太子鴻運冰廳結業！港男$108買1打蛋撻嫌貴 大呻「中伏」咒「早執早着」　網民唔撐反批西客

「太子鴻運冰廳餅店」屹立九龍近半世紀，早前宣布於聖誕（12月25日）結業，令食客們都大感不捨！不過有港男在餅店用了$108買1打蛋撻後大叫「中伏！」，原來他認為價錢太貴，而收銀姐姐態度又「好寸」，就決定在網上公審這間茶餐廳。

FB截圖

港男買蛋撻嫌貴大呻「中伏」

有港男在Facebook群組「香港茶餐廳及美食關注組」上發文及相，指買了1打新鮮出爐蛋撻，價錢卻要$108，認為太貴，加上「收銀姐姐態度好寸」，大呻「中伏！」。樓主又大鬧「X佢個街！早執早着」，最後決定在網上發帖公審。

FB圖片

圍爐不成反被圍攻批「西客」

不過帖文一出，網民就唔多撐樓主，甚至圍攻反批他是「西客」，「9蚊個撻有咩問題？而家唔係1984喎！」、「真係用牛油皮係成本貴好多，出面平係因為用人造牛油」、「5、6年前佢地啲菠蘿包已經8元個啦！不過佢哋啲麵包西餅唔錯的，都係舊味style（風格）！」

周星馳主演電影《行運一條龍》曾在「太子鴻運冰廳餅店」取景。（《行運一條龍》劇照）

有人認為樓主也有責任，「係貴 。只怪自己無睇價 」、「明碼實價點樣叫伏，樓主唔通係文盲唔識睇價錢？」、「所以人哋咪要執，$9都話貴，旺角太子啲租都好貴」。

網民反鬧「冇口德」 樓主急急刪帖

有人認為樓主不切實際，「其實而家真係好多人好似出去買嘢食嘢要人哋成本價賣畀你咁樣，從來唔會諗下人哋嘅經營成本有幾高？大佬，做生意梗係要賺錢㗎啦，唔賺錢做嚟做乜呀？你估我開善堂㗎？」、「自己X咗就咒人執笠，完全冇口德！」。樓主圍爐不成，已急急刪帖。

《行運一條龍》劇照

去年大火翻新重開　小芬女重返鴻運影婚相

太子鴻運冰廳餅店於去年3月曾因爐頭搶火發生火災。餐廳一度暫運重新裝修，幸好翻新後餐廳仍保留昔日原貌，令熟客及影迷大感安慰。《行運一條龍》中飾演小芬女的黃美琪，亦曾與丈夫鍾健威重返鴻運拍攝婚照。

《行運一條龍》中演小芬女的黃美琪，曾與老公鍾健威重返鴻運拍婚相。（IG：@meikiw）

《行運一條龍》中演小芬女的黃美琪，曾與老公鍾健威重返鴻運拍婚相。（IG：@meikiw）

日本AV界代表人物蒼井空，是不少男士心目中的女神。近日就有網民在一間茶餐廳的餐牌上發現有一個名為「蒼井老師」的午市客飯，還奉送白飯、油菜及老火靚湯，難到是專為男士而設的菜式？令他十分疑惑又覺得好有趣。

日本AV界代表人物蒼井空，是不少男士心目中的女神。 網上圖片

客飯名聯想到AV界代表蒼井空

網民在社交平台分享照片，顯示某茶餐廳外的的午市餐牌，列出了七樣A至G售價60元的午市客飯，分別有蒼井老師、海蟹蒸肉餅、四川回鍋肉、陽光脯照、柱候蘿蔔炆牛腩、茅山炭燒脆皮雞、豉椒肉片炒麵，而但其中最吸睛的是A餐的「蒼井老師」，令他大惑不解。因為「蒼井」二字令人很容易就聯想到現已退役，但曾在日本AV界叱吒一時的蒼井空，因此問到「請問A餐究竟係賣啲乜？」

有網民在一間茶餐廳的餐牌上發現有一個名為「蒼井老師」的午市客飯，覺得十分疑惑又好有趣。網上圖片

網民估：有蒼字應該是魚

帖文一出即引來不少網民關注，有人嘗試解開迷團，「有蒼字應該是魚」、「我諗係䱽魚啲friend」、「蒼(魚)井(蒸)老師(豉)，豆豉蒸䱽魚」，亦有網民留意到另一得意的客飯名稱「陽光脯照又係咩？」。

餐廳不時在菜式名稱上花心思

原來該餐廳不時在餐牌上花心思，創作有新意的菜式名稱，由網上找到的另一餐牌顯示，原來所謂的「蒼井老師」和「陽光脯照」是指「豉汁蒸䱽魚」及「豆角菜脯肉碎煎蛋」，網民都大讚「啲菜式好有趣」、「請問呢間茶記嘅地址喺邊？」。

原來所謂的「蒼井老師」和「陽光脯照」是指「豉汁蒸䱽魚」及「豆角菜脯肉碎煎蛋」。網上圖片

不滿餐廳起餸名有性意味

亦有熟客透露餐廳其他有趣的得意之作如「間中佢仲會有非洲雞（豉油雞）」，「柱男玩蛋蛋」、「翻雲覆魚」、「咸濕百腐」、「Fans呱呱叫」、「安鄉咸香雞」等，不過就有網民不滿餐廳起的餐名帶有性意味，「X你個街，食餐飯都要猜燈謎」、「OnX當有趣menu」。

網上圖片

網上圖片

網上圖片