娛圈事
網民被Yuki的甜美一面所俘虜
藝人羅毓儀（Yuki）日前到主題樂園探大熊貓盈盈與樂樂誕下的一對龍鳳胎「家姐」和「細佬」，更裝扮成熊貓，相當可愛！
長相甜美
擁有超強童顏
Yuki以「熊貓」造型亮相，擺出多個可愛甫士，還嚷著要做龍鳳胎的大家姐：「熊貓BB真係好打耳? (最後幾張係熊貓BB獨照！)得意到我要扮熊貓嚟做佢哋嘅家姐照顧佢哋?佢哋勁細隻，同埋仲有啲粉紅色嘅BB毛大家記得把握時間去海洋公園探佢哋！(佢哋大得好快㗎)」
打扮成熊貓好可愛
想做龍鳳胎嘅大家姐！
少女感十足
由「資深廟祝」火火、「實習廟祝」施焯日（Arthur）主持TVB Plus（82台）全新直播互動綜藝節目《師傅點算》，節目逢周一晚9點半及周二晚9點35分直播。
昨晚節目主題是「愛情是否天注定？」。
Kris跟Yuki以情侶身份擔任嘉賓。
昨晚（4月28日）《師傅點算》主題是「愛情是否天注定？」，請來情侶嘉賓林俊其（Kris ）、羅毓儀（Yuki），二人出場時甜蜜拖手。Yuki自爆當初以候補上陣參加《女神配對計劃》，她難掩興奮說︰「本來其中一位女神唔係我，當中經歷一次換人，候補之後先有機會參加。嗰時都出咗好多力去爭取，因為好想拍拖同參加呢個節目。」最後成功配對上Kris。
裸泳師傅用塔羅牌計算本周的六合彩結果。
Kris 跟Yuki 的結合似乎是命中註定，In Lee師傅早前就請示過神明，得知二人的宿世情緣，並製成AI動畫播出。動畫片中男主人翁為孤兒，收留了一只BB狗。可惜好景不常男仔生活拮据，最後忍痛將小狗贈給友人。離開一刻人狗各自許了同一個願望「下世要一起生活」。Kris 跟Yuki看完這段前世故事已眼濕濕，In Lee師傅更哭成淚人。Kris表示第一眼見到Yuki時，已好想保護及令對方開心的使命感。In Lee師傅表示當得悉這段前世緣時，已喊過不知多少遍，她哭着對二人說︰「睇完故事好想送首歌《遇見》畀你哋，因為神明話你哋嘅路好艱難，希望你哋可以改寫今世結局……」最後Kris 跟Yuki要反過來安慰In Lee師傅。塔羅占卜師羅泳嫻（裸泳）亦提到一單前世約定的姻緣，事緣有男女客人因一方患有絕症前來問卜，牌局中發現二人有宿世情緣，她續說︰「原來佢哋上世約定，帶住密碼嚟今世。講返今世佢哋相識嗰日，大家都袋住同一本書，之後就拍拖。原來嗰本書就係佢哋相認嘅密碼。不過今世timing唔啱，要等下世再續緣。」
Yuki以候補身份參加《女神配對計劃》。
In Lee師傅揭Kris跟Yuki宿世情緣。
此外，本周六將開彩的六合彩50周年金多寶，估計頭獎基金為2.28億元。幾位師傅以各自專長提供爭勝貼士，首先裸泳師傅以塔羅起局，預告出當日大利藍顏色及雙數號碼；三駕道長趙嘉寶教投注者宜坐定定買六合彩，如要到實體店購票，最好選一間正動工裝修的投注站，貪其漏財。
