有港女於社交網站大埔群組發相，指着衫時發現衣物有多粒外型像「提子」的物體，大喊「着咗先發現，被啲提子嚇死」，有網民形容為「迷你香印」，亦有人指「好似異型，唔見左粒好大鑊」。
有港女著衣物時發現「提子」黏著衣物，大叫嚇死。（FB群組「大埔 Tai Po 圖片)
有港女於3月15日Facebook群組「大埔TAI PO」發布相片，留言「着咗先發現，被啲提子嚇死」。從相片可見，樓主的深灰色衣物上黏附多粒綠色、外型像「提子」的蟲卵，總共有13粒，排列整齊。
新界區常有臭屁蟲卵的蹤影。（FB圖片）
不少網民議論紛紛，有人指「咁快又開始有」、「好在未爆開」、「差咁粒喎，睇下個身度有冇」、「去沖涼換晒衫先啦，隨時會黏喺身」、「快啲揾返嗰1粒」、「好似異型唔見左粒好大鑊」 。樓主回應指「都唔知仲有1粒跌咗喺邊……應該唔係好耐，仲係好細粒，黏得好實」 。
其實這是俗稱「臭屁蟲」的「荔枝蝽象」蟲卵，每逢春夏之間，就會在新界區出沒，當中尤以大埔區最常見；有網民亦分享同類經歷，因蟲卵一般是「14粒」排列，但樓主相片卻只有13粒，缺少1粒，令不少網民感憂慮。
臭屁蟲蟲卵。（FB圖片）
由於荔枝蝽象以吸食荔枝及龍眼汁液為生，故每年荔枝及龍眼樹開花結果的時節，就是「臭屁蟲」的活躍期，不少新界區居民都曾在衣物發現「14粒提子」，其中大埔區最頻繁，故有網民形容為「大埔名物」。
「臭屁蟲」的蟲卵若爆開或孵化成蟲，或有臭液流出，可引起皮膚敏感，若入眼更會引致劇痛，而留在衣物上亦難以清洗，故最好戴手套輕輕搣走，如不小心接觸臭液，應立即用大量清水清洗。
有網民直言發現臭屁蟲後，應第一時間「數數先」。（FB圖片）
日前一名港女在社交平台Threads發出求助帖文表示，首日上班即遭男同事以「追求」為由觸碰其身體，直指對方「摸我Patpat，又摸我隻手」，她隨即前往尖沙咀警署報案，惟家人事後質疑「冇必要」報警，令她陷入自我懷疑，整夜未眠，反覆思量「其實我係咪真係唔應該報警？」帖文一出，隨即引來熱烈迴響！
示意圖
疑遭非禮後收男同事道歉短訊
事主未有透露工作性質，只是表示涉事男子是她同事，大家是首次見面。被非禮後，她感到很無助及徬徨「第一日返工，第一次遇到呢啲事，當刻真係唔知點樣做好。」帖文中她亦公開了她和男同事間的whatsapp對方截圖，截圖顯示疑似非禮事件發生後，男同事主動聯絡她，他說：「hi，啱啱嚇親你，對唔住，向你鄭重道歉...」。女事主回覆：「其實我唔鍾意人哋摸我pat pat又摸我隻手，好奇怪。」明確地表明自己並不能接受男同事的行為。
男同事主動聯絡女事主向她道歉。網上圖片
指想追求女事主所以有此行為
對方隨即回應到：「知道...因為你係我鍾意既type，想追你，如果你有男朋友既話...我就放棄了。」女事主則再重申，不能接受身體被觸摸：「你想追我唔應該同我有身體接觸，pat pat係私密部位。」男同事則回覆：「知道，沒下次，對不起。」
女事主表明不接受身體觸摸。網上圖片
女事主不接受前往警署報案
但其後女事主仍感到不感，便前往尖沙咀警署報案，落完口供後，警員「影低」女事主與男同事的通訊紀錄，以便跟進。
屋企人覺得鬧下佢冇必要報警
但是事主提到報案後向家人提起事件，「屋企人就話我冇必要報警」，令她「自我懷疑...成晚冇瞓過」令她甚至懷疑是否做錯決定「其實我係咪真係唔應該報警」。女事主解釋家人表示其實警告或罵涉事者已經足夠「因為身邊好多長輩都覺得冇必要報警，叫我警告佢鬧下佢，搞到我懷疑自己係咪真係唔應該報（警）。」
男事主再次道歉。網上圖片
其他同事亦覺得冇報警必要
即使她有向其他同事講述自己疑遭非禮，但同事們只是覺得很憤怒，但覺得女事主無需為此報警「我同咗其他同事講佢哋都好嬲，話要ＸＸ嗰條友，之後佢哋知道我報咗警就話：咁又唔使報警嘅。」
女事主擔心報警後，會遭男同事報復。示意圖
表示會辭職擔心被報復
她表示有點擔心報警後，會遭男同事報復「咁呢其實我都有少少驚佢報復，因為聽講佢份人好似唔係好正常，佢喺樓上做侍應會拎把刀落去廚房磨刀...」 並表示會辭去份工作「已經唔諗住再去嗰度返（工）。」
網撐：一定要報！ 一睇就知係慣犯！
帖文一出，大批網民都留言支持女事主報警「一定一定要報警！！！！！」「應該要報警！正常返工係唔會有任何身體接觸，今日摸下只係試你底線，下次唔知會做啲乜......」「報警做得對！第一日返工就拍pat pat，你唔出聲嘅第二日唔知做乜嘢喎，仲要叫你『妹妹』，我諗佢連你個名都唔知，完全係蝦你唔敢出聲。」「一定要報！ 一睇就知係慣犯！一來保障自己，二來可以當係幫咗其他女仔！講唔使報警嘅，係針唔吉肉唔知痛，當事情發生係佢地身上，睇下會唔會咁！」
鼓勵事主：你好勇敢，做得好好！
網民更大讚事主做得對「你做得好啱！呢啲好可能係慣犯，唔可以就咁算數，你小心啲好好保護自己。」「你好勇敢，做得好好！」「報警係啱，唔好自我懷疑！」
