黃淑蔓呷醋新歌MV靚仔男主角成焦點 出道十周年盼開個唱

Feanna希望可以成為大家的No.1 Girl。

「寰亞孻女」黃淑蔓（Feanna）為今年第一首派台新歌《留在你在我在的腦海》，在尖沙咀The ONE舉行Music Live，半百fans捧場，非常熱鬧。新歌MV推出後反應很好，電影感十足的劇情令人看到不一樣的她，不過Feanna呷醋，笑說：「收到最多留言係『男主角好靚仔』，有少少嬲，我都係女主角，點解無人讚我㗎？」

黃淑蔓日前在尖沙咀The ONE舉行Music Live。

Feanna笑言有少少嬲網民只讚「男主角好靚仔」。

觀看相關影片按連結：https://youtu.be/iwtqtuc5eoc

今次MV電影感好重，很多情節，Feanna說：「大家睇完新歌MV後都同我講，好唔似我。MV好多戲要演，我盡量投入角色，同平時大家喺活動、台上唱歌嘅形象好唔同，我自己好鍾意。」並表示：「我好期待未來嘅音樂作品，或者影視作品，都多啲演戲發揮。今年出道10周年，希望有一個自己嘅音樂會作為紀念，同埋推出更多好作品，答謝大家支持。」

今次MV電影感好重，Feanna有好多戲要演。

Feanna表示好期待未來的音樂作品，或者影視作品。

並希望舉行音樂會賀自己今年出道10周年。

除了首次演唱新歌，Feanna還選唱《光引致疼痛》和《I am All Alone》等多首風格很配搭的歌曲，音樂會壓軸與十幾位KK box校園大使合唱她的出道作品《差一點我們會飛》，她表示好感觸，尤其是與一班年輕人合唱，感覺很青春和感動。

Feanna除了首次演唱新歌，還選唱《光引致疼痛》和《I am All Alone》等多首歌曲。

又與十幾位KK box校園大使合唱她的出道作品《差一點我們會飛》。

實力非凡的Feanna順利演出，連自己都好滿意，「今次專登圍繞新歌《留在你在我在的腦海》意境去選歌單，例如《光引致疼痛》其實好難唱，所以我好少揀嚟表演，但今日好啱氣氛，所以挑戰一吓自己。」她坦言開騷前非常緊張，幸好一開唱就很快投入氣氛，忘了緊張，而且沉醉喺音樂之中，好好享受表演。她亦選唱了BLACKPINK成員Rosé的英文歌《Number One Girl》，她說：「今次拍攝新歌MV時，導演Sheng經常播呢首歌作為背景音樂，幫我入戲，所以特別選唱呢首歌，希望我都可以成為大家嘅No.1 Girl。」

Feanna亦選唱了BLACKPINK成員Rosé的英文歌《Number One Girl》。

對自己今次的演出都好滿意。

與粉絲大合照

「寰亞孻女」黃淑蔓（Feanna）愛惜小動物，關心流浪毛孩，得知「大樹下善待動物庇護站」面臨資金告急，需要大眾捐款維持日常營運與緊急救援，日前她與Fans帶著貓狗糧食，以及公司同事集資的利是錢，到「大樹下」做義工。呼籲領養代替購買、一次過捐款、每月捐款或助養計劃等，集腋成裘，幫助「大樹下」營運，改善毛孩生活。

「寰亞孻女」黃淑蔓（Feanna）日前與粉絲帶同貓狗糧食及利是錢，到「大樹下善待動物庇護站」做義工。

Feanna說：「今日好有意義，我同Fans一齊到『大樹下』做動物義工，呢度照顧超過一百隻貓狗，每日嘅食物和醫療開支都好大。透過義工Joey，我哋了解每隻狗狗嘅故事。」Feanna與Fans替狗狗梳毛和餵食，期間被熱情的狗狗「抱抱」索吻，笑言：「無諗過我嘅螢幕初吻係畀咗狗仔，佢嘅熱情同埋衝擊，殺我一個措手不及，佢真係好可愛。」

她坦言自小已想養狗，但強調領養是一生一世的責任，呼籲大眾有錢出錢、有力出力，幫助「大樹下」繼續營運，改善逾百隻毛孩的生活。

之後Feanna與Fans帶著零食去「貓舍」，當她坐在梳化上，貓貓立即湧上前討抱，其中一隻成功伏在她大腿上的貓咪，更出手打其他貓要獨霸Feanna，Feanna立即控制場面，左擁右抱。她笑言有少少「出軌」的感覺，說：「唔知返到屋企兩隻貓聞到我身上有其他貓狗味道，會唔會好嬲？剛才入到貓舍，感覺嗰度就係屬於我嘅地方，一入去坐低，啲貓貓就衝晒埋嚟，要我哋摸摸同埋拍Pat Pat，其實貓狗都好需要人陪伴。」之後她在衣服上發現一條貓鬚，說：「聽講對住執到嘅貓鬚許願好靈驗，我希望所有貓狗都可以幸福健康！」

Feanna與粉絲替狗狗梳毛餵食期間，被熱情狗狗「抱抱」索吻。

Feanna早前因為嚮往貓咪無拘無束的性格，而創作新歌《喵！》，問她會為狗狗寫歌嗎？她說：「如果我要寫一首關於狗狗嘅歌，可能要等我真係養咗狗先。其實我由細到大都好想養狗，但要做個有責任嘅主人，每日帶佢落街散步、居住嘅地方，同埋經濟狀況穩定，我先至可以再養多一隻新嘅動物，領養前三思，係一生一世嘅責任，諗清楚先至帶佢哋返屋企。」

她笑言：「無諗過我嘅螢幕初吻係畀咗狗仔。」

雖然未必每個人都可以在家裏養貓狗，Feanna建議可參加「助養計劃」，她說：「每一隻狗仔都有佢嘅身世故事、身體狀況，『大樹下』好需要大家支持和捐款，至可以繼續營運落去。有養寵物都知道醫療費用真係好龐大，希望大家有錢出錢，有力出力。」

其後轉到貓舍，她甫坐下即有貓貓湧上大腿討抱，其中一隻更出手打其他貓要獨霸Feanna，場面搞笑。