今晚乜都拗｜吳若希自封義氣仔女堅決舉報出軌男 李旻芳自揭曾遇出軌渣男靠好友一個舉動重拾幸福

吳若希話所以撞到好友另一半出軌一定會講番出嚟。

無綫推出全新辯論形式綜藝節目《今晚乜都拗》，由出名轉數快的森美擔任主持，並邀請一眾牙尖嘴利兼富有邏輯思維的藝人組成「包拗團」，就每集的貼地「拗題」進行正反討論，之後再由40位來自不同界別的觀眾／專業人士組成「包拗谷友」，選出最終支持正反哪一方。《今晚乜都拗》第三至第四集題目先後為「發現好朋友嘅另一半出軌，應唔應該同好朋友講」及「第一次約會，應該由男仔畀錢嗎？」，參與藝人則有吳若希、戴祖儀、丁子朗、李旻芳、梁競徽、安德尊、周吉佩、鄧智堅、陳曉華、及陳懿德。

陳曉華嬌俏送飛吻。

齋睇相，都感受到德德同吉吉唇槍舌劍氣氛幾咁激烈。

最後因為德德條短打，搞到個緊張氣氛散晒，大家瘋狂爆笑，德德仲好慘豬咁問大家係咪嬲咗佢。

戴祖儀為好友設想反被絕交留陰影
昨晚（12日）播出一集，正方藝人為吳若希、李旻芳、安德尊，反方藝人則為戴祖儀、丁子朗、梁競徽。出名烈女的吳若希，斬釘截鐵表示若發現好友另一半出軌，必定第一時間告訴好友：「我係義氣仔女，我對朋友忠誠，都希望朋友對番我忠誠，朋友之間唔應該有嘢隱瞞。」並謂不怕揭穿殘酷真相後會惹來禍端：「我覺得我話畀佢知係啱嘅，佢有咩反應，係佢自己個人嘅選擇同權利。」「東張女神」李旻芳則自揭曾遇出軌男，當時全靠好朋友通風報訊才果斷分手，並輾轉遇到現在的老公兼找到真愛，獲得全場如雷掌聲。不過性格同樣剛烈的戴祖儀，則同樣因為親身經歷，覺得「唔講好過講」，以免兩面不是人：「我曾經係道德人，我講咗，但最後佢兩個嗌咗一陣交就好番，但我就成為咗二五仔，大家都同我絕交。」

陳曉華係咁呵番德德。

仲想幫口解圍，點知講多錯多。

最後佢哋兩個爆笑到一發不可收拾，係咪見圖都好似聽到有笑聲咁？

丁子朗爆森美「性無能」？
值得留意的是，由第三集開始，《今晚乜都拗》的爭拗激烈度突然三級跳，不但嘉賓拗到企晒起身兼拍晒枱，就連主持森美也連環加入戰團，笑料不斷。以昨晚為例，當安德尊滔滔不絕發表偉論時，突然發揮「嗌交王」本色，連環向疑似偏幫另一方的森美發爛：「你唔好咁鄙視我喎！」、「你作為企喺中間嘅（主持Suppose主持公道），你企晒佢立場嘅？！」森美聞言即反擊：「你冇point咋嘛！」頓時引發高潮。之後丁丁發言時，又拉森美落水謂：「即係我同森美咁friend，但佢性無能唔會同我講架嘛！」森美即醒目自兜：「我有性無能我會講，所以我係冇性無能嘅。」

到底森美會點樣主持呢個亂局呢？

吳若希話佢係義氣仔女，所以撞到好友另一半出軌一定會講番出嚟。

李旻芳曾遇出軌渣男。

德德被質到唔識反應
今晚播出的第四集，口水戰情況更加激烈，而焦點人物則落在支持第一次約會男仔埋單的周吉佩，以及反方的陳曉華和陳懿德。事緣由於陳曉華提出若首次約會不是AA制，自己會就住就住唔敢嗌嘢食不夠暢快，德德對此亦予以和應，相關論點惹來吉吉強烈反對，並強勢質問德德如果男方因為她吃多了一件豬扒，而問她收回HK$5.5她感覺如何；問題一出，正方三名隊員同一時間一輪嘴質問德德「感覺」，被質到無空間發言的德德，除了一味係咁笑，只能像跳線般反覆大叫：「你冷靜啲先」、「你冷靜啲先」、「你冷靜啲先」！不過吉吉未有因而罷休，反而愈講愈激動兼企埋起身指住德德繼續予以質疑，德德無計可施下只能鬥激動鬥站起身兼爆出一句：「你係咪嬲我呀？」全程食足花生的森美，則反高潮將矛頭指向德德的短打裝束：「你條褲咁短嘅？你唔企起身都唔覺！」令德德陷於極度尷尬困局，並無力地傻笑發問：「（到底）依家問題係咩呀？」場面極度爆笑。

混亂期間，陳曉華與鄧智堅一度企圖出手為德德打圓場，豈料竟遭森美訓斥謂：「你兩個唔好劖亂歌柄！」並乘勢指出陳懿德辯論時犯下三大問題！曉華見狀決定出口幫忙，但反而越幫越忙，連她自己也不知道自己想表達甚麼，最終這場口水戰變成兩位港姐的「失控爆笑現場」，身為港姐冠軍的陳曉華更笑到冇晒儀態，相比起出場時可愛派飛吻的狀態有極大反差，氣氛熱鬧。

安德尊係咁投訴森美唔公平，點知畀森美一句KO。

戴祖儀曾經因為講事實搞到兩面不是人。

丁子朗無啦啦用「森美性無能」做例子，嚇到森美腳仔軟兼要急急解話。

葉念琛於《Meaningful》頻道主持的愛情節目《越問越雙琛》，每集探討感情與演藝圈最赤裸的話題。最新一集邀得《正義女神》中飾演飾演資深大律師高淑樺的陳煒與陳曉華擔任嘉賓，主題直搗演員核心問題——「入戲太深，會否很容易不能自拔？」

葉念琛今集《越問越雙琛》邀得陳煒與陳曉華擔任嘉賓。

兩位入行年份相差超過二十年的女主角，罕有地公開自己的「入戲」與「抽離」，由陳曉華首次感受到投入的《美麗戰場》，到令她幾乎精神崩潰的《異空感應》；由陳煒第一部完全唔知自己做緊乜的《雪花神劍》，到她人生中最入戲、甚至愛上對手的《廣東十虎》，全程毫無保留。

陳曉華、陳煒

陳曉華：入戲就好似拍拖 初時唔識愛、後來愛得太深、最後要學識唔好太投入

陳曉華以一個極之「陳曉華」的方式去形容演戲的投入過程：拍拖。她坦言自己第一部劇《迷網》時，連錄影廠的太陽是燈光都不知道，凌晨三點問對手楊明「點解太陽仲未落山」，完全處於迷惘狀態。直至拍攝葉念琛執導的《美麗戰場》，她才第一次真正感受到投入「我唔覺得自己好投入，我只係覺得我明林小美諗緊咩，我知道佢死嘅時候係咩感受。」

陳曉華

陳曉華自爆曾被行內人當面奚落：「做嚟做去都係咁」

陳曉華在節目中自爆一段藏了很久的「陰影回憶」，她透露拍攝初期，曾有一位行內人當面冷冷拋下一句：「得啦！做嚟做去都係咁！」她形容當下腦袋一片空白，強忍淚水，最後躲進洗手間痛哭。葉念琛隨即追問是幕前還是幕後人員，陳曉華沒有開名，只說「唔係幕後、唔係幕前……路過，唔認識」，留下一大個問號。她坦言至今仍記得那句說話，但已學識「聽唔到就算」，不再讓別人的批評動搖自己。

陳曉華

《異空感應》後一個月走不出角色 見到垃圾堆想衝上去：「我覺得自己係垃圾」

真正令陳曉華「出事」的是《異空感應》，她透露拍完該劇後，整整一個月走不出角色。「因為嗰套戲我要做一個逃犯，要瞓坑渠、瞓好垃圾嘅地方。到我拍完，返到垃圾堆嘅地方，好想去啲垃圾堆，你當自己係垃圾，太光鮮亮麗，我嘅人生突然——點解會咁？我唔習慣。」後來她自創一套「開門關門」方法，為每個角色在腦內建立一個獨立空間，煞科後鎖上門。「陳曉華都攞得起、放得低，冇角色係攞得起放唔低嘅。」

陳煒自爆曾愛上歐錦棠？一針一線繡名送「黃澄可」，佢有頭髮就冇感覺

相比陳曉華的「感性失控」，陳煒的入戲經歷更帶有一種幽默的清醒，她憶述拍攝《英雄之廣東十虎》時，徹底愛上歐錦棠飾演的角色「黃澄可」，「一個小子慢慢演變成一個英雄，你慢慢見到佢嘅成長，嗰種傾慕與日俱增。」她強調自己愛的不是歐錦棠，而是黃澄可，劇集煞科後宣傳期間，適逢歐錦棠生日，她竟然親手將一頂帽繡上「黃澄可」三個字送給他，「佢那時鏟光頭髮，梳清朝辮子，一著咗嗰件衫，就係我愛嘅人。」那後來呢？「後來佢留返頭髮，著返正常衫，就冇感覺喇。」

陳煒

拍《美麗傳說2》入戲太深被困酒店房 狂食垃圾食物唔肯見人：我覺得個角色好慘

陳煒回憶拍攝《美麗傳說2》時，因角色患癌要與所有愛她的人道別，整個人陷入低潮。「我嗰段時間好入戲，基本上除咗開工之外，我將自己收埋喺酒店房，唔想出嚟。」她形容當時完全不修邊幅，只去便利店買乾糧、杯麵，瘋狂將垃圾食物塞入口。「個狀態係好唔開心，好似抑鬱症咁。」她坦言角色人生太悲慘，煞科後仍維持這種狀態，直至下一套戲開拍才逐漸走出來。

陳煒

《正義女神》：兒子被拖走呼叫「媽媽你幫我」 停機後全廠看着她爆喊

全場最震撼的一幕，是兒子在犯人欄被押走時，不斷呼喊「媽媽你幫我」。「劇本寫我前面唔可以喊，我一路忍。直至到佢一路被人拉入去，叫媽媽你幫我、點解你會咁樣、你快啲反抗……嗰一刻我情緒崩潰，但都要頂住。」陳煒說。停機之後，她終於忍不住哭出來。「我喊出嚟，全世界都望住我，然後我行去犯人欄個仔嗰邊。」她特別提到陳曉華的演出：「我睇唔到佢，只係聽到佢把聲，我已經完全入咗嗰個感覺。佢真係做得好好。」