謝霆鋒演唱會飛炒過十萬 楊受成：拉姑都嗌晒救命

霍汶希叫大家理性啲

相隔廿五年，謝霆鋒宣佈今年四月於啟德主場館舉行兩場《Evolution Nic Live謝霆鋒進化演唱會》，更是亞洲首位登上場館開show的歌手。開show消息一出，全城即現撲飛熱，上月的信用卡優先訂購，門票隨即被秒殺，一票難求。

謝霆鋒宣佈今年四月於啟德主場館舉行兩場《Evolution Nic Live謝霆鋒進化演唱會》

謝霆鋒宣佈今年四月於啟德主場館舉行兩場《Evolution Nic Live謝霆鋒進化演唱會》

由於全城瘋搶，近日疑似「黃牛」於網上放飛，門票被炒至十七萬多一張，認真誇張！雖然霆鋒開show，但就連阿媽狄波拉都大呻冇飛，楊博士透露：「阿拉姑都嗌晒救命呀！」問到英皇集團主席楊受成博士現在是否唔夠膽聽電話，驚人打去求飛，楊博士直言：「聽（電話）！點會唔聽！我話你哋登記先，到時如果有我就俾你。」再問會否加場？楊博士發揮幽默本色，「你知佢好有性格㗎，冇人可以叫到佢㗎，佢而家諗緊。」對門票被炒高至六位數字，英皇娛樂集團營運總裁霍汶希（Mani）日前跟楊博士、久未露面的四哥謝賢、霆鋒及拉姑團拜，Mani勸大家要理性購票，「大家咁支持霆鋒當然開心，但希望大家理性啲，唔好咁炒貴啲飛，同埋唔好幫襯黃牛。」

近日疑似「黃牛」於網上放飛，門票被炒至十七萬多一張

一票難求。

霍汶希（Mani）日前跟楊博士、久未露面的四哥謝賢、霆鋒及拉姑團拜

轉眼張柏芝與謝霆鋒的大仔Lucas（謝振軒）已經18歲啦，日前他正式飛到澳洲展開留學生活，繼早前被野生捕獲同媽媽張柏芝一齊行IKEA買傢俬後，日前Lucas又被目擊在悉尼搭地鐵，身邊還有一位神秘女伴，相片曝光即刻引起網民熱烈討論！

網上圖片

網上圖片

網上圖片

據網民拍攝的相片可見，Lucas一身休閒打扮，輕鬆坐地鐵車廂內毫無星二代架子，而他身邊坐著一位女性友人，看得出兩人關係相當close，偶遇Lucas的網民就大讚他超級貼地，同普通留學生冇分別，自己搭公共交通工具，相當低調。

網上圖片

網上圖片

網上圖片

Lucas的最新相片曝光引來網民熱議：「柏芝真係教得好好」、「個仔好乖好低調」「18歲嘅Lucas越嚟越有老竇謝霆鋒年輕時嘅影子」、「眼神銳利、鼻樑挺拔，簡直係餅印！」