拔萃女生港鐵車廂倒瀉盆栽 即拿紙巾善後獲網民大讚：果然係拔萃！

日前有網友影到有穿着拔萃女書院運動服的女生，在港鐵車廂內不小心倒瀉了盆栽，盆裏的泥土散落在車廂地上，女生馬上拿出紙巾善後，網友見到讚不絶口！

欣賞拔萃女生即拿出紙巾善後

有網民在社交平台Threads發文，他表示於本月5日乘搭港鐵時，「一個女仔倒瀉盆栽，啲泥土出晒嚟，但佢即刻攞紙巾出黎擦乾淨。」網民見狀大讚「果然係拔萃」只見上載的相片中，一名穿着拔萃女書院運動服的女生，蹲在港鐵車廂地下，一手拿着紙巾正試圖清理散落滿地的泥土。

網友質疑：基本嘢唔好講到好勁咁啦。

不少網民見帖亦大讚女生有公德心：「帥！」「鼓勵！」「有家教！」不過就有網民就覺得「基本嘢唔好講到好勁咁啦。」「其實呢個係基本禮貌，關讀拔萃咩事？」「關咩事？正常有良心啲都會執乾淨」 

示意圖。

網民反駁：基本？十有九都係走左去

但有網民就留言反駁「我相信十個人唔會有兩個人會咁做。」「基本？商場啲港女倒瀉杯手搖，十有九都係走左去。」「好肯定十個有九個唔會咁做，同埋畀啲讚美鼓勵，網上生態少啲戾氣，幾好。」 

示意圖

應即場誇讚女生而不是偷影她放上網

還有網民認為樓主見到好人好事，應即場出聲誇讚她，或幫手清理，「如果我係你，我會幫佢，而唔係影佢相。」「你唔應該偷影人放上網，應該直接讚佢。」  

近日，一名移居英國的香港男子在社交平台發文，大吐苦水，批評部分同為移英的「手足」即使只是從事倉務工作，也熱衷於互相投訴、勾心鬥角，帖文隨即引發熱議。

AI生成圖片

港男：打份倉工都要勾心鬥角

該名港男在帖文中以「唔好意思呀，借個位發洩下。真係不吐不快」開首，直言不明白為何「香港人打份倉工都要玩互相投訴」。他感嘆道：「人哋個個國家啲人都好團結，係唯獨是香港人咁鍾意玩勾心鬥角。」

樓主無奈表示，倉務工作薪金微薄，只是為了過生活，「投訴咗又無錢分」。他質疑，大家歷盡辛苦移居英國生活，而這個國家也並非事事完美，為何上班時還要搞小動作，把事情複雜化。

AP資料圖片

網民熱議：認同現象籲遠離同鄉

帖文引來大批網民回應，不少人表示深有同感。有留言指：「絕對認同，仲要亂搞婚外情，個個忘記初衷」、「香港人嘛，就係咁！睇開啲啦，嚟到英國就遠離香港人啦」。亦有網民分析，可能是因為移英港人多屬中產，「以前喺香港玩慣辦公室政治勾心鬥角」，並指這種風氣已從「辦公室政治延伸到倉庫政治」。

其他批評聲音包括：「太多X街啦，有啲仲攪（搞）埋人哋老公、老婆」、「住在英國（嘅）香港人就係咁㗎啦，自己人打自己人，見到外國人就死曬狗，又喜歡玩杯葛（Boycott）自己人，乜嘢都爭，乜嘢都搶，又貪心，又假，真係要遠離D香港人」。

示意圖

網友質疑：倉務工友或因缺乏競爭力？

不過，亦有網民提出不同看法，直言：「得罪講句，有料都唔駛（使）做倉啦，都係出面揾唔到工先喺倉度長做⋯，咁無料嘅人最驚咩？就係驚人叻過佢，搶咗佢（嘅）地位。」對此，發文的樓主則回應稱，在英國要找回本行工作並不容易，連本地人也可能要做倉務，「又唔係個個都無料嘅。」

英國白金漢宮。AP資料圖片