黃子恆跳出官仔骨骨「奸角」框框首演「反智壞蛋」贏盡好評：正經又得、搞笑又得

黃子恆感激監製Andy願意冒險：希望觀眾睇到黃子恆都可以好另類

由陳耀全Andy監製、張世昌編審的《馬百良安宮牛黃丸呈獻：痞子無間道》，逢周一至五晚八點半翡翠台播映，主要演員有周嘉洛、陳瀅、朱敏瀚、JW王灝兒、車婉婉、曹永廉、麥美恩、黃子恆、韋家雄、何泳芍等。隨著劇情發展，《痞子無間道》由主角到配角的人物性格及故事背景亦愈見突出，昨晚（19日）一集便驚揭了泰帥（黃子恆飾）與思朗（麥美恩飾）原來是已和離的夫妻，泰帥表面與思朗狗咬狗骨，實際卻是愛前妻心切兼想救思朗離開「爆血館」…近年先後在《隱形戰隊》、《反黑英雄》及《黑色月光》中因演奸角令觀眾留下印象的子恆，這次雖在《痞子》冧莊演「奸角」，但其實純粹只是一味自稱「我係咪好奸呢」，加上智商有限、撞板多過食飯，放個炸彈都論論盡盡，又喜歡以不切實際的「連坐法」懲罰自己手下以為可以恐嚇敵方，反智之餘零殺傷力，對演開官仔骨骨心計奸角的子恆來說絕對是一大突破。

咁樣到底係懲罰敵方定係懲罰自己人？

泰帥只要做親呢個「魷魚舞」動作，佢唔係自誇係天才（當然唔係事實啦），就係自誇係好壞嘅壞人（呢個都一樣唔係事實）。

泰帥只要做親呢個「魷魚舞」動作，佢唔係自誇係天才（當然唔係事實啦），就係自誇係好壞嘅壞人（呢個都一樣唔係事實）。

甚少演喜劇的子恆，是次釋放出來的喜劇節奏亦令網民眼前一亮，繼大前晚（本周一）與周嘉洛「唇槍舌劍」式玩轉香港經典影視臥底角色，昨晚一集又與嘉洛大玩Beatbox，兩人爆肚自創「痞子版《香港早晨》」，有趣之餘與嘉洛仔亦擦出不少火花，難怪網民好評不絕：「黃子恆真係好好笑，完全唔係平時官仔骨骨嘅形象」、「希望畀多啲機會子恆，佢做戲真係好好，正經又得、搞笑又得」、「平時淨（多數）做黑社會奸角cool爆，今次九唔搭八得幾好。」2000年開始拍劇的子恆，接受TVB.COM訪問時透露入行以來拍過三部喜劇，且無獨有偶三部都是古裝：「第一套我都唔係好記得，好似係《大冬瓜》，演一個騎呢家丁、冇乜對白，第二套係賀歲劇《黃金萬両》，呢套《痞子》可以話係『進階瘋狂』版喜劇，都係一個難得嘅挑戰。」

左邊係泰帥嘅畫功，笑咗。

子恆同嘉洛仔呢場「Beatbox」跳唱雖然係臨時度出嚟，但勁夾又勁好笑。

子恆同嘉洛仔呢場「Beatbox」跳唱雖然係臨時度出嚟，但勁夾又勁好笑。

睇吓泰帥幾咁擅長自我陶醉。

佢都好proud of自己好「壞」。

佢都好proud of自己好「壞」。

到底泰帥同思朗最後會點收科呢？

到底泰帥同思朗最後會點收科呢？

一年有八成時間演奸角

被指「奸角入血」的子恆，坦言每年有七至八成時間都是演奸角，故很感激監製Andy願意冒險起用他演喜劇：「都希望畀觀眾睇到黃子恆唔係淨係可以著西裝、斯斯文文咁去演戲，佢都可以另類嘅。其實套劇我自己睇番都會笑，因為當時演得都幾隨心，有時都唔記得咗當時點解會咁演。」子恆續指拍劇從來沒有刻意為角色設計小動作或記憶點，主要都是百分百代入角色思維去演繹所有場口：「我覺得范泰帥份人主要係唔守規矩、估佢唔到，想做乜就做乜，自High同活喺自己世界，變相我點演都得，只要導演同對手收貨。」

呢幕放炸彈係好笑嘅，邊有咁論盡嘅壞人。

呢個壞人係咪Cute先？

親揭眼線時粗時幼之謎 每日上妝頭至少花費兩個小時

談到有網民笑指泰帥條眼線時粗時幼，子恆笑言是為了符合角色人設：「佢化妝有時粗有時幼先符合番佢跳框嘅性格嘛。」談到泰帥造型及髮型均相當誇張，子恆坦言每次造型都至少要花兩個多小時，相當費時，並指單是落眼線妝也並不容易：「因為要用啲唔甩色嘅眼線膏先上到妝。其實我個髮型係頭套嚟，笠上去都幾重，又要攝好多頂夾，類似啲女仔拍宮庭劇咁。最近宣傳我上番呢個妝頭，我都想像唔到當時大熱天時拍劇時咁大動作係點過，不過見到出嚟效果好咩都值得。」

呢幕舔手㬹超無聊勁瘋狂。

呢幕舔手㬹超無聊勁瘋狂。

呢幕舔手㬹超無聊勁瘋狂。

昨晚另一笑點，是高強（JW飾）與公子（朱敏瀚飾）的「床戲」。場口講述高強企圖用腳為公子冚被時意外將整隻腳踩落公子的俊面上，但由於腳抽筋，高強遲遲未能「收番隻腳」，最終令公子面上留下腳趾印！搞笑的是，原來相關腳趾印並非靠化妝，而是JW的真‧腳趾印，JW接受TVB.COM訪問時，搞笑地還原「事發經過」：「呢件事真係好難忘，當時我啲腳趾直情喺朱仔個嘴隔籬，跟住我係大力到，我隻腳離開佢塊面嘅時候，啲腳趾嘅紅印都仲喺佢塊面度咯，哈哈！我之前都有用消毒紙巾抹咗隻腳好多次，始終都係將隻腳擺喺人哋塊面度，嗰幕真係辛苦朱仔同埋唔好意思。同埋因為劇情佢仲會幫我捽腳，所以真係有啲尷尬！」

JW嘅腳趾印真係好明顯，可以想像佢踩得有幾大力、同埋踩咗有幾咁耐。

JW嘅腳趾印真係好明顯，可以想像佢踩得有幾大力、同埋踩咗有幾咁耐。

JW嘅腳趾印真係好明顯，可以想像佢踩得有幾大力、同埋踩咗有幾咁耐。

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的輕鬆動作喜劇《X Wallet 呈獻：臥底嬌娃》，逢周一至周五晚八點半翡翠台播映。劇集主要演員有馬貫東、張曦雯、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等。

馬貫東呢一吻都引爆唔少熱話。

以婚前被飛嚟講，黃子恆都算表現得冷靜抑制，仲有啲傷心添。

呢幕打爆鏡幾有Feel。

昨晚（3月19日）劇情講述佳琪（張曦雯飾）發現被奕風（馬貫東飾）利用來拒絕妙姿（陳瀅）後，竟發現對奕風有心動感覺，並決定與已是未婚夫關係的Aiden（黃子恆）分手..妙姿傷心的衝上奕風家欲找回自己的狗仔水壼，豬皮（關曜儁飾）雖明知阿妙心繫的是其Brother奕風，但仍竭盡所能氹阿妙開心…

昨晚一集Aiden及豬皮先後經歷「癡心錯付」，贏盡網民同情！先說黃子恆，其飾演的Aiden絕對慘情，縱然自身條件極好，但為佳琪死心塌地的他，為幫女方爸爸爭取最好的醫生，向關鍵人物—上司Madam Siu（潘芳芳飾）低聲下氣之餘，更甘願犧牲大好前途換取佳琪爸爸做手術機會，相當偉大。而向佳琪求婚成功後，Aiden亦有別於一般男人主動落手落腳籌備，又買定大屋氹未來老婆，可惜就在他自覺最幸福一刻，佳琪提出分手，理由更是「有第二個人令我心動」！子恆聽畢悲憤莫名：「即係我同你一齊咁耐，我都冇畀過心動感動你？」，之後更邊咆哮「我唔係要Sorry呀！」邊激動至打爆鏡，完全演活「男人最痛」，畫面震撼。

Leo喜劇節奏一流。

搞咁耐佢隻手唔攰架咩。

做開奸角的子恆，今次被狠飛後暫時反應尚算冷靜，兼未見復仇迹象，網民紛紛大感神奇，笑言：「黃子恆一直好人，好少有」，亦有網民覺得子恆隨時黑化。不過更令網民亢奮的，是有人發現子恆除了專做高薪厚職角色，還經常做敗犬，近期最經典的代表作是《虛擬情人》中的俊二，另外還有《是咁的，法官閣下》、《降魔的》及《乘勝狙擊》等，更有網民將子恆以往被離婚的場口放上網開心Share，並封他為「情路坎坷王」，認真抵死。

至於憑藉傻氣及義氣兩大特質獲封「傻強2.0」、作為《臥底嬌娃》「搞笑擔當」的「豬皮」，昨晚「失戀」場口亦演得「悲喜交集」、「笑中有淚」。在《臥底》中展現出超強喜感的關曜儁Leo，昨晚一見阿妙登門，原本背心孖煙囪自覺麻甩的他，即匆忙換上老西，更全程Chok甫企圖迷倒阿妙。可惜講多兩講，豬皮發現阿妙真正傾心的是阿風，並為對方大感心碎，為了鼓勵女神，豬皮強忍內心悲痛，雙眼發光向阿妙拋出一大堆讚美及鼓勵說話：「你最唔好就係唔知道自己有幾好」、「你是最『姣』的，你知道嗎」，又邊說邊跳「打氣舞」，直到阿妙離開Leo才內心感受大爆發，跌晒Watt兼紅著雙眼問道：「咁我又有咩唔好？」情景煞是淒涼。

呢個情深樣，真係睇到人好心痛。

佢仲真係做到真‧開心同扮開心嘅分別，好演技值得關注。

談到與陳瀅在劇中有大量對手戲，Leo接受官方訪問時坦言繼《火線下的江湖大佬》後、相隔10年再演單戀陳瀅的角色相當過癮又開心；Leo又感激陳瀅在「粉絲道具」中給予了不少寶貴意見，令整件事出來效果更好：「因為講我係佢Fans，我哋準備咗好多道具，其實好多都係阿瀅一早諗好晒叫我點做，所以真係好多火花。」

在鏡頭前演活「憨直純愛好男人」的Leo，私下是知名的「顧家好男人」及「寵妻狂魔」，婚後為了讓太太有更多休息時間，Leo即使要身兼藝人、專業健身教練及健身室老闆多職，但仍盡量爭取時間照顧小孩，換尿片、刷牙等全部落手落腳！

呢堆應援物品，原來陳瀅有份畀意見架。

呢個樣又係令人睇到好心up，救命呀！

「豬皮」角色人設搞笑得嚟有義氣又夠情深，好屈機呀。