茶記推$18「糧尾飯盒」！三款餸可揀有雞鴨肉餅　網民大讚恩物：喺邊先得㗎？

香港物價高企，網民不時發帖大呻餐廳加價，不過近日有網民發現竟有茶記逆市而行，推$18的「糧尾飯盒」！

示意圖

茶餐廳推出$18份的外賣「糧尾飯盒」

該名網民在Facebook群組「香港茶餐廳及美食關注組」發帖，指見到有茶餐廳推出$18份的外賣「糧尾飯盒」，並表示「人哋用心做。好唔好見仁見智。不要一路挑骨頭」，又好意與網民分享稱「我就覺得3樣都唔錯。呢個時候仲有呢啲價錢。感恩了」。

FB圖片

菜式選擇有3款

從照片可見，餐廳外的黑色廣告牌以醒目螢光色寫上「必食」、「糧尾飯盒」等字眼，而菜式選擇有3款，分別有4分1隻鹽焗雞、臘鴨髀飯和梅菜肉餅飯。

網民急求地址

由於樓主沒列明地址，令不少網民都紛紛留言表示「最大問題係你唔分享個地址出嚟」、「喺邊先得㗎，想買」，而有網民就留言指餐廳地址似乎是在新蒲崗雙喜街某工業大廈地下。

FB圖片

網民大讚「恩物」、「救星」

大部分網民大讚$18飯盒是「糧尾恩物」、「糧尾救星」，又有人表示「簡直係年關套餐」、「18蚊學生餐價」、「時光機返回去廿年前」、「簡直是大半送小半賣，良心商户」、「何只糧尾飯盒，直頭良心飯盒」。

示意圖

雖有部份網民擔心飯盒份量或味道，但價格已相當實惠吸引，「如今仲可18元食到個飯盒，仲想點呀？」、「18元醫飽個肚唔使捱公仔麵，都算正正經經食餐飯」、「呢3款已經好打得，出面5、60蚊都未必好食啦」。

清明時節，大批孝子賢孫冒雨前往墳場掃墓。有網民在社交平台分享，日前（4月6日）拜山期間目擊一名中年大嬸，因偷取他人拜祭後留下的生果祭品而被當場揭發。

資料圖片

清潔姐姐跟蹤影相 當場斷正

據該網民描述，當時聽到現場傳來爭執聲，發現一名負責人及一名清潔姐姐捉住一名中年大嬸，不讓她離開。原來該名大嬸自備環保袋，偷取他人祭品，被清潔人員當場斷正。負責人直指其行為屬盜竊，大嬸則辯稱「我唔知㗎，諗住唔好嘥㗎咋。我第一次嚟」。

在場的清潔姐姐隨即反駁：「我跟咗你尾好耐，影曬相。睇你咁熟手一定唔係第一次。」另一名清潔姐姐亦補充，指墳場經常遺失物品，最終責任往往落在清潔人員身上，「都賠咗幾次」。

threads 截圖

負責人請示上司後放生

雖然負責人曾表示要考慮報警，但最終在請示上司後，決定放過該名大嬸。發文的網民事後大讚清潔姐姐醒目，懂得先蒐集證據。他亦感慨指，環保與偷竊是兩回事，不應以此方式處理祭品。

示意圖。AI生成圖片

帖文引來網民熱議，「一直以為啲先人食完再俾啲浪浪食，估唔到有人偷」、「拜完之後自己執返啲祭品啦，食物係畀人食嘅，一係就畀真.老鼠食，唔係畀鬼食嘅 」、「預咗畀露宿者食埋，有時重得滯唔想帶返落去」、「我真係想知道佢食完係咪咩事都冇」、「其實呢啲報警都好難入到？好難搵返受害人出嚟」。

設計圖片

亦有不少人對「墳場老鼠」的存在感到驚訝，有網民就指出，類似偷取祭品甚至破壞墳墓再索償的「墳場老鼠」行為，其實存在已久。