中年失業，重投職場何談容易。1名41歲女子在香港討論區發文，稱41歲的她1年前因病辭職，雖然對自己工作能力有信心，但求職1個月毫無回音，大呻「覺得自己好失敗」。
《俗女養成記》劇照
中年重投職場不容易
樓主以「41歲 覺得自己好失敗」為題發文，指自己30歲時由marketing轉到人力資源部（HR）發展，其後升職至助理經理，月入近4萬！去年因病辭職，樓主在上個月打算重投職場開始搵工，卻一直沒有回音。
示意圖
她表示，「其實對自己工作能力都有信心，但係亦知道自己年紀唔細」，又指不少公司均情願培養年輕員工，令有工作能力的中年人難以在職場生存。
悔入商界：好抑鬱
樓主續指，自己經常鑽牛角尖，「呢種不安搞到個人好抑鬱」。在失業期間，難免心情沮喪，樓主甚至當初入錯行，「以前讀書都叻，經常全班高幾名，反而讀書差過我嘅同學走晒去做社工老師，而家起碼唔使擔心工作先」，「有時諗，係自己畢業嘅時候唔識諗，如果識諗，我未必會入商界」，更稱「有時諗返如果當年走去教學仲好」。
示意圖。設計圖片
雖然當初做HR時幾乎月入4萬，但現時遇到的困境令她覺得可悲，甚至打算投考月薪只有約1.7萬元的助理文書主任（ACO）。
網民：非專業文職首先被開刀
有網民鼓勵樓主，指現時失業率低，不難再找工作；惟部份人指出，一般文職工作在經濟不景時最容易成為被「開刀」的職位，「非專業的文職，一向都有中年危機，經濟好時還可以，經濟一差，就是首先開刀嘅對象」、「HR admin等文職，工作經驗唔值錢，5-20年經驗冇乜分別，人工高少少已經好礙眼，太容易被取代，除非入到政府或醫院，先可能做到退休」、「我身邊高薪厚職的中年朋友，全部疫情後都已失業……私人公司文職冇乜可能做到退休，如果你未有能力財自退休，認真考慮轉行」。
示意圖
樓主考慮再裝備自己
有網民安慰樓主，建議趁有時間再裝備自己，「我以前都試過咁，除咗寄申請信同面試，要fill自己時間，例如學嘢，最好係搵樣嘢自學，例如電腦、影片圖像嗰啲，又或者搵份政府兼職做，咁你個心會定啲，冇咁多時間焦慮」，樓主則表示「其實我打算讀多個有關counselling 既course（有關輔導的課程）」。
