00後同事稱「瑜伽班唔可以miss！」拒OT瀟灑走人 網民狂讚：準時放工無罪！

一名自稱「老餅」的打工仔分享00後同事拒絕加班的趣事，對方一句「瑜伽班唔可以miss」瀟灑走人，令他無奈又羨慕！

示意圖

00後同事「我有我態度」

該打工仔在社交平台發文，直言「自從00後同事嚟咗，的確令我哋呢啲老餅好多新衝擊」。他提到，公司最近正在趕一個重要項目，所有同事都自動自覺準備加班（OT），唯獨這位00後同事卻「我有我態度」，準時執袋走人，令他不禁感嘆：「佢對加班嘅態度，令人羨慕又無奈。」

Threads截圖

因1事毫不猶豫地收拾東西

該名00後周同事當時毫不猶豫地收拾東西，並淡定地表示：「唔好意思，我今晚有瑜伽班，就夠鐘，我要走先啦！」事主無奈地反問：「你唔怕老細嬲咩？」對方則大安旨意地回應：「身體健康最緊要，工作係做唔完嘅，但瑜伽班唔可以miss。」說完便瀟灑離去，留下一班OT的同事繼續奮戰。

示意圖

事主欲駁無語：對方又好似無錯

事主坦言，自己雖然想反駁，但卻覺得對方的話「又好似無錯」，最後只好默默留下來繼續工作。這篇帖文引發網民熱烈討論，令人意外的是，大部分網民都力撐00後同事的態度，認為她的做法並無不妥。

《柔美的細胞小將》劇照

網民力撐00後同事

有網民留言表示：「照顧好自己心身，因為有事公司唔會養你成世」、「其實我真心唔明，點解準時放工要有罪疚感。我日日都早返過其他人，咁又唔見你讚我早返？唔好將Over Time合理化」。

興趣班並非小朋友專利！滿大街琳瑯滿目的興趣班，可能總有一班係為你而留！近日有網友就仔細研究工聯會的興趣班目錄，爆笑稱「睇完成個課程目錄，好似去咗趟奇幻之旅咁！」

網上圖片

有網友近日瀏覽工聯會課程目錄，發現竟然有「第七感研習班」，課程簡介聲稱技術由蘇聯耗資過億元研發，目的是「運用結構和意志力在任何想要知的資訊區域自由游走」，更指「身在蘇聯境內也可以遙視美國軍機的內部情況」。

網上圖片

這個索價530元、共五課的超能力班很快掀起網民熱議：「真心想知有咩人會讀？」、「人係香港，學完仲要特登去蘇聯試吓work唔work」、「要唔要着套黄金聖衣上堂？」。還有疑似舊生現身說法，分享十年前上過類似課程嘅奇幻經歷。

示意圖片

該位網民憶述當年導師「男人大叔衣著都寒酸」，課堂上教「用精神力估牌」，又指去賭場「只能用幾次要走」。

網上圖片

隨住第七感班爆紅，網民又挖出工聯會更多經典奇班，其中「懷才不遇自救法」索價150元，3小時的課程，聲稱教「如何去發展自己的才能、如何去 創造機會」以及「找到被人賞識的方法」。網民戲稱報讀「自救」課程「先收個150」，「工聯會真係可以 話係濟世為懷」。

以上除了兩大奇班，網民指工聯會過往還開辦過「六合彩致富」和「氣質形體儀態班」，不少網友直言工聯會課程種類廣泛到 「真係好多奇怪怪嘅班」、「睇完成個課程目錄好似去咗趟奇幻之旅咁！