商場聖誕老人趣變「聖誕工人」 網民笑爆：正在維修！

聖誕節商場街道各處都可見節日裝飾，聖誕老人更是不可少！日前就有網民影到柴灣宏德居商場內的聖誕老人吹氣公仔，由於吊掛的位置有點違和，令聖誕老人霎時變成了「聖誕工人」，惹笑網民！

FB圖片

管理處吊掛聖誕老人吹氣公仔

網民早前在facebook群組以「唔知聖誕老人爬上去做咩呢」為題上載相片，見到某管理處一邊牆貼近天花板的位置，吊掛了一個「正在爬煙囪」的聖誕老人吹氣公仔，由於牆身附近都是管理處的告示板及一個福字日曆，令聖誕老人變得格格不入，但又令畫面變得相當有趣！

FB截圖

網民爆笑：技工嚟，正在維修

有網民紛紛為這位「聖誕工人」安排差事，指它正「做維修」、「技工嚟，正在維修」、「捉老鼠」、「拆風喉捉老鼠！」、「捉隻老鼠畀你做聖誕禮物」、「維修天花」、「整冷氣囉」，「檢查商場冷氣，之後睇埋扶手電梯，先可以開始包禮物」。

FB截圖

有網民記起「佢上年爬中間嗰條柱㗎」

不過亦有網民認為此乃為「聖誕賊人」，爆笑咁話它正「爆格」、「應該偷嘢」，甚至有人覺得是「聖誕情人」加上旁白「糟糕！丈夫回來了！趕快由窗口逃走！」。有網民記起「佢上年爬中間嗰條柱㗎」。

FB截圖

北角一間粉麵店近日發生離奇事件。有食客花$50買了一份咖喱牛腩外賣，回家打開後當場傻眼，形容咖喱汁稀薄到如「水」一般，完全沒有濃稠感，而牛腩則又乾又柴，事主更幽默比喻「啲腩柴過我媽煲湯啲湯渣」。

咖喱牛腩示意圖片

事主氣憤致電店家反映，接聽的店員姐姐不但毫無歉意，更理直氣壯地拋出「神回覆」：「係呀，我哋啲咖喱牛腩系咁！」並補上一句：「係唔好食咖！唔同出邊啲咖喱。」隨後更直接掛線。

fb圖片

這番「真誠到冇得反駁」的回應在網上流傳後，令網民笑爆嘴。有人留言嘲諷：「呢份應該改名叫咖喱湯腩」、「咖喱水加湯渣，絕配」。亦有網民直言：「佢咁坦白，我真係唔知鬧唔鬧得落。」更有自稱熟客的網民透露，該店「出咗名就愈做愈差，已經冇去好耐」。

咖喱牛腩示意圖片

咖喱牛腩示意圖片