世界各地歌迷都留言兩場太少，好驚撲唔到飛
千呼萬喚，謝霆鋒終於開騷！今日他於社交媒體上，發布了他的演唱會海報，海報一望而知於香港啟德主場館拍攝，一個人一結他蓄勢待發，像他17 歲入行，帶著對「熱愛音樂」，勇闖娛樂大世界。看著海報，等足25年的歌迷為之瘋狂，急不及待等霆鋒帶大家同進「遊樂場」。
謝霆鋒終於開騷！
等足25年的歌迷為之瘋狂，急不及待等霆鋒帶大家同進「遊樂場」。
2000年謝霆鋒20歲，第一次舉行個人演唱會《Viva Live》，創下最年輕香港男歌手第一次進紅館就開六場的紀錄。相隔25年，霆鋒再次決定舉行個人演唱會《Manulife Presents Evolution Nic Live》，再為自己創下新紀錄，成為第一位亞洲歌手，踏進香港最新最大的場館 -「啟德主場館」開騷！歌迷引頸翹望25年，無人不想佔上一席位，入座觀賞。想進入香港最新最寬廣的啟德主場館，跟著霆鋒音樂每分每秒動心，每分每秒驚心，就要留意，滙豐信用卡獨家優先訂票: 日期為1月22日中午12時至1月23日晚上11時59分；Trip.com Group率先發售，日期為1月24日上午10時至1月26日晚上11時59分。
歌迷引頸翹望25年，無人不想佔上一席位，入座觀賞
這次霆鋒的演唱會海報選址直接於啟德主場館拍攝，據知連他的新歌MV也於啟德主場館場內拍攝，預早帶大家感受一下這個新場地。歌迷等足25年，拍海報的Teaser一出，不少歌迷隨即瘋狂留言，「等足25年終於等到！」「有生之年終於等到你！」「一定要撲到飛」。
謝霆鋒昨日（4月2日）受香港大學未來媒體學院邀請，出席「創意．娛樂．創業：鋒味創新融匯」主題講座，跟大家探討他橫跨演藝、餐飲、科技、商業等多個領域的歷程及創新思考。講座以對談形式進行，由該學院總監及教授（實務）楊紫燁（Professor Ruby Yang）跟霆鋒對談，後設有問答環節，讓霆鋒答現場同學問題回。
謝霆鋒受香大未來媒體學院邀請，出席「創意．娛樂．創業：鋒味創新融匯」主題講座。
講座上，霆鋒透露自己在不同範疇的思考模式十分相似，尤其在創意方面。他舉例：「對我嚟講，寫歌嘅第一步係先收集音符；準備一道菜嘅話，就需要先收集食材，然後一步步諗點樣搭配。」他進一步解釋，第二步就是確定想做甚麼風格或菜系，「煮嘢食嘅話，你會問自己：『我想做福建菜定係泰菜？定係想做麻辣風味？』音樂方面就係揀邊種類型，你想做 Heavy Metal、Rock 定係 Jazz？呢一步就好似揀定個大方向，之後從中再發揮。成個思維路徑都係一脈相承。」
謝霆鋒
霆鋒特別提到歌曲《推倒重來》並有感而發，指現今正處於文化、科技與人性的交匯點，AI發展速度指數級增長，幾乎每星期都有新突破，令所有事情都要「推倒重來」。他更觀察到，就連價值觀也正在被挑戰：「以前大人教我哋要努力工作、努力讀書先有美好未來，但而家有人話工作只係其中一個options , 甚至未來可能根本冇工做。咁我哋仲點解要咁努力工作？呢個就係價值觀被重新審視、改變嘅過程。」
謝霆鋒
霆鋒又自爆一個十多年前被視為「黐線」的想法。他指自己曾營運電腦特效公司，經常掃描自己的樣貌製作數碼版本。有次掃描時突然靈機一觸，跟經理人Mani說：「如果英皇娛樂十年後想繼續成功經營藝人管理部門，每個藝人都應該好似我咁樣scan自己個樣。」說到這裏，坐在旁邊的Professor Yang突然拿出電話對準他拍照，並說：「呢個係Best View！」哄得全場大笑，就連霆鋒也忍不住笑起上來，隨後霆鋒建議掃描不同年齡階段的藝人，例如20到30歲的謝霆鋒和容祖兒，然後將數碼形象進行數位授權。
謝霆鋒
霆鋒解釋：「我相信十年後、十五年後，人類已經唔需要再親自出鏡去拍廣告、拍電影。你諗吓，我拍好多動作電影，嗰啲場面連買保險都有困難。如果可以用數碼形象代替，就解決咗好多問題。」他認為這個做法同樣適用於運動員，讓他們毋須擔心受傷或體能限制。
謝霆鋒
回想當年，霆鋒笑說：「當然，十幾年前我講呢啲說話嘅時候，所有人都覺得我好黐線。」但他指出，時至今日大家已經歷NFT、Blockchain等概念洗禮，技術上完全做到。他認為現在只差一步：「關鍵就係要睇吓邊個願意做嗰隻白老鼠，第一個去嘗試呢個新方向。」言下之意，這個當年被視為天方夜譚的構想，隨時可能成為娛樂圈的未來趨勢。
謝霆鋒
最後，霆鋒寄語大家：「當然大家要去擁抱、接受同埋點樣利用AI呢個科技，其實講到尾最令你嘅難忘、最設身處地嘅嘢，就係要有自己嘅Experience。」
