家姐唔易做！「得得」為爭「狂野龍捲風」使出無影腳 「加加」佛系寵弟抵讚

如何和平解決小朋友玩具爭奪戰是每一個家長必須面對的一課，而面對熊貓爭玩具又點算好？海洋公園大熊貓家姐「加加」就為大家帶來教科書級的解決方案。

海洋公園IG視頻截圖

園方在社交平台公開兩姊弟為全新玩具「狂野龍捲風」爭破頭的影片，家姐「加加」語重心長同細佬「得得」講明，「呢個狂野龍捲風先到先得啊」，不過細佬文學造詣未夠深，一聽到先到先「得」，即刻好興奮：「哇！話明先到先得（得），緊係我玩先！」

海洋公園IG視頻截圖

海洋公園IG視頻截圖

海洋公園IG視頻截圖

為了將身在「狂野龍捲風」中的家姐拖落地，細佬不惜使出瘋狂熊貓腳，「唔好意思，熊貓腳發作！」。手腳並用，終於成功將家姐踢落地，「到我玩啦！」，而向來有大家姐風範的家姐「加加」，面對屁孩模式嘅細佬「得得」，不得不放棄掙扎，選擇佛系模式寵弟禮讓細佬，「大家見到啦，我好錫我細佬㗎」，讓一眾鏡頭外地熊貓迷都忍不住感歎，果然係家姐唔易做‍！「大個女了，抵讚」

海洋公園IG視頻截圖

海洋公園IG視頻截圖

海洋公園IG視頻截圖

海洋公園IG視頻截圖

海洋公園IG視頻截圖

海洋公園IG視頻截圖

兩姊弟爭玩具的影片曝光掀起網友熱議，大家紛紛爆笑留言：「細佬「得得」永遠都虾家姐「加加」㗎啦！而家姐卻好鍚細佬(常常都讓他)!!!!」、「永遠只有細佬蝦家姐」、「得啦得啦，家姐，知道你乖啦!」、「玩具真係爭爭下先好玩架」、「家姐風範嘅加加姐」

海洋公園IG視頻截圖

海洋公園IG視頻截圖

海洋公園IG視頻截圖

萬千寵愛的大熊貓龍鳳胎「加加」、「得得」好食好住好玩，最新消息兩姐弟體重已經超過35公斤！而且，告別BB餐，開始食窩窩頭了，讓契爸契媽既感欣慰，又捨不得兩個寶貝大得太快。

家姐細佬體重超過35公斤啦！香港大熊貓官方專頁ig截圖

家姐「加加」同細佬「得得」已經15個月大，由老鼠仔一樣的BB，長大到現在肥嘟嘟，識得「費媽」，識得打架，又識得撒嬌。

家姐細佬接受護理訓練。香港大熊貓官方專頁ig截圖

海洋公園的香港大熊貓官方專頁最新帖文帶來好消息，家姐細佬有不少成就解鎖，例如接受護理訓練，奶媽吹著哨子，加上手指指示，細佬就懂得朝奶媽方向走去，準備飲盆盆奶；又例如奶媽叫「加加」，家姐聽懂自己被點名，就馬上「應機」，聽明白指示自己走去正確的地方。

家姐細佬接受護理訓練。香港大熊貓官方專頁ig截圖

大熊貓家姐細佬開始食窩窩頭了。香港大熊貓官方專頁ig截圖

家姐細佬每日都探索和學習新事物，在奶爸奶媽、契爸契媽眼中，是越來越聰明和勇敢了。「睇到好感動，但ee唔想你地大得咁快」，「係盈盈媽媽，奶爸奶媽教導有方又有愛心細心，所以兩個寶貝無論身型同學習都進步好多」，「升中學了啦，接受正式訓練了！家姐叻叻！細佬開始食窩窩頭呀，唔怪之得有35kg重呢！兩姊弟加油！各位奶爸奶媽辛苦了」，「身形就嚟追得到盈盈啦」，「奶爸奶媽們準備要抱不動兩姐弟了」。

大熊貓家姐「加加」同細佬「得得」已經15個月大。香港大熊貓官方專頁ig截圖

另外，海洋公園宣布多項門票優惠方案。即日起至12月17日，香港居民可購買「一票雙遊」門票，以成人票價538元、小童票價269元，一個價錢可自由選擇兩個日子入園。由即日起至明年1月4日，推出「二人同行」成人優惠套票，兩位成人票價為915元。今年12月1日至明年1月4日期間，購買兩個或以上「全年會籍」，不論成人、學生或小童會籍，均有85折優惠，即成人年票為1173元，學生或小童年票為833元。