痞子無間道｜「舞替」孖八舞足20年 「武替」陳頌天為圓演藝夢以27歲之齡投考藝訓班

揭袁雨就武替／舞替「無名英雄」！

由陳耀全Andy監製、張世昌編審的《馬百良安宮牛黃丸呈獻：痞子無間道》，逢周一至五晚八點半翡翠台播映，主要演員有周嘉洛、陳瀅、朱敏瀚、JW王灝兒、車婉婉、曹永廉、麥美恩、黃子恆、韋家雄、何泳芍等。

呢場打鬥戲，盡顯武替嘅功架。其實呢幕場口，監製Andy透露係拍足兩日。

嘉洛仔被bang埋牆！

呢幕舞鬥戲好精彩，劇組都畀咗唔少時間「舞替」孖八發揮。

有「巴黎鐵塔反轉再反轉」。

昨晚（2月25日）一集，劇情講述費仁（周嘉洛飾）、符玲（陳瀅飾）、公子（朱敏瀚飾）及泰帥（黃子恆飾）四人前往找就公理論，希望可以取消符玲的「拔劍之約」，因而激嬲就公引發連場激戰…原本節節敗退、被打至「撻生魚」的費仁，最終拔出寶劍將就公刺斃…

呢個「過江龍」式嘅打飛出去絕對唔簡單。

嘉洛仔真係「紅都面晒」架。

但睇吓佢每次吊完都好輕鬆。

昨晚長達8分多鐘的打鬥戲相當精彩，嘉洛除經歷了「人肉呼拉圈」、「破牆而出」、「巴黎鐵塔反轉再反轉」外，還經歷了在近十年劇集上甚少出現的「過江龍」吊威也！相關約15秒的「橫飛」場口，講述就公一掌將費仁由婚宴大堂的一個盡頭打飛去另一個盡頭，距離足足有成個廠咁長，即約40呎左右！根據無綫官網事後曝光的幕後花絮，嘉洛仔完成第一次「過江龍」後「紅都面晒」；第二次「過江龍」尾聲，被Bang埋牆的嘉洛更引發巨響，令現場工作人員亦極為慌張。雖然過程望落辛苦，但嘉洛兩次完成「過江龍」後返回原點時，均表現出非一般活力，不是大擺chok甫，就是「扮電兔」，精力充沛。嘉洛仔接受TVB.COM訪問時笑言：「我本身都鍾意吊威也嘅，覺得刺激，雖然我塊面事後紅晒，但呢個係基因嘅問題，我塊面好易紅，再者其實冇乜離心力，所以好爽，如果再夠瞓少少去吊呢個過江龍，我覺得直頭係好似入咗主題樂園玩機動遊戲咁。」

孖八原來係袁雨就「靜替」同「舞替」。

佢演嘅巫大人都好盞鬼同抵死。

除了武鬥，昨晚費仁和就哥還有舞鬥，嘉洛仔謙稱自己只是亂跳：「嗰啲片段其實係亂跳嘅，我本身都唔叻跳舞，如果大家細心留意嘅話，應該會發現我有笑場，希望出嚟效果係配合番個氣氛啦。」嘉洛仔又爆料指袁雨就「舞替」真身是超強舞者：「佢啲動作真係好好睇，大家可以讚吓佢。」原來，為袁雨就擔任「舞替」的，是在劇中飾演巫大人的李俊華（孖八）。現年42歲的孖八，除因是王祖藍表弟為人認識外，跳舞年資超過20年的他，是香港街舞界數一數二的機械舞代表，並曾教過陳偉霆及張家輝等跳舞。孖八亦是真人騷常客，曾先後在無綫參加過真人騷《盛‧舞者》、《全城一叮》等，並在《全城一叮》中憑藉灰諧、舞功及劇情兼備的表演炸爆全場，與林子超齊齊獲得總台主寶座。事實證明，孖八除了跳舞了得，搞笑亦一樣得，《痞子》之前劇情講到巫大人意外被費仁等推了下山而身受重傷後，其中一幕單靠眼神表達自己「絕不贊同」麥美恩的場口，有演技之餘亦喜感十足！原來無論是「舞動袁雨就」或是「靜止」袁雨就，均由孖八扮演。

孖八《盛‧舞者》

孖八喺《全城一叮》炸爆全場，獲得總冠軍被讚實致名歸。

至於擔任武替的陳頌天，是前香港武術隊運動員，八歲開始習武，主項目為長拳、劍術、槍術，其次為南拳。曾到世界各地參與武術錦標賽的陳頌天，曾獲得不少獎項，包括2010世界青少年武術錦標賽槍術銅牌、2013年亞洲青少年武術錦標賽劍術銀牌、對練銀牌及槍術銅牌、2015年伊朗塔斯杯武術錦標賽長拳金牌，及2018世界大學生武術錦標賽長拳第四兼持旗手。21歲退役的陳頌天，於2016年成立「天武體育暨運動治療中心」，致力培訓新一代武術運動員，之後再於2022年投考藝訓班，為的就是忠於初心；皆因陳頌天小時候也是因為喜歡李連杰的電影《霍元甲》而學武，故退役後才想回到原點接觸演藝圈，並不介意27歲才轉行做演員。

陳頌天係前香港武術隊運動員，獲獎無數。

佢仲成立咗「天武體育暨運動治療中心」，致力培訓新一代武術運動員。

據知，陳頌天今次是獲劇組武指邀請擔任做武替，陳頌天接受TVB.COM訪問時透露，當他還在讀訓練班期間，因接拍了《愛‧回家之開心速遞》中的一場打鬥戲，飾演一名身手不凡的小偷，因而獲武指Lulu師傅看中並獲得是次《痞子》武替機會，陳頌天坦言感激監製及導演的信任。

因為《愛回家》呢一幕嘅演出，陳頌天獲得了《痞子》武替機會。

陳頌天在劇中仲有飾演速遞員。

圍繞汪明荃（阿姐）出發看世界為主題的台慶綜藝節目《中國建設銀行(亞洲)呈獻：帶阿姐看世界》，本周二起晚上十點半翡翠台繼續播映。

阿姐為是次災民打氣及慰問的片段。

「我同大家一樣，心情非常沉重」
上周三大埔宏福苑五級火災情嚴重，《帶阿姐看世界》亦因而停播四集，並於今晚（12月2日）十點半翡翠台重啟播映。節目重啟前，加插了阿姐為是次災民打氣及慰問的片段，並祝福所有港人平安、重新出發：「大家好，我係汪明荃。上星期三大埔宏福苑嘅火災，我同大家一樣，心情非常沉重。喺度我代表我哋節目團隊，向所有受今次火災影響嘅朋友，送上最深切慰問；同時亦向各位消防員、醫護人員同埋參與救災嘅每一位致敬。作為藝人，我都希望盡一分力，呼籲大家關心今次嘅事件；而另一方面，我亦都希望以演員嘅專業，藉住做好嘅節目，陪伴大家，將溫暖送畀你哋。祝願大家都平安，我哋一齊再出發。」

周嘉洛先帶阿姐到Central Market，二人挑戰用有限金額買意粉及蜆。

原來「驚喜名廚」就是嘉洛本人，阿姐：「你得唔得呀？入廚幾多年？」

嘉洛一本正經答：「我入廚兩堂。」

嘉洛落手煮的時候，阿姐更在旁提點：「落意粉唔好咁大力。」

嘉洛笑稱：「我煮嘢係憑感覺。」

第一關開火已經一度卡關，但嘉洛仍死撐：「我係唔識開火姐，其他咩都識。」

阿姐忍不住出手撩兩下。

白汁變豉椒炒意粉。

沿路遇到不少當地華人，大家都認得阿姐！

今（2日）、明（3日）兩晚的《帶阿姐看世界》，繼續是首站澳洲及「澳洲站旅伴」周嘉洛。今晚（2日）播出的第三集，阿姐與周嘉洛繼續行程豐富，除了走入Central Market玩限額買食材、到訪嘉洛很想回味的唐人街燒臘店、兼到Gilles at The Grounds市集Shopping，今集焦點，絕對是嘉洛帶住「畏高」阿姐，登上Adelaide Oval 50米高空的橢圓球場體驗Roof Climb，獻出人生第一次Roof Climb；眼前阿姐埋位前後不斷抖大氣，嘉洛仔馬上再發揮「暖男」本色，幫阿姐體貼穿上保護裝備之餘，還不忘為阿姐打氣：「唔使擔心呀阿姐，我會一路喺你後面。」

事事要確保絕對安全才敢試的Liza姐，試玩Roof Climb前有半開玩笑叫嘉洛「你試咗先試咗先」，之後阿姐依足指示靠住安全扣及繩索支撐，懸空向後仰擺出雙手放飛姿勢，雖然挑戰初段阿姐仍是勁緊張攬實嘉洛高呼「我好驚」，但經嘉洛一輪安慰後，阿姐終於豁出去完成創舉！阿姐事後坦言以往拍攝騎馬及吊威也戲時亦不免緊張，但最終仍憑藉演員的重要初心—「一roll機就要嚟啦」一一捱過，盡顯專業。

嘉洛帶阿姐登上Adelaide Oval 50米高空的橢圓球場，體驗Roof Climb。

暖男嘉洛知道阿姐畏高，先替她穿好保護裝備。

二人黑超Look！

再邊行邊安撫給予安全感，上落樓梯時不時提醒：「唔使擔心阿姐，我會一路喺你後面。」

阿姐沿路一路自我打氣：「我得嘅我得嘅。」

阿姐一度緊張，要扶實嘉洛。

阿姐最後成功克服畏高，相當勇敢。

嘉洛完全唔畏高！

嘉洛另外還帶了阿姐到Central Market試飲試食，期間有Cheesecake店員認出Liza姐，並笑言是劇集《我的野蠻奶奶》粉絲，阿姐人氣果然遠至海外。另二人又按製作組要求、挑戰以有限金額買意粉及活蜆煮意粉，並由臨急抱佛腳上了兩堂事前進修堂的嘉洛擔任「大廚」。結果嘉洛不但第一關開火已「卡關」，更將原本好地地的白汁意粉，煮成地獄料理「豉椒意粉」，令阿姐大感「驚」艷。

二人去到Gilles at The Grounds市集Shopping！

阿姐醒嘉洛零用錢。

明晚一集，二人去到動物園。

樹熊貼身的一刻，阿姐忍唔住輕輕一震。

嘉洛抱樹熊。

阿姐一見紅唇糖即刻少女心爆棚：「好得意喎呢個，陣間試吓先！」

阿姐童心大爆發變「行走表情包」
明晚（3日）播出澳洲之旅最後一集，嘉洛帶阿姐Chill住遊澳洲，二人先到動物園親親樹熊、袋鼠等，再到德國村1839年建立的老店歎咖啡，再轉戰糖果店及Rundle Mall商店街大掃有趣美食及手信。最後一集，阿姐被嘉洛感染後愈玩愈投入，變成行走「表情包」，在親親小樹熊時，由於獲小樹熊貼身一抱，阿姐竟激罕露出「少少驚」表情！之後在糖果店，阿姐又瞄準「紅唇糖」與嘉洛大玩「扮錫錫」，少女心大爆發。二人逛德國村期間，羅家英更「突襲」視像阿姐，相當甜蜜。

二人之後更即場咬住糖扮錫錫，甜到漏！

見到印有樹熊嘅款式即刻心心眼。

結果掃咗一堆杯，嘉洛忍不住搞笑問：「有冇買埋畀家英哥？」

阿姐笑答：「夠㗎啦佢！」

二人去到海灘睇住日落談心，互相送上禮物。

家英哥視像「突襲」阿姐。

阿姐一條問題盡顯率直本性：你覺唔覺得我難相處？
最後，二人搭電車到海邊談心睇日落，阿姐一嚟便單刀直入問嘉洛：「你覺唔覺得我難相處？」到底嘉洛會點答？盡訴心中情後，二人大玩交換小禮物，期間阿姐向嘉洛送上親筆心意卡，並認真地寫下對嘉洛的Comment，之後阿姐還坦言睇好嘉洛：「前程無限呀你，睇好你呀！」