熊貓日常：家姐爬高擒低無難度 細佬探索竹葉好味道

熊貓龍鳳胎日漸長大，好快會同市民見面，但平時牠們在後場會做甚麼呢？海洋公園大熊貓專頁又發放家姐細佬得意片段，發現家姐閒來無事就爬高擒低，而細佬就試緊竹葉的味道，各自各精彩！

家姐細佬發片，來一個後場實錄大公開。熊貓識爬樹大家都知，但熊貓館後場沒有樹爬，家姐就走去爬鐵閘，只見牠手腳並用，成功爬上鐵閘隻腳離地，隨即露出看似很開心的表情，似乎想表示，自己爬高擒低無難度！

而在家姐努力練爬的時候，細佬就好奇寶寶上身，抓著一大把竹葉又啃又咬，似乎在細細探索竹葉的味道，不知牠喜不喜歡竹葉的味道呢？但家姐細佬其實還「未戒奶」，主要的糧食還是飲奶，竹葉只是淺嗜一下罷了。

星期四就是小朋友們最期待的聖誕節，而海洋公園的大熊貓家姐「加加」同細佬「得得」當然也不例外。兩姐弟平安夜的行程就是玩雪同等聖誕老人送新鮮竹筍！

IG圖片

IG圖片

IG圖片

可能在熊貓的視覺中，護理員就等同於聖誕老人呢！不過「加加」同「得得」眼中的這位聖誕老人就並非著傳統紅色衫，亦都無大肚腩！無錯！著綠色衫的攣毛護理員「Matt爸」就是熊貓界的聖誕老人啦！

IG圖片

IG圖片

IG圖片

IG圖片

不過海洋公園專屬聖誕老人偷偷派完新鮮竹筍就未能全身而退，「得得」死拽住聖誕老人對水靴不放手：「唔好走呀！！！得得份禮物未俾啊啊啊！你係咪漏咗我呀？」，連熊貓粉絲亦忍不住感歎，「肉榮真係好鍾意對水靴」

有得玩又有得食，「加加」同「得得」今年有得過白色聖誕，「多謝咁多位奶爸奶媽為我哋準備！」

IG圖片

IG圖片

IG圖片

IG圖片

「加加得得Merry Chrsitmas！聖誕禮物可能收埋喺奶爸嘅靴！」、「加加，得得：原來Matt奶爸就係聖誕老人！？奶爸我哋份禮物呢？」、「今年2姊弟玩雪過聖誕，又有Matt爸製造落雪場景比佢地超開心超幸福！聖誕快樂」、「得呀！唔係每個攣毛都係聖誕老人嚟㗎」、「就送對水靴比佢啦」