陳慧嫻第五場演唱會選唱《去吧》送龍迎蛇 收爐三日初二再啟市

初二再見～

陳慧嫻40週年演唱會《The Fabulous 40 Priscilla live in Hong Kong》，昨晚（1月26日）完成第五場，應節收爐三日，初二（1月30日）再啟市。昨晚慧嫻請來ERROR任嘉賓，舞台上搞笑謂剩係想同肥仔講嘢，因為肥仔同佢差唔多高，終於可以用水平線對望，其他個三個就由得佢，免自己不停向上望得多會頸痛。

陳慧嫻40週年演唱會來到第五場。

慧嫻應節收爐三日，初二（1月30日）再啟市。

第五場請來ERROR任嘉賓。

講笑過後，慧嫻先是多謝ERROR ，邀請她加入年青人隊伍，「可能有好多人唔知我同ERROR係乜嘢關係呢？ ERROR佢哋最近有一隻新歌，有一日唔知點解邀請我去做佢哋呢個MV入面客串嘅一個角色。」ERROR肥仔話，「其實我哋個個都一識你㗎…同埋我哋ERROR呢 有個古怪嘅心願 ，我哋專搵啲靚姐姐合作，你唔係客串咁簡單呀，你係女主角呀。」

慧嫻多謝ERROR 邀請她加入年青人隊伍。

ERROR又謂，慧嫻的跳舞街是經典，本來他們的新歌是希望可以向《跳舞街》致敬，mix埋跳舞街音樂落去，但係最後因為版權問題實現唔到，所以點都要搵慧嫻拍MV crossover 他們的《野舞士》。

ERROR曾邀請慧嫻拍他們《野舞士》的MV。

完成第五場之後，慧嫻就可以收爐三日，年初二再啟市，昨晚她騷後接受傳媒訪問，「今晚係龍年最後一場，我揀唱《去吧》都係因為咁，龍年去吧，有咩開心唔開心都要放下，一齊開開心心迎接新一年！」

慧嫻昨晚還特別選唱《去吧》送走龍年，迎來蛇年。

收爐三日，慧嫻表示主要是休息訓覺，另外會用六位數字去封利是，準備初二尾場派比所有台前葛後工作人員。另外因為頭場華麗跌親，其實膝頭哥係有瘀晒，幸好不是大礙，亦襯這三天休息可以好好散瘀。初二真正完成尾場後，她才會真正跟家人聚會拜年及慶祝新年。新一年會唔會想搵個男朋友，慧嫻謂，「我都咁大年紀啦。唔會再強求了。我好幸福，身邊有好多好朋友，屋企人陪伴嘛。咁其實我又唔會話抗距嘅，如果生命真的緣份上有安排，先去諗去接受囉。」

慧嫻指收爐三日主要是休息訓覺。

並透露會用六位數字去封利是。

繼去年舉辦「華懋荃運會」，華懋集團繼續以運動連繫及營造社區，鼓勵大眾把體能活動融入生活。今個復活節把匹克球帶到旗下荃灣商場D‧PARK，聯同Bay Pickle舉辦大型匹克球比賽「華懋匹克球挑戰盃2026」。賽事獲熱烈迴響，逾千名選手報名，年齡由5歲至64歲，參與男女子單打、雙打及混雙等多個組別的比賽，將上演超過1,200場賽事，公開組冠軍更有機會贏得馬來西亞匹克球交流之旅！

鍾嘉欣（Linda）與Fatboy@ERROR（梁業）親臨現場，為「華懋匹克球挑戰盃2026」擔任開幕禮暨名人邀請賽嘉賓。

為隆重其事，華懋集團今日（4月2日）特別邀請匹克球女神鍾嘉欣（Linda）與Fatboy@ERROR（梁業）親臨現場，為「華懋匹克球挑戰盃2026」擔任開幕禮暨名人邀請賽嘉賓，甫出場即獲現場數百粉絲歡呼起哄，場面熱鬧！兩位身穿輕便運動裝，手持匹克球拍，即場展開精彩對打，現場fans打氣聲不斷，氣氛爆燈！

鍾嘉欣與Fatboy孖住現身 D‧PARK 切磋球技。

Fatboy則一改搞笑本色，認真投入匹克球對打，展現運動細胞。

Linda近年成為匹克球忠實粉絲，更不時於社交平台分享練波日常。今次以優雅身姿示範發球，動作流暢又充滿力量，獲讚「女神球風」超有型！Linda 笑言：「計落已經打了兩年多匹克球，匹克球規則簡單又易上手，最啱全家大小一齊參與，邊運動邊增進感情。」Linda 分享練習竅門時直言感謝老公鼓勵她接觸這項運動，讓夫妻檔有共同興趣，練波更有動力，感情更甜蜜。Fatboy@ERROR則一改搞笑本色，認真投入匹克球對打，展現運動細胞，發球及截擊均顯得有板有眼，毫無放水之嫌，與Linda你來我往，互動默契十足。

Fatboy與鍾嘉欣互動默契十足。

鍾嘉欣近年成為匹克球忠實粉絲，更不時於社交平台分享練波日常。今次以優雅身姿示範發球，動作流暢又充滿力量，獲讚「女神球風」超有型！

復活節長假期將至，談及節日計劃時，Linda表示：「復活節假期都係工作中度過，不過工作之餘都會抽時間打匹克球！」踏入4月生日月， Linda透露工作以及慶生活動已經排滿檔期。她甜蜜表示：「生日月最想同最愛的人一齊度過，最期待同老公以及小朋友一齊慶祝，享受簡單溫暖嘅時刻。」至於有無特別願望？Linda笑答：「健康快樂最重要！希望今年繼續保持活力，多打匹克球，愈打愈年輕！」Fatboy@ERROR則表示：「平時拍MV、練歌跳舞多，假期就想轉換模式，運動吓出出汗，復活節計劃好簡單，先食復活節大餐，之後拉埋屋企人一齊去打匹克球，單打又得，組隊雙打都得，實現真正的跨代共融！」