來堪輿學家唐碧霞師傅逐粒星拆解，資訊量極為豐富。

唐碧霞師傅拆解明年九宮飛星宜忌。

唐師傅由第一粒「桃花星」講起，該星主人緣、貴人，明年會在整間屋的中宮位置，想催旺可放置水種富貴竹，她說︰「如果想催旺姻緣，可以喺呢個位放音樂盒。而第二粒星「病符星」位於西北方，所以出年間屋呢個位係最差，易導致受傷同有小毛病，要非常小心處理。此星屬性為土，所以忌放紅、黃、啡、紫、橙。」亦不宜放會動的物品如風扇、空氣清新機，要化解可以擺六帝錢化病化災，唐師傅補充說︰「假如床頭都係向西北，床單就唔好用紅、黃、啡、紫、橙5種顏色，可以用黑、藍灰、白，減低病星影響。

唐碧霞師傅拆解明年九宮飛星宜忌。

唐碧霞師傅拆解明年九宮飛星宜忌。

節目中接住講的「是非星」會在正西方，會招惹是非、爭執及麻煩事，亦不宜放植物同水，可以放粉紅色物品如地毯、海報化解。不過唐師傅表示有客人反而喜歡催旺此星，她笑說︰「好似從事娛樂圈同律師行業好着緊呢個位，因為是非就係佢哋嘅生意，對藝人嚟講，多人講、有是非即係多關注度。」而莘莘學子及家長非常重視的「文昌星」，來年會移往東北方，只要保持乾淨、整齊光潔名亮就可以，要催旺的話放4支水種富貴竹及擺放自己的相片便可。唐師傅提到明年要特別留意南位的太歲位，有「五黃災星」進駐，忌放紅、黃、啡、紫、橙，亦不可放置會動的事物，她解釋︰「因為太歲頭上唔可以動土，要化解都可以放六帝錢，如果大門開門向南嘅話，嚟緊農曆年唔好貼揮春，地下放一塊灰色地毯就可以。」此外，各星位置會在明年新曆2月4日立春後適用。

唐碧霞師傅拆解明年九宮飛星宜忌。