海洋公園出貼文曝光大熊貓BB飲盆盆奶的影片，這次更是徇眾要求，公開全天然無加工的家姐、細佬飲奶原聲影片，聽到兩姐弟飲奶飲到啜啜聲，好味到唔願抹嘴仔。
大熊貓BB細佬飲奶，飲到啜啜聲。大熊貓官方ig影片截圖
海洋公園社交平台貼出最新短片，小編特意寫明：「繼上次公開家姐細佬嘅飲奶片段，收到契爸契媽留言話想聽全天然無加工嘅飲奶原聲喎……登登！萬眾期待嘅ASMR放送嚟啦！畀大家沉浸式enjoy家姐細佬嘅可愛『奶音』。」
點擊看圖輯
大熊貓BB細佬飲奶，飲到啜啜聲。大熊貓官方ig影片截圖
大熊貓BB細佬飲奶飲到滿嘴奶漬。大熊貓官方ig影片截圖
大熊貓BB細佬飲完奶，奶媽幫手抹嘴。大熊貓官方ig影片截圖
大熊貓BB家姐飲奶好斯文。大熊貓官方ig影片截圖
大熊貓BB家姐飲奶未夠喉。大熊貓官方ig影片截圖
小編還提醒大家，要記得戴耳機聽，享受最佳視聽效果。
在 Instagram 查看這則貼文
短片中，見到兩姐弟各有自己貼了名字的私家水壼。細佬先出場，很斯文的一直低頭飲奶，細心的奶媽一邊扶著鋼盆，一邊又為細佬加奶。細佬就飲到啜啜聲，飲完一抬頭，滿嘴奶漬，變身污糟貓。奶媽溫柔地提醒，奶奶已飲完，細佬就回頭望望鋼盆，果然已見底。奶媽拿一條大毛巾為細佬抹嘴，但細佬就話：我自己抹！
大熊貓BB細佬飲奶飲到滿嘴奶漬。大熊貓官方ig影片截圖
輪到家姐，同樣係百分百享受飲到啜啜聲，小編鬼馬地補充說，「飲奶同食拉麵一樣，飲到啜啜聲係對奶媽的尊重。」奶媽又慢慢地轉動鋼盆，讓家姐飲得更容易。家姐是坐在地上飲奶的，有網民留意到「家姐飲奶飲到隻腳仔一字馬」，超級可愛。
大熊貓BB細佬飲完奶，奶媽幫手抹嘴。大熊貓官方ig影片截圖
當奶奶飲完，奶媽又係要用毛巾為家姐抹嘴，還特別說了一句：「飲晒啦真係」。不過，有性格的家姐不肯就範，「我仲要飲」，又向後挪開身體，不讓奶媽抹嘴，更發出「嗯嗯嗯」的BB聲，令契爸契媽雀躍不已。
這條全天然無加工的飲奶原聲影片，博得一眾熊貓粉叫好，「成個畫面好温馨。不過我哋嘴仔咁細，咁大件餐巾抹嘴，似奶媽想 “老笠”包走我哋返屋企」、「細佬搞到一身都係啦，家姐好叻好乾淨」、「家姐仔仲有BB聲。好可愛呀」、「全世界最可愛嘅污糟貓」、「人嚟～又同我攞兩個麻包袋過嚟，今晚打大佬…唔係，係今晚笠細佬同埋家姐…可愛到咁真係搞唔掂」。
大熊貓BB家姐飲奶好斯文。大熊貓官方ig影片截圖
也有網民感謝小編有聽大家的意見：「多謝OP同小編你哋真係有睇留言㗎。除咗聽到家姐細佬飲盆盆奶嘅ASMR外，仲聽到家姐嘅叫聲，好可愛呀。唔知小編有冇珍藏到細佬叫聲嘅片呢？都好想睇同聽到呀」、「睇佢哋飲奶奶啜啜聲，好療癒呀，家姐最後嗌到BB聲，係咪覺得唔夠」、「同人BB 一樣唔鍾意抹嘴， 好得意」、「有性格嘅家姐同論盡嘅細佬」、「條毛巾大到可以抹身但係係用嚟抹嘴，好fun」、「小編，家姐細佬其實佢哋咩時間食奶奶呢？見佢哋平日嘅“返工”時間，好少見佢哋break，返足五個鐘，好鬼勤力。」
大熊貓BB家姐飲奶未夠喉。大熊貓官方ig影片截圖
