193郭嘉駿生日前夕外公病逝 感嘆要「愛得及時」

193後悔沒有親口多謝外公。

ERROR成員郭嘉駿（193）昨日（1月14日）迎來35歲生日，本應是開心事，不過他在IG上載與外公外婆的舊合照，發長文指外公在前晚離開人世，並感慨表示：「呢幾日係我腦海不停徘徊住呢四個字，愛得及時」。

193粉絲日前為他舉辦生日會，慶祝其35歲生日。

193提起與外公外婆的相處點滴：「我細個有段好長嘅時間都係公公婆婆湊我，因為爹哋媽咪日頭要返工，所以我每日放學都會去公公婆婆屋企，到食完晚飯先跟爹哋媽咪返屋企。以前一直都覺得公公好犀利，到咗呢個年紀都仲可以身體咁健康冇病冇痛周圍走，個腦仲係轉得咁快可以睇財經炒股票，但係近一兩年佢身體狀況突然急轉直下，以前每次上去佢屋企食飯我都食好多嘢，因為佢煮餸嘅味道出面係食唔到。」

他續寫道：「以前每年新年都好期待食到佢親手整嘅蘿蔔糕，因為好足料好好味同出面買嘅蘿蔔糕根本冇得比，但係近年因為佢身體狀況越嚟越差，所以已經好耐冇食過佢親手煮嘅嘢食，不過食唔食到都係其次，大家都覺得佢身體健康先係最重要。」

193發長文悼念外公。

分享兒時與外公外婆的合照。

他指自己自6年前入行以來，外公外婆一直追看他的節目、劇集，甚至報道：「我開始覺得終於可以令佢安心令佢自豪，就算遇到咩唔開心咩挫折，佢問起我都會話冇事所有嘢都好順利唔使擔心，直到真係賺到錢想請佢去旅行，先發覺佢身體條件已經唔許可。」

193坦言因工作忙碌，忽略了外公，錯過陪伴他的時候：「搬咗屋想帶佢上嚟睇，買咗新車想帶佢兜風，開咗新餐廳想帶佢去食，一直覺得仲有大把時間唔使急住做，但原來所有嘢都要愛得及時。有時會責自己唔夠叻，如果我叻啲就可以喺頒獎台上面多謝佢。但原來時間係唔等人，佢前兩日望住我話多謝我嚟探佢，但我見到佢咁辛苦真係好心痛，本身想話多謝佢一直以嚟咁錫我哋就真，不過因為唔想畀佢見到我喊所以轉身行開咗，到尋日再去醫院佢已經冇再郁過，我仲未來得及多謝佢，佢就已經走咗。」

3妹亦貼出家庭照。

昨日正日生日的193回憶：「以前每年生日都會收到公公畀我嘅生日利是，突然發覺原來以後都冇機會再收到。」

而193的媽媽及妹妹「3妹」郭嘉盈（Michelle）都分別在IG發文悼念，3妹寫道「My Supper Grandpa」，而193的媽媽則感謝爸爸的教導，寫道「You are my hero」。

193的媽媽

繼2021年推出《特務肥姜 2.0》後，睽違4年，Fatboy@ERROR與姜濤@MIRROR終於再度合體，推出第二首師徒合唱歌《獅虎流》，集結「獅」與「虎」這兩頭「樂壇猛獸」，自成一個流派，強強聯手震撼樂壇！Fatboy說：「我跟姜濤相隔數年終於再度合體，今次秉承『特務』系列的特色打造《獅虎流》，曲風蠻有趣！」姜濤續說：「而且是我們師傅最擅長的唱跳，但風格跟上首合唱歌不一樣，希望大家多加留意！」

「特務肥姜」相隔4年再度合體強強聯手合作新歌《獅虎流》。

Fatboy分享今次邀請姜濤合作的原因：「一來我們喜歡玩在一塊；二來是觀眾或各自的Fans覺得我們的互動充滿化學作用，所以自從推出《特務肥姜 2.0》後，便經常有人問我何時再跟姜濤合作新歌。老實說，莫說要推出合唱歌，我們連一起表演的機會也不多，大家也知道要邀請我們一起表演的話，索價不菲，完全明白大家的預算所限，哈哈！」

除了數口精外，Fatboy對音樂同樣有堅持，新歌《獅虎流》找來Y.Siu作曲、T-Rexx填詞、Edward Chan任監製，每一粒音符均是「由零開始」創作，慢慢建構成符合自己心水的曲風！Fatboy說：「這首歌不是從現有的Demo中挑選，而是我花盡心思找出很多作品給幕後團隊參考，甚至哼給他們聽，從而去打造我想要的曲風，最後才衍生出《獅虎流》這首曲。歌詞中則帶有搞笑及口語化部份；舞蹈亦發揮了一些無厘頭創意，例如加插了恍如肩周炎一樣的舞步，相當有趣！」

姜濤Chok玩忍者刀！

「姜徒」望新跳唱風格獲注目。

作為《獅虎流》的「生父」，Fatboy當然要解釋一下歌名含意：「師傅當然是形容我跟姜濤的關係，但今次是獅子的獅，以及老虎的虎，寓意我們兩師徒就像娛樂圈的兩頭猛獸，哈哈！我有想過歌曲直接叫《獅•虎》，好像頗有型，但又想承襲《特務肥姜》的風格，於是選擇了忍者風格，而忍者一定隸屬於某個流派，所以索性取名《獅虎流》！」

既然以忍者做主題，MV中當然不乏大耍忍者刀的場口，以「ERROR流忍者」造型上陣的師傅Fatboy，與身穿型爆皮褸的「姜徒」，由專人指導下學習刀法，有板有眼；期間「百厭姜」更瘋狂上線，笑不攏嘴地把玩忍者刀，十足十大細路！跳舞時，兩師徒時而Chok到盡頭，時而古靈精怪，舞步與表情完全「神同步」，默契十足！Fatboy說：「之前拍電影也學過用刀，略懂皮毛，但今次MV邀得專家來指導我們如何用刀，希望精益求精，當作聖誕禮物送給大家！」

Fatboy MV化身「ERROR流忍者」。

想於Boxing Day拆開「特務肥姜」送給「小草」及「姜糖」的聖誕禮物，大家記得要上各大音樂平台收聽Fatboy與姜濤合唱的新歌《獅虎流》，同時要Loop爆MV感受「新•ERROR流忍者」又型又Fun的懾人魅力！

「特務肥姜」相隔4年再度合體強強聯手合作新歌《獅虎流》。