香港物價高企，網民不時發帖大呻餐廳加價，不過近日有網民發現竟有茶記逆市而行，推$18的「糧尾飯盒」！
示意圖
茶餐廳推出$18份的外賣「糧尾飯盒」
該名網民在Facebook群組「香港茶餐廳及美食關注組」發帖，指見到有茶餐廳推出$18份的外賣「糧尾飯盒」，並表示「人哋用心做。好唔好見仁見智。不要一路挑骨頭」，又好意與網民分享稱「我就覺得3樣都唔錯。呢個時候仲有呢啲價錢。感恩了」。
FB圖片
菜式選擇有3款
從照片可見，餐廳外的黑色廣告牌以醒目螢光色寫上「必食」、「糧尾飯盒」等字眼，而菜式選擇有3款，分別有4分1隻鹽焗雞、臘鴨髀飯和梅菜肉餅飯。
網民急求地址
由於樓主沒列明地址，令不少網民都紛紛留言表示「最大問題係你唔分享個地址出嚟」、「喺邊先得㗎，想買」，而有網民就留言指餐廳地址似乎是在新蒲崗雙喜街某工業大廈地下。
FB圖片
網民大讚「恩物」、「救星」
大部分網民大讚$18飯盒是「糧尾恩物」、「糧尾救星」，又有人表示「簡直係年關套餐」、「18蚊學生餐價」、「時光機返回去廿年前」、「簡直是大半送小半賣，良心商户」、「何只糧尾飯盒，直頭良心飯盒」。
示意圖
雖有部份網民擔心飯盒份量或味道，但價格已相當實惠吸引，「如今仲可18元食到個飯盒，仲想點呀？」、「18元醫飽個肚唔使捱公仔麵，都算正正經經食餐飯」、「呢3款已經好打得，出面5、60蚊都未必好食啦」。
近日，一名移居英國的香港男子在社交平台發文，大吐苦水，批評部分同為移英的「手足」即使只是從事倉務工作，也熱衷於互相投訴、勾心鬥角，帖文隨即引發熱議。
AI生成圖片
港男：打份倉工都要勾心鬥角
該名港男在帖文中以「唔好意思呀，借個位發洩下。真係不吐不快」開首，直言不明白為何「香港人打份倉工都要玩互相投訴」。他感嘆道：「人哋個個國家啲人都好團結，係唯獨是香港人咁鍾意玩勾心鬥角。」
樓主無奈表示，倉務工作薪金微薄，只是為了過生活，「投訴咗又無錢分」。他質疑，大家歷盡辛苦移居英國生活，而這個國家也並非事事完美，為何上班時還要搞小動作，把事情複雜化。
AP資料圖片
網民熱議：認同現象籲遠離同鄉
帖文引來大批網民回應，不少人表示深有同感。有留言指：「絕對認同，仲要亂搞婚外情，個個忘記初衷」、「香港人嘛，就係咁！睇開啲啦，嚟到英國就遠離香港人啦」。亦有網民分析，可能是因為移英港人多屬中產，「以前喺香港玩慣辦公室政治勾心鬥角」，並指這種風氣已從「辦公室政治延伸到倉庫政治」。
其他批評聲音包括：「太多X街啦，有啲仲攪（搞）埋人哋老公、老婆」、「住在英國（嘅）香港人就係咁㗎啦，自己人打自己人，見到外國人就死曬狗，又喜歡玩杯葛（Boycott）自己人，乜嘢都爭，乜嘢都搶，又貪心，又假，真係要遠離D香港人」。
示意圖
網友質疑：倉務工友或因缺乏競爭力？
不過，亦有網民提出不同看法，直言：「得罪講句，有料都唔駛（使）做倉啦，都係出面揾唔到工先喺倉度長做⋯，咁無料嘅人最驚咩？就係驚人叻過佢，搶咗佢（嘅）地位。」對此，發文的樓主則回應稱，在英國要找回本行工作並不容易，連本地人也可能要做倉務，「又唔係個個都無料嘅。」
英國白金漢宮。AP資料圖片
