皓云師傅揭撞鬼掌相 印堂幾黑至算黑？ 耳無血色兼耳鳴撞鬼機率達八成

《直播靈接觸》主題為「睇掌睇相 - 撞鬼篇」，請來皓云師傅擔任嘉賓。

 由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》，逢周一晚9點半及周二晚9點35分播映，每集會有各門各派玄學大師坐陣，跟觀眾互動解答靈異疑難，更會邀請有份量藝人亮相，分享他們的靈異經歷。昨晚（11日）《直播靈接觸》主題為「睇掌睇相 - 撞鬼篇」，請來皓云師傅擔任嘉賓， 有人未見過鬼，亦有人周時撞鬼，究竟掌紋同面相跟撞鬼有沒有關係，今集節目會有答案？在介紹皓云師傅出場前，思浩「翻舊賬」取笑說︰「佢咬字非常清楚，特別是讀個『狗』字。」當師傅出場時不忘自嘲一番︰「今次我咬字會清晰啲同盡量低音，唔講生肖就唔會出事。」事緣在新春播出的《祿播靈接觸》，他介紹生肖運程時，誤將「屬狗」讀成「屬x」，令在場眾人爆笑，最辛苦是當事人，仍要正經分析運程。之後片段在網絡瘋傳，皓云師傅知名度爆升。

《直播靈接觸》昨晚（11日）請來皓云師傅擔任嘉賓。

《直播靈接觸》昨晚（11日）請來皓云師傅擔任嘉賓。

皓云師傅於節目中提到有三大撞鬼面相及掌相，包括印堂發黑、面色蒼白及手掌虎口位有紫青色，他說︰「印堂位係兩眉中間、高一隻手指位。如果呈現啞黑色，就容易撞鬼。特別係夜晚同去醫院，容易撞到啲唔好嘢跟住。」接住提到較少人知的「面色」及「耳色」關係，假如兩者蒼白且呈啞白色時，就要特別小心，避免去一些陰氣重的地方，皓云師傅補充說︰「容唔容易撞鬼，睇耳仔好緊要，而白仲衰過黑。耳仔蒼白加上有耳鳴，撞鬼機率達八成。」

昨晚主題為「睇掌睇相 - 撞鬼篇」。

昨晚主題為「睇掌睇相 - 撞鬼篇」。

皓云師傅講起一位朋友的故事，因為喜歡拜陰廟求財出事，他說︰「我哋2013年左右認識，嗰時佢都係正正常常，隔兩年再見佢，塊面無血色，好似打咗水泥係塊面一樣，望落嗰樣唔對路嘅。再幾年後嘅朋友聚會，佢已經走咗喇，原因係自殺，位朋友嗰時都係30零、40歲。」該友人曾對人透露經常受靈體騷擾，搞到疑神疑鬼終抵受不住壓力跳樓自殺。此外，皓云師傅透露橫財運至亦有樣可睇，相書有云「面露三光，財自天降」，即兩條眉尾對上及鼻頭位同時透光澤，即代表好事即將來臨。

耳色呈蒼白撞鬼機率極高。

皓云師傅透露「三光」透光澤有橫財命。

皓云師傅透露「三光」透光澤有橫財命。

虎口位有瘀青色易撞鬼。

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》昨晚（12月16日）主題為「電台靈異經歷」請來資深廣播人周國豐擔任嘉賓，大談電台的靈異事件。

嘉賓周國豐大爆電台靈異故事。

周國豐透露入行經過，原來跟講鬼故有關，他笑說︰「其實係同一年參加唱歌同DJ比賽入行， DJ比賽贏咗。DJ除咗考即時反應，有一個天才表演環節，10個參賽者9個揀唱歌，我梗係唔咁傻，所以揀講鬼故。」周國豐講鬼故技巧，跟年幼時爸爸離世的經歷有關，他說︰「我8歲時爸爸就離開咗，係腦癌所以病情好急轉直下，幾個月就走咗。佢彌留當晚，接到醫院電話通知，叫屋企人儘快嚟。」

嘉賓周國豐大爆電台靈異故事。

當家人鎖好門準備離開時，屋內電話再響起，接過電話電話卻沒有回音。經過一輪擾攘後，一行人由家住的九龍城徒步數分鐘往父親入住的醫院，當行到一條必經的十字路口時，他們被眼前景像嚇呆，周國豐補充說︰「嘩！發生咗交通意外，如果無聽個電話，發生意外就係我哋。」各人深信是周爸爸保佑。

嘉賓周國豐大爆電台靈異故事。

從事廣播業多年的周國豐，耳聞不少電台靈異傳聞，他說︰「某電台三樓有好多傳聞，你知做通宵節目凌晨兩點做到6點，公司文職人員都已經走晒，每次做節目都要上三樓攞唱碟。有一次有位同事拎唱片時竟然聽到打字機聲、又試過見到有人坐喺office，轉頭就唔見咗。」他透露每間直播室都有本記事簿，記錄做節目時發生的特別事項，不時就會有人寫「直播室有鬼」。周國豐分享DJ行內的禁歌，除眾所周知的《夜夜痴纏》，還有光良、品冠的作品《掌心》。原因是《掌》的MV有靈異事件，所以被禁。

DJ行內有幾首禁歌不能播。

另一首是日文歌《風之谷》，試過有DJ凌晨播這首歌時，在走廊見到有小朋友行過，之後電台不成文規定不准再播此歌。講到最恐怖的一首，要數到匈牙利歌曲《Gloomy Sunday》，他說︰「傳聞聽完之後會自殺，所以到而家都唔敢聽。」此外，節目中思浩提到草蜢主唱的《寶貝對不起》原來有鎮魂的作用，他說︰「上海有一間百貨公司意外死咗好多人，公司老闆為咗鎮住啲怨靈，所以由朝到晚都播呢首歌，播足十年。呢首就係草蜢嘅《寶貝對不起》。」思浩表示下次出埠入住酒店，為求心安不妨播這首歌。

DJ行內有幾首禁歌不能播。

DJ行內有幾首禁歌不能播。