祝早日康復！
歌手陳柏宇（Jason）向來是圈中的「24孝奶爸」，即使工作再忙，也堅持每天陪伴兩名愛女Abigail及Audrey。近日，他卻經歷了一場驚險的家居意外—1歲的Audrey不慎從梳化邊跌落地，撞到頭部，需入院縫7針，讓全家人心痛不已。
Jason幾忙都會花時間陪兩女
細女個頭縫了7針
事發於2月22日早上，當時Jason剛好離開客廳，6歲長女Abigail在窗邊梳頭，而Audrey則在梳化上玩耍。閉路電視畫面顯示，Audrey爬上梳化後，因踩到咕?失去平衡，整個人向後跌落，頭部撞地，傳來巨響，隨即爆哭。家姐Abigail第一時間衝前查看，而Jason也立刻奔向梳化救女，畫面驚險！
Audrey 坐到咕?失去平衡
整個人向後跌落，頭部撞地
Jason事後在社交網報平安，透露Audrey的傷口需縫7針：「今日跌咗落地下撼親，個頭縫咗7針，雖然同爸爸分開嗰陣時喊到七彩（爸爸都喊到七彩），護士話縫到中段妹妹都冇喊，好乖咁畀醫生縫針。」幸好，Audrey現時精神不錯，已回家休息，但Jason與家人仍心痛不已。
Audrey 好堅強
Jason昨日再更新Audrey情況，並代她留言：「阿妹話唔使擔心，我依家食得走得，雖然條疤痕大啲，媽媽肉痛啲，但係都冇阻我玩同食嘅心，唔信試吓攞盒士多啤梨喺我面前。」貼文一出，網民紛紛留言：「勇敢BB！」、「爸爸媽媽嚇親啦！」
對於如何避免類似意外，Jason表示：「其實嗰個位從來都唔牙煙，只係尋日用咕?整咗個帳篷扮『秘密基地』，囡囡以為嗰個位可以坐，所以就跌親，最多嗰個位唔好再擺咕?。」他亦提醒家長，即使家中環境安全，孩子的突發行為仍難以預測，家長要時刻提高警覺。
Jason陳柏宇自去年起，便以「情歌」為主題，為樂迷送上首首情歌。今日（2月27日），這些作品終集結成Jason的全新專輯《BEST BALLADS OF 關於...情歌》面世。專輯以「情歌」以及粵語流行曲常見的ballad曲風作為創作主軸，由Jason歌聲領航，走一趟包含從未開口的單戀到永垂不朽的熱愛的愛情之旅，同時亦是Jason作為父親為女兒們未來準備的一本愛情教科書。日前Jason亦於新碟分享會中與一眾樂迷見面，演唱多首作品。
Jason陳柏宇全新專輯《BEST BALLADS OF 關於...情歌》今日面世。
《BEST BALLADS OF 關於...情歌》
日前舉行新碟分享會，與一眾樂迷見面。
新碟分享會首唱新作《過後》 驚喜延續經典作《逸後》
現場的樂迷有幸聽到Jason與監製Edward分享專輯製作過程的小故事，Jason更首次演唱專輯多首作品，其中的新作《過後》更令樂迷們驚喜萬分。全因《過後》延續Jason經典情歌《逸後》創作而成：「驚你哋唔知呢兩首歌嘅連結，所以係特登用咗《逸後》經典嘅前奏做《過後》嘅『前前奏』。」除此以外，Jason亦與作曲人Harry Kwan演繹專輯另一首作品《一天》，為樂迷帶來了專輯版本外的另一種體驗。
Harry Kwan、陳柏宇、監製Edward
小插曲造就 Jason清唱《一千種戀愛》機會
當日演唱時亦發生一段小插曲。在活動前，Jason於Threads上讓樂迷投票選出暖希望他於現場演唱的side track 。而Jason當日亦回應樂迷訴求，將高票當選的《一千種戀愛》送予樂迷，未料演唱時音響竟出現問題。不過Jason處變不驚，配合現場粉絲的拍子，清唱出《一千種戀愛》，成今次入場樂迷與Jason專屬的「特別版本」，Jason唱畢後亦笑言：「唱之前都話咗呢首歌有一千種唱法！」
《BEST BALLADS OF 關於...情歌》新碟分享會
《BEST BALLADS OF 關於...情歌》新碟分享會
《BEST BALLADS OF 關於...情歌》新碟分享會
為樂迷親筆寫下手寫信 觸動樂迷不禁落淚
今次參與活動的樂迷當中有一位幸運兒可以得到由Jason親自準備的「禮物」。粉絲上台領獎時，Jason便揭露這份禮物是由他親筆撰寫的一封手寫信，當中包含著他對20年來，樂迷支持、愛護他的感激之情：「正常情況下係冇辦法逐一多謝你哋，所以透過呢封信想親口多謝你嘅支持。」幸運樂迷在收到禮物並聽到Jason講述手寫信的背後意義時，亦瞬間眼泛淚光。
《BEST BALLADS OF 關於...情歌》新碟分享會
Jason玩小遊戲不敵樂迷 透露將舉辦紅館演唱會
Jason亦與現場樂迷大玩「關於...陳伯」問答遊戲，測試大家對「陳柏宇」的熟悉度。雖Jason作為「陳柏宇」本人參戰，但亦不敵粉絲們對自己的理解程度。遊戲中雖多條問題Jason未能答對，但粉絲們都能準確回答，實在令本尊佩服。為答謝樂迷的支持，Jason亦公布將於今年7月在紅館舉行演唱會。至於確實日期，Jason就賣了關子：「唔係7月頭嗰五日，亦都唔係最尾嗰五日！」為樂迷們留下懸念。
全場大合照
