葵涌南記冰室招聘告示藏暗語「企鵝、方丈、少奶勿擾」 網民拆解意思

有港女日前途經葵涌南記冰室時，發現店方招聘告示居隱藏暗語！聘請「熟手樓面」，但寫明「企鵝、方丈、少奶勿擾」，暗語意思惹來網民熱烈討論！

《阿媽有咗第二個》劇照

冰室告示拒請3類人士

樓主在threads帳號上傳照片，表示「南記個招聘post好好笑」。從照片可見，冰室正需要招聘全職及兼職的「熟手樓面」，期望應徵者為人勤快、主動。不過帶趣的是，最下方有1行小字強調，「注意：企鵝、方丈、少奶勿擾」。

Threads圖片

港女試解釋3大暗語

樓主認為告示十分趣緻，並嘗試為以上3詞作解釋。她猜測，企鵝即「淨係識行行企企，唔做嘢嘅冗員」；方丈即是指為人小器 ；而少奶則未有解釋，只表示「好明顯啦吓話」。

網民大讚創意：好貼切嘅形容

網民大讚告示有創意，「企鵝指淨企喺度，叫佢做嘢就『哦』，哦完繼續企喺度」、「我初戀男友返第一份工時佢老闆解釋佢知，出嚟做嘢做到企鵝咁，唔該返屋企」、「好正嘅暗語」、「好貼切嘅形容」、「真香港人先睇得明」。另有人分享其他詞語，「企鵝都識出聲有反應，我以前遇過一些『稻草人』」、「仲有足球員（射波）」、「電競手呢？（返工打機）」。

《營業中》劇照。

「少奶」原來是這意思

不過都有網民對「少奶」表示不解，但估計是無經濟負擔的女士，「少奶，應該係指嫁咗小康家庭，但喺屋企無聊，返工為咗吹水嘅師奶？」、「嬌生慣養唔捱得」、「可能係指10隻手指Gel行晒水晶甲嗰啲少奶」、「即係嚟體驗人生嗰啲，真係齋睇」。

電影《食神》截圖。

原文出處：threads＠kaitlynq1238

有港女發文詢問網民，應否為年過60歲的父母購買自願醫保。她指父母現時僅依賴公營醫療，雖有高膽固醇、初期白內障等小毛病，但仍擔心現在投保「會唔會太遲」，隨即引發網民辯論。

有港女發文詢問網民，應否為年過60歲的父母購買自願醫。資料圖片

反對者指保費高昂條款多

不少網民直言，以樓主父母的年齡及健康狀況，投保可能「唔抵買」，因保費相對昂貴，且可能附帶多項「不保事項」。有自稱業界人士的網民更坦言：「呢個年紀、呢個病歷，唔係你肯唔肯買，係人哋肯唔肯賣俾你」，提醒長者若有心臟病或糖尿病等長期病患，保險公司極可能拒保。

樓主父母年過60。AI生成圖

支持者籲「有心唔怕遲」

然而，更多網民認為「有心唔怕遲」，並分享親身經歷。有過來人表示，為家人投保三年後即不幸患癌，成功索償二百多萬，感嘆「最重要係，你唔會忍心見到佢哋排公立」。另一網民指父親投保十多年，其後在私家醫院花費50萬，保險賠償九成，強調「有能力選擇私或公係已經好好」。

樓主稱「你唔會忍心見到佢哋排公立」。AI生成圖

過來人教路：誠實申報病歷

有網民建議必須誠實申報所有病歷，避免日後索償爭議。在計劃選擇上，可考慮「最高自付費」方案以降低保費，主要應對癌症等嚴重疾病風險。亦有人提議可搭配意外保或具危疾保障的年金產品，為長者提供多重保障。

樓主父母身體有小毛病。AI生成圖

網民總結：量力而為

討論最終未有定案，但有網民以風險管理作結，指為父母買醫保如同博弈，「都係講賠率」，做錯決定代價沉重，但選對策略或能在關鍵時刻換來安心。網民普遍認同，每個家庭狀況不同，應按實際經濟能力與健康情況，諮詢專業意見後再作決定。