場面混亂！「哨牙珍」何泳芍慘遭周嘉洛朱敏瀚黃子恆輪流質食辣辣壽桃包

今集參與錄影的有「痞子無間道隊」

特備節目《鄰住買特約：大師兄春日限定感謝祭》今晚（1日）8點翡翠台播映，「大師兄」錢嘉樂率領「獎老」阮兆祥、麥美恩、林秀怡和林正峰齊齊以孖寶兄弟造型亮相。今集節目繼續優惠多多，大量感謝祭貨品將於節目播出後在網購平台「鄰住買」開售。今集參與錄影的有「痞子無間道隊」，成員包括周嘉洛、陳瀅、朱敏瀚、黃子恆、李君妍、何泳芍Honey、韋家雄；及「東張西望隊」，成員包括區永權、朱凱婷、Patrick Sir、吳幸美、李旻芳、梁敏巧及曾錦燊。向來奀皮的嘉洛仔，在節目中可謂由頭到尾本色演出，並與同劇的朱仔、子恆及韋家雄聯手欺負Honey！事緣Honey在「撞機機」環節玩輸了要食辣壽桃包，眼見Honey四出尋找「男救星」，朱仔竟一個箭步衝上前並將辣壽桃包硬質落Honey口，之後嘉洛仔及子恆亦輪流接力糟質Honey，食盡檸檬的Honey，去到最後選擇韋家雄時，絕望地說了一句：「呢個更加唔使諗啦」，結果一如所料遭家雄質埋一份，認真陰公。

「痞子無間道隊」，成員包括（左起）：黃子恆、李君妍、何泳芍Honey、陳瀅、韋家雄、朱敏瀚、周嘉洛

「東張西望隊」，成員包括（左起）李旻芳、梁敏巧、區永權、吳幸美、朱凱婷、Patrick Sir、曾錦燊，呢張大合照中間仲夾咗個大師兄錢嘉樂。

Super！

Honey嘅遭遇，令人深表同情。

佢先係畀朱仔蝦。

然後係周嘉洛

最後估唔到連子恆同韋家雄都係咁。

最後估唔到連子恆同韋家雄都係咁。

其實周嘉洛同黃子恆自己本身都唔係好頂到辣。

其實周嘉洛同黃子恆自己本身都唔係好頂到辣。

朱仔雖然跩，但其實都有紳士面，想知係咩就要留意節目喇。

周嘉洛幸運指數爆燈

除了奀皮，嘉洛仔還相當靈活兼Lucky，在「爭櫈仔」環節，嘉洛仔雖全程表現carefree，但無論他所站的位置與目標櫈仔距離有多遠，他都能成功搶贏櫈仔，與永遠「執輸行頭」的陳瀅形成強烈對比。環節有趣的地方是，當嘉洛仔與吳幸美進行終極對決時，爭櫈仔之戰竟演變成「舞鬥比賽」，畫面有趣！另外，無論是「開口中」或「彈遮遮」環節，嘉洛仔均展現了異於常人的好運氣，啜核程度連嘉洛自己也一度難以置信。

嘉洛同吳幸美爭櫈仔呢一幕好正，嘉洛仔喺呢一個環節盡顯強者本色。

嘉洛仔今集仲係「幸運男神」代表。

另一風頭人物，要數《東張》最新「小鮮肉」爆肌男神曾錦燊，由於燊仔帶點天然呆，故經常成為大師兄及祥師兄取笑對象。在「橦機機」環節，燊仔混亂間竟找來Mayanne幫手食辣壽桃包，並向Mayanne大拋「我會娶你」愛的宣言，令Mayanne即時喜上眉梢，二人還上演「嘴對嘴」食包甜蜜戲碼，相當辣眼。

「東張小鮮肉」咁樣示愛法，難怪麥美恩冧得一陣陣。

留意番「痞子奀皮男孩s」嘅魔爪，係有伸延到Mayanne度。

喺爭櫈仔方面，陳瀅同Honey都係弱卡。

喺爭櫈仔方面，陳瀅同Honey都係弱卡。

圍繞汪明荃（阿姐）出發看世界為主題的台慶綜藝節目《中國建設銀行(亞洲)呈獻：帶阿姐看世界》，本周二起晚上十點半翡翠台繼續播映。

阿姐為是次災民打氣及慰問的片段。

「我同大家一樣，心情非常沉重」
上周三大埔宏福苑五級火災情嚴重，《帶阿姐看世界》亦因而停播四集，並於今晚（12月2日）十點半翡翠台重啟播映。節目重啟前，加插了阿姐為是次災民打氣及慰問的片段，並祝福所有港人平安、重新出發：「大家好，我係汪明荃。上星期三大埔宏福苑嘅火災，我同大家一樣，心情非常沉重。喺度我代表我哋節目團隊，向所有受今次火災影響嘅朋友，送上最深切慰問；同時亦向各位消防員、醫護人員同埋參與救災嘅每一位致敬。作為藝人，我都希望盡一分力，呼籲大家關心今次嘅事件；而另一方面，我亦都希望以演員嘅專業，藉住做好嘅節目，陪伴大家，將溫暖送畀你哋。祝願大家都平安，我哋一齊再出發。」

周嘉洛先帶阿姐到Central Market，二人挑戰用有限金額買意粉及蜆。

原來「驚喜名廚」就是嘉洛本人，阿姐：「你得唔得呀？入廚幾多年？」

嘉洛一本正經答：「我入廚兩堂。」

嘉洛落手煮的時候，阿姐更在旁提點：「落意粉唔好咁大力。」

嘉洛笑稱：「我煮嘢係憑感覺。」

第一關開火已經一度卡關，但嘉洛仍死撐：「我係唔識開火姐，其他咩都識。」

阿姐忍不住出手撩兩下。

白汁變豉椒炒意粉。

沿路遇到不少當地華人，大家都認得阿姐！

今（2日）、明（3日）兩晚的《帶阿姐看世界》，繼續是首站澳洲及「澳洲站旅伴」周嘉洛。今晚（2日）播出的第三集，阿姐與周嘉洛繼續行程豐富，除了走入Central Market玩限額買食材、到訪嘉洛很想回味的唐人街燒臘店、兼到Gilles at The Grounds市集Shopping，今集焦點，絕對是嘉洛帶住「畏高」阿姐，登上Adelaide Oval 50米高空的橢圓球場體驗Roof Climb，獻出人生第一次Roof Climb；眼前阿姐埋位前後不斷抖大氣，嘉洛仔馬上再發揮「暖男」本色，幫阿姐體貼穿上保護裝備之餘，還不忘為阿姐打氣：「唔使擔心呀阿姐，我會一路喺你後面。」

事事要確保絕對安全才敢試的Liza姐，試玩Roof Climb前有半開玩笑叫嘉洛「你試咗先試咗先」，之後阿姐依足指示靠住安全扣及繩索支撐，懸空向後仰擺出雙手放飛姿勢，雖然挑戰初段阿姐仍是勁緊張攬實嘉洛高呼「我好驚」，但經嘉洛一輪安慰後，阿姐終於豁出去完成創舉！阿姐事後坦言以往拍攝騎馬及吊威也戲時亦不免緊張，但最終仍憑藉演員的重要初心—「一roll機就要嚟啦」一一捱過，盡顯專業。

嘉洛帶阿姐登上Adelaide Oval 50米高空的橢圓球場，體驗Roof Climb。

暖男嘉洛知道阿姐畏高，先替她穿好保護裝備。

二人黑超Look！

再邊行邊安撫給予安全感，上落樓梯時不時提醒：「唔使擔心阿姐，我會一路喺你後面。」

阿姐沿路一路自我打氣：「我得嘅我得嘅。」

阿姐一度緊張，要扶實嘉洛。

阿姐最後成功克服畏高，相當勇敢。

嘉洛完全唔畏高！

嘉洛另外還帶了阿姐到Central Market試飲試食，期間有Cheesecake店員認出Liza姐，並笑言是劇集《我的野蠻奶奶》粉絲，阿姐人氣果然遠至海外。另二人又按製作組要求、挑戰以有限金額買意粉及活蜆煮意粉，並由臨急抱佛腳上了兩堂事前進修堂的嘉洛擔任「大廚」。結果嘉洛不但第一關開火已「卡關」，更將原本好地地的白汁意粉，煮成地獄料理「豉椒意粉」，令阿姐大感「驚」艷。

二人去到Gilles at The Grounds市集Shopping！

阿姐醒嘉洛零用錢。

明晚一集，二人去到動物園。

樹熊貼身的一刻，阿姐忍唔住輕輕一震。

嘉洛抱樹熊。

阿姐一見紅唇糖即刻少女心爆棚：「好得意喎呢個，陣間試吓先！」

阿姐童心大爆發變「行走表情包」
明晚（3日）播出澳洲之旅最後一集，嘉洛帶阿姐Chill住遊澳洲，二人先到動物園親親樹熊、袋鼠等，再到德國村1839年建立的老店歎咖啡，再轉戰糖果店及Rundle Mall商店街大掃有趣美食及手信。最後一集，阿姐被嘉洛感染後愈玩愈投入，變成行走「表情包」，在親親小樹熊時，由於獲小樹熊貼身一抱，阿姐竟激罕露出「少少驚」表情！之後在糖果店，阿姐又瞄準「紅唇糖」與嘉洛大玩「扮錫錫」，少女心大爆發。二人逛德國村期間，羅家英更「突襲」視像阿姐，相當甜蜜。

二人之後更即場咬住糖扮錫錫，甜到漏！

見到印有樹熊嘅款式即刻心心眼。

結果掃咗一堆杯，嘉洛忍不住搞笑問：「有冇買埋畀家英哥？」

阿姐笑答：「夠㗎啦佢！」

二人去到海灘睇住日落談心，互相送上禮物。

家英哥視像「突襲」阿姐。

阿姐一條問題盡顯率直本性：你覺唔覺得我難相處？
最後，二人搭電車到海邊談心睇日落，阿姐一嚟便單刀直入問嘉洛：「你覺唔覺得我難相處？」到底嘉洛會點答？盡訴心中情後，二人大玩交換小禮物，期間阿姐向嘉洛送上親筆心意卡，並認真地寫下對嘉洛的Comment，之後阿姐還坦言睇好嘉洛：「前程無限呀你，睇好你呀！」