黃淑蔓新歌MV 「翻版陳柏霖」王耀宏半裸同床 Kiss一刻爆笑撻Q王子變青蛙

一齊浪漫剃鬚睇星星！

「寰亞孻女」黃淑蔓（Feanna）今年第一首派台作品《留在你在我在的腦海》，MV昨晚上架，相隔大半年再出solo歌，心情緊張又興奮。「翻版陳柏霖」王耀宏（Meaning）擔任MV男主角，二人海量甜蜜溫馨場面，加上即興除衫半裸演床戲，令Feanna害羞臉紅，笑言：「好少機會遇到比我年輕嘅男仔合作，原來風景咁美好，以後拍MV都要搵靚仔做男主角！」

相關影片可以按以下畫面觀看：

影片連結： www.youtube.com/embed/iwtqtuc5eoc

「寰亞孻女」黃淑蔓（Feanna）今年第一首派台作品《留在你在我在的腦海》

「翻版陳柏霖」王耀宏（Meaning）擔任MV男主角

新歌《留在你在我在的腦海》由Jaime Cheung作曲、王樂儀填詞、波多野裕介編曲、舒文監製。Feanna說：「好開心，我終於出新歌啦！今次係一首好痛嘅歌，唔係失戀歌，係講一段toxic relationships之中不斷拉鋸。好有張力，係我認為自己比較擅長嘅曲風。MV導演係Sheng Wong，佢嘅概思好好，拍得好好。」

二人海量甜蜜溫馨場面

二人海量甜蜜溫馨場面

二人海量甜蜜溫馨場面

Feanna說：「雖然呢首係唔開心嘅歌，但MV就摻雜咗一啲甜蜜情節、好多親密接觸，公器私用吓囉！」二人笑言擔心被對方fans妒忌。Feanna透露原本有kiss鏡頭，她說：「拍攝前有傾過會唔會kiss？最後大家決定視乎現場氣氛。今朝喺山坡上嗰場戲，我哋頭貼頭、鼻貼鼻，當時嘅氣氛我以為會咀落去，但當導演叫我望住Meaning嘅時候，原來兩個人貼到咁埋，擘大眼見到對方個樣好好笑，好似青蛙！」氣氛破滅，kiss鏡頭告吹。

二人笑言擔心被對方fans妒忌

二人笑言擔心被對方fans妒忌

雖然沒有Kiss戲，但有床戲。Meaning爆料指Feanna加戲，令他半裸上陣，他說：「原本揀好套衫，著咗發現唔啱數⋯⋯」Feanna連聲否認：「唔係我！（副導演？）呢度都多女仔，副導演都係女仔，有個咁嘅『美色』喺度，又好難抗拒！」其實原定床戲Meaning露肩膀，埋位發現除去上衣效果更好，他爽快答應，Feanna目不斜視並用被子替他遮掩。

。Meaning爆料指Feanna加戲，令他半裸上陣

今次MV電影感十足，故事負傷的Meaning逃避追殺，邂逅活潑可愛的士多店員Feanna後，展開一場欲斷難斷的虐戀。除了床戲，還有剃鬚、睇星星、拖手、跑草原和淋雨等浪漫場面，亦有吵架、摔東西、放火、開槍和追殺等刺激場面。Feanna說：「我有啲驚演情緒極端嘅戲份，拍攝前我同Meaning跟邵美君老師上acting class，邵老師好勁，將我哋內在情緒掏晒出嚟！」她又透露私下十分害羞，抗拒與異性有肢體接觸，私人健身教練亦是女性，所以今次MV中與Meaning演情侶，大量親密場面，她花了不少時間適應。

MV電影感十足

MV電影感十足

MV電影感十足

MV電影感十足

MV電影感十足

生日快樂!!!
「寰亞孻女」黃淑蔓（Feanna）今日（8日）24歲快樂生辰，日前她親自到Fans應援咖啡店打卡，又到商場影貼紙相，非常開心。每一個細節位都盡顯Fans對Feanna的了解和疼愛，令她非常感動。提到今年的生日願望，Feanna坦言過去連續兩年都是「瘦身成功」，經過她的努力終於如願，笑言今年生日願望有「更新版」！

相關影片可以按以下畫面觀看：

影片連結： www.youtube.com/embed/yle_TEPpEgE 

Feanna推門走進咖啡店，看到漫畫版的自己和喜愛的Chiikawa動漫角色「飛鼠」，以及心形靚相牆，忍不住大叫「好靚呀」，Fans送上花束和禮物，Feanna愛不釋手。期間一位客人入店買咖啡就是為了她的生日應援禮物，想不到回頭見到本尊立即驚喜到呆了，笑言比中大獎更開心。Feanna說：「今日嚟Cresc coffee，因為Fans為我搞生日應援，我嚟支持自己！做咁多布置和應援物係好複雜，要花好多心機、時間和愛，我真係好感動。我哋都係少女，鍾意嘅嘢都好類似，同樣鍾意『飛鼠』和Relakkuma（鬆弛熊），佢成日畫畫送畀我，我都有畫Kuma仔送畀佢架！」

「寰亞孻女」黃淑蔓（Feanna）

24歲快樂生辰

親自到Fans應援咖啡店打卡

又到商場影貼紙相

非常開心

每一個細節位都盡顯Fans對Feanna的了解和疼愛

令她非常感動

「生日願望最重要係身體健康、工作順利、做到自己鍾意嘅事、日日開心。去年、同埋去去年嘅生日願望都係瘦身成功，今年有少少成績啦，但我唔會鬆懈，繼續努力！」Feanna說。生日應援的咖啡店擺放她第一張個人專輯「Feanna 17+」，她戴上耳機回味一番。笑說：「呢張唱片係我18歲生日嘅時候推出，我今年19歲啦⋯⋯哈哈哈，講笑！剛才我聽咗《Dream My Dreams》，希望好快再出唱片送畀大家。今年我出道10周年，好想推出一個作品送畀呢10年嘅自己，同埋我一直有個心願舉行開個人音樂會。」

看到漫畫版的自己和喜愛的Chiikawa動漫角色「飛鼠」，以及心形靚相牆

看到漫畫版的自己和喜愛的Chiikawa動漫角色「飛鼠」，以及心形靚相牆

看到漫畫版的自己和喜愛的Chiikawa動漫角色「飛鼠」，以及心形靚相牆

看到漫畫版的自己和喜愛的Chiikawa動漫角色「飛鼠」，以及心形靚相牆

笑言比中大獎更開心

對於新歌《未至於》推出後，Feanna與不少歌手朋友在IG聯乘合唱版，她說：「呢10年裏識咗好多圈中朋友，我好鍾意搵佢哋傾偈，好想有機會同大家collab，所以就膽粗粗廣發邀請。好開心好多朋友願意幫我，同我一齊唱，好感動。我同每一位合唱嘅時候再傾多咗偈，更多bonding（緊密關係），多謝大家嘅幫助和愛。」

稍後Feanna跟鄭伊健到美國和加拿大為「Here & Now 2025 EKIN IN CONCERT鄭伊健演唱會」 巡唱演出，她興奮表示將首次踏足加拿大，好期待。她說：「我咁大個女第一次去美國，就係前年跟伊健哥哥演出，好耐冇坐長途飛機，好期待。我會帶遊戲機去同伊健哥哥玩，不過佢一定都會帶遊戲機同埋好多嘢去玩。」

她興奮表示將首次踏足加拿大

應援店打卡超寵粉