Skip to Content Facebook Feature Image

港女獲派將軍澳公屋1原因未準簽約 收樓期限迫在眉睫大呻:要瞓街!

社會事

港女獲派將軍澳公屋1原因未準簽約 收樓期限迫在眉睫大呻:要瞓街!
社會事

社會事

港女獲派將軍澳公屋1原因未準簽約 收樓期限迫在眉睫大呻:要瞓街!

2025年01月23日 12:30 最後更新:15:11

有港女於社交平台發文,指她們一家人1月2日收到房署編配信,卻因1原因暫時不准簽約入住。然而,租屋單位業主已定「收樓」限期,樓主擔心年前入伙不成要「瞓街」!

獲派將軍澳健明邨 卻無法立即簽約

更多相片
Google地圖圖片

Google地圖圖片

FB圖片

FB圖片

unsplash示意圖

unsplash示意圖

unsplash示意圖

unsplash示意圖

unsplash示意圖

unsplash示意圖

該港女於Facebook群組「公屋討論區」發帖表示,一家人早就在1月2日收到房署編配信,將獲派將軍澳健明邨單位。樓主直言「感覺真係中咗頭獎咁」,不過房署因1原因卻「唔畀簽約住」,令她們十分苦惱。

Google地圖圖片

Google地圖圖片

等職業治療師上門視察單位

樓主解釋,她們家中有輪椅人士,所以要等職業治療師上門視察單位是否符合輪椅人士,才能夠簽約。樓主補充,「已與職業治療師見面,也給治療師睇咗單位內嘅影片和相,治療師也認為毋須大改動,建議在浴室安裝扶手,僅此而已,而這個我哋可以自行安裝到的。但主任仍未畀我哋簽約住」。  

FB圖片

FB圖片

確定單位適合輪椅人士住才可作編配

根據房屋署申請公組公屋編配小組信件,寫明要等候「職業治療師」或「物理治療師」實地視察,就單位裝置需否改裝提供專業意見,「當確定單位適合輪椅人士居住後,本署才會作編配」。

港女:想新年前搬入

樓主疑惑,如果職業治療師無建議任何改動,是否可以先簽約;或如果職業治療師只在報告寫上「在浴室加裝扶手」,而她們可以自行安裝,不需要等房屋署安裝。

unsplash示意圖

unsplash示意圖

由於很快過農曆新年,職業治療師起碼要「二十幾號」才上門視察,惟樓主希望可以新年前搬入,遂向網民求助,「我哋想快啲簽約便簡單裝修後入住,因為家庭狀況確實有必要性,二嚟年前添置家電都會平好多(因現居單位太窄迫,人都無路行,所以買定家電放家中等過年後先送去新屋是辦不到的)。其實無大改動,我哋又接受該單位,有無可能可安排盡快簽約呢?」。

網民指「唯有等待」

網民看過帖文,認為唯有等待,「總之房署要怎樣程序就怎樣程序啦、急也急不來啦」、「一切要等房署及治療師安排好先會畀你簽、這是程序、程序是一步一步來的、與你過年前想搬入係2件事、明白嗎」、「呢封只係預派信,方便你有需要的話揾埋治療師上去睇,我嗰陣係上去睇完自己再打電話去房署話接受,之後2星期左右先會收到正式配房信,呢封先係可以簽約的」。

unsplash示意圖

unsplash示意圖

港女呻業主收樓或要「瞓街」

樓主回覆網民留言時指出,「如果我家情況等到我哋都會等,但而家係無時間等」,大呻「而我仲有嘅難題係業主要收樓,而家咁樣一等再等,我搵到治療師都未必趕得切收樓前遷出,一陣會再去房署搵主任傾,如果仲未肯畀我簽約,我同我仔瞓街了……」。

樓主又質疑房屋署程序,「我就係唔明白單位調適點解唔可以遷入後做,而要一等再等。封信下部都有寫唔安排治療師察視,若拒絕視為1次派屋,但係我哋係接受,又唔需要佢哋做調適,都要拖」。

unsplash示意圖

unsplash示意圖

網民分享類似經驗

有網民分享同類經驗,「我嗰陣有年老親戚係要係廁所幾個位置裝扶手,職業治療師要去度親戚嘅高度,仲有畀呎吋高度房署裝,房署先搵人去裝,唔畀自己裝,因為怕個物件裝唔穩同破壞咗廁所個防水層,所以要等佢嚟裝,過年前可能真係好趕,工程個啲未必咁快嚟到裝」。

Tags:

農曆新年

往下看更多文章

疑似行李超重機場垃圾桶前遺逾半百廁紙 網民估棄置者最有可能是.......

2025年02月16日 12:30 最後更新:14:01

現時有不少港人移居海外或留學,回港時都會帶上一篋二篋物資返去補倉!日前就有港女目睹疑似有旅客因行李篋超重,將逾50多包的廁紙及面紙丟棄在機場回收垃圾桶前,有如一座小山丘,情境令人側目!

示意圖。設計圖片

示意圖。設計圖片

大堆廁紙面紙被棄置 有如小山丘

港女在社交平台Threads發帖,指在機場見到有人把篋內各式各樣的維達紙巾丟到垃圾桶前,並指「雖然我屋企都用緊,但未至於要買咁多」,更開玩笑的指「睇嚟果個人一定係忠粉」,只見上載的相片中,有一大堆散裝廁紙及面紙,約有50多包,港女還特意在留言處聲明,自己不是有關的廁紙品牌公關,只是「親眼睇到純share~ 」

Threads 截圖

Threads 截圖

清潔阿姐將廁紙裝成一袋執走

網民見到如此境況,關心地問「有冇人去執?」她回應:「有一兩個人去咗執,同時有好多人望住堆紙巾。」並表示其後有清潔阿姐即刻用垃圾袋把地下的廁紙裝成一袋拿走,以免浪費。而她估計此為名「廁紙控」似是買了很多袋紙巾,之後再分拆入篋的。

網民估計是移民或海外留學人士所為

港女的帖文其後被轉發至其它社交平台,引起不少網民的熱議,但大多數人都認為這名「廁紙控」應該最有可能是移民或往海外留學的人士。

Thread圖片

Thread圖片

移英港人:每次返香港都會買大量Temp

不少網民指出在英國買紙巾好貴,手抽裝紙巾「喺倫敦買一包要£2.5(港幣24元)- £3(港幣29元)」,「成日聽埋聽埋話英國嗰邊紙巾貴。」「應該係啲歐洲嘅地方呢紙巾係好貴。」有已移民的港人亦坦言:「我每次返香港都會買大量Tempo,順手當避震。」

資料圖片

資料圖片

留學仔女多要求父母帶兩樣嘢去探親

亦有部份網民表示,到海外留學的仔女多會要求父母「帶兩樣嘢去探親:1:熱浪;2:廁紙」,「我friend去留學都係帶好多紙巾,咩款都有。」不過有網民就不認同:「英國啲紙巾無咁差啫,有位我寧願帶箱出前一丁+維他檸檬茶。」

你 或 有 興 趣 的 文 章