Rock以啦啦隊身份為大家打氣！
聲夢歌手何晉樂（Rock）出席《TVB x 少年警訊慈善開年籃球友誼賽 2025》活動，以啦啦隊身份為大家打氣，並即場演唱《重口味》炒熱氣氛。
點擊看圖輯
《TVB x 少年警訊慈善開年籃球友誼賽 2025》（本網記者攝）
何晉樂（Rock）（本網記者攝）
何晉樂（Rock）（本網記者攝）
何晉樂以啦啦隊身份為大家打氣（本網記者攝）
何晉樂以啦啦隊身份為大家打氣（本網記者攝）
何晉樂以啦啦隊身份為大家打氣（本網記者攝）
何晉樂即場演唱《重口味》炒熱氣氛（本網記者攝）
《TVB x 少年警訊慈善開年籃球友誼賽 2025》（本網記者攝）
《TVB x 少年警訊慈善開年籃球友誼賽 2025》（本網記者攝）
何晉樂（Rock）（本網記者攝）
何晉樂（Rock）（本網記者攝）
何晉樂以啦啦隊身份為大家打氣（本網記者攝）
何晉樂以啦啦隊身份為大家打氣（本網記者攝）
何晉樂以啦啦隊身份為大家打氣（本網記者攝）
何晉樂即場演唱《重口味》炒熱氣氛（本網記者攝）
何晉樂接受訪問並說：「今日係嚟做啦啦隊。本身諗住著運動形啲嘅，諗諗吓唔好被人誤會我會上場，著返Casual啲。我打開羽毛球，我自己玩開嘅運動就唔係咁郁動嘅，我唔係好鍾意同人接觸，如果係Aska嘅話可以接觸吓嘅。我同火雞有打過籃球，其實本身都有打吓嘅，但係就唔多。今日就唱住歌先啦，同大家打吓氣要做啲運動有足夠準備。」他透露會演唱《重口味》，「佢哋要求要一首激昂啲嘅歌， 但我係冇咩呢啲貨，慢歌比較多，揀咗《重口味》，原來要跳舞，咁就睇吓一陣臨場大家嘅反應，試吓啦，主要係氣氛。今日係一個慈善嘅活動，最緊要大家氣氛好，大家玩得開心。暫時都係主力拍劇，唱歌就間唔中都有呢啲騷，大家都唔會忘記我係唱歌。我有叫佢哋（歌迷）同公司反映吓，『幾時出歌啊？成年幾兩年喇喎』，佢哋都好支持我，就算我拍劇定唱歌都好支持我。」
《TVB x 少年警訊慈善開年籃球友誼賽 2025》（本網記者攝）
現時主力拍劇的他指：「劇嗰邊好開心，都一年啦，但仲有好多進步空間，做戲都係一個好長嘅課題。我最近嘅壓力有啲大，可能主要嘅戲份突然間多咗，我好開心，但當然都多咗壓力，我就同前輩傾吓偈，試吓用呢份緊張用落套戲度，習慣就好，呢段時間就花多咗時間同自己傾偈，練習得好好，但唔好臨場亂，呢個都係我今年畀自己嘅課題。」
