七師傅指睇到范振鋒沒「小三」！
風水師七仙羽（七師傅）最近接受媒體訪問提到當年拍攝鬼屋靈探比賽時，見到一位撞邪女仔在冷雨夜中狂喊好可憐，七師傅於是攬著女仔給溫暖說：「師傅愛你！」從而成為七師傅的Icon，更一度感同身受，常被嘲笑廣東話不正及古怪而感觸落淚。家燕姐就七師傅常被「蝦」事，伸張正義邀請七師傅到新城接受《開心大派對》節目錄音訪問，給七師傅在節目中訴苦，訪問將於明天(3月1日)播放。
七師傅接受新城《開心大派對》節目訪問。
家燕姐在節目開始，馬上為七師傅抱不平，並爆七師傅鮮為人知的善心事，讚七師傅好有愛心，對社會及低層家庭好關注，好幾次慈善活動中，都見七師傅出錢出力，早到之餘更等到儀式完結才離開。而節目另外兩位主持范振鋒、思敏也好奇問七師傅是否中間有所誤會？七師傅即說：「人愈善良，愈容易俾人『蝦』。尤其娛樂圈，夠惡就冇人敢搞你，你搞佢就會落你降頭！知我哋善良的就會『蝦』你。」更指家燕姐：「妳係開心果，好有愛心，個個都好鍾意妳，可能都會被『蝦』，因為妳開心，日日都笑，妳將正面及笑容淹沒晒唔好的事。」
左起：范振鋒、薛家燕、七師傅、思敏
講到落降頭，家燕姐就大談當年馬來西亞及印尼降頭傳聞：「喺三十幾、四十年前去馬來西亞，媽咪常提醒小心被落降頭。去到印尼，又聽到嗰度啲人會落降頭，唔鍾意對方或仇家就會落降頭。」她當時更聽到一個關於印尼人落降傳言：「印尼土人會賣木頭俾日本人，依時
依候運俾日本人，日本人收到木頭後，就要俾錢，因為唔知會唔會依照承諾找數，但因運河路遠，就要俾一啲嘢佢哋食，話明呢啲係降頭，將『蟲牛』磨成灰，俾佢哋飲，如果木頭送到，過咗一段時間仲未收到錢，降頭灰會在胃變成蟲。」家燕姐的降頭故事聽到大家十分投入，阿范及七師傅忍唔住大笑指家燕姐對降頭好熟，七師傅更讚家燕姐講到好專業。
家燕向七師傅請教蛇年捉「小三」妙法！
七師傅更笑指睇到家燕姐、阿范及思敏都沒有被落降頭，並指阿范沒有「小三」，所以沒被落降，並說：「男人最大機會被落降頭，一定係因為有『小三』。」家燕姐即時請教七師傅蛇年捉「小三」妙法？七師傅即教路：「蛇年係誘惑一年，蛇代表情慾及引誘，引蛇出洞，『小三』、『小四』特別多！要在西北方及西南方，分別放全家幅，西北方代表男性；西南方代表女性，咁就男女都唔會出軌。」家燕姐即刻緊張地寫低，七師傅與阿范即取笑家燕姐：「妳好驚咩，哈哈哈！」家燕姐即笑晒說：「放心，我冇男朋友，只係幫同事記低，哈哈！」
七師傅指阿范沒有「小三」，所以沒被落降。
新城知訊台推出全新音樂節目《One Music Corner壹角樂》，請來資深廣播人梁兆輝（Brian）主持，節目逢周六晚上9時至10時新城知訊台及MBO TV 同步播出。昨晚(5月17日)首集訪問嘉賓邀請到當時得令的唱作歌手林家謙擔任《One Music Corner壹角樂》。1991年曾任新城音樂總監的Brian強勢回歸，在節目中開咪劈頭第一句即說：「我希望嚟緊節目順順利利、大吉大利，所以搵咗個喃嘸師上嚟開光作法。」主唱《喃嘸師感官漫遊》的林家謙在旁大讚：「原來你咁有周詳計劃。」
梁兆輝強勢回歸新城大家庭。
Brian形容林家謙有趣的地方除了可以混雜港式和台式的歌，又可以駕馭到日式電視劇主題的音樂風格，讓大眾看到廣東歌的另一些可能，林家謙直言：「係，所以我都係食魚蛋粉大，我嘅音樂我會形容係魚蛋粉，魚蛋係代表香港嘅味道，但魚蛋要做得好食係好難，我最近鍾情某間魚蛋粉，真係好少搵到間做魚蛋好食嘅舖頭，唔係每次食都食到有魚味或彈口。」
主持新城知訊台全新節目《One Music Corner壹角樂》。
林家謙早前在香港電影金像獎頒獎典禮上，憑電影《破‧地獄》主題曲《普渡眾生》首奪「最佳原創電影歌曲」，後來在慶功宴上，獲英皇集團老闆楊受成力邀他加盟；Brian問林家謙可有認真考慮簽公司？林家謙謂：「多多少少係我個人性格，我慣咗或者得心應手啲比較少人嘅團隊，因為我唔係太識控制太多人事，去到一間大公司，都會有架構和不同人事上嘅嘢，但呢啲流程係咪我可以經得起呢？或者適唔適合呢個模式去做呢？我就覺得唔太適合囉，尤其我出道咗5、6年，發覺呢個模式好舒服嘅時候，如果入咗一間好多人嘅公司，我會嘥好多CPU去處理人事，咁我不如將CPU擺喺音樂製作上。」
家謙透露早前巧遇梁詠琪，對方跟她分享廿年前出道的經歷，他說：「佢都覺得廿年前做唔到獨立歌手，一定要有間公司幫你做，要處理好多嘢，我都覺得係，因為廿年前冇咁多社交媒體，你冇得去表達自己，要有人幫你去表達你個人係點，你嘅音樂，要現今呢個年代先有效，我放喺廿年前一定唔可能，咁啱我係呢個時間，用最舒服模式去做，大家又接受。」
頭炮嘉賓林家謙。
Brian問林家謙是否要有某個條件才會考慮簽公司？但林家謙反問：「我覺得係咪要咁死？畫條線去簽一個藝人，定係有項目可以合作，如果係項目合作，我係好open，例如啱啱嘅《破‧地獄》，都算係跟娛樂公司去合作做隻歌，如果我真係咁唔open-minded，死都要自己做，人哋都唔會搵我啦！」
節目有個快問快答環節，問林家謙擁有的第一張唱片？他說：「係張栢芝嘅《Destination》，當年只得8歲左右，我用零用錢買。」而最難忘的電影歌曲或配樂，他指是張栢芝的《星語心願》；若流浪荒島，只能夠帶一張唱片陪伴自己，他選了陳百強的《不再流淚》；沒有一位音樂人，便沒有今天的林家謙？他則選了方大同。
林家謙重提楊受成力邀加盟。
自爆8歲首次掏零用錢買張栢芝唱片！
詳細節目內容，請留意5月17日，晚上9 – 10時，新城知訊台、MBO TV同步播出全新節目《One Music Corner壹角樂》首集。網址：https://www.metroradio.com.hk/MetroInfo/
https://www.metroradio.com.hk/MetroFinance/Program/ProgramDetail.aspx?Program=road
