《男性的弱點》鄒凱光從馬主夢到人生智慧 特男性視角的幽默探討

三叔公園與Toilet Ideas聯合主辦「鄒凱光 TALK SHOW《男性的弱點》」，於3月22日至23日開始一連兩場假旺角麥花臣場館盛大舉行！鄒凱光 (灘叔) 因緣際遇下「三叔公園」可以再Re-U合體開拓YouTube Channel，從而有機會舉辦今次時隔12年再度挑戰獨腳戲的TALK SHOW，以獨特的男性視角，帶來一場既讓港女開竅、又讓港男尖叫的精彩演出。灘叔一貫的「口賤」風格中，隱藏著溫柔與幽默，引發觀眾共鳴與反思。

鄒凱光 TALK SHOW《男性的弱點》

海量過癮啜核金句

台下觀眾爆笑連連

預告三叔籌備年底西九騷

灘叔的父母、加拿大的舅父舅母、五姨及表妹都有到場支持，而好友余迪偉、楊詩敏（蝦頭）、陳漢娜、余德丞、張馳豪、專家Dickson及東方昇等亦有捧場。節目以賽馬為開場，灘叔借用「馬主夢」引入話題，表達男性在追求地位與身份認同中的掙扎，當他說到自己終於成為馬主時，笑稱：「今晚我終於可以喺朋友面前講，我係『滾水』嘅主人！」灘叔與AI的互動中，當AI告訴他男性的弱點是自大、自卑及「唔夠耐」時，灘叔不屑回答：「你AI嚟㗎咋，你知幾多嘢，時間係唔可以反映實際表現嘅！」之後AI又嘲男性的弱點「幼」，灘叔竟對號入座，反駁稱：「我幼？大家攞出嚟比比吖，睇吓邊個幼吖！」引得觀眾發笑。隨後，灘叔介紹了好友Steven，他形容自己所有「衰嘢」都是從對方身上學，又分享他對「夜總會」的獨特見解，強調這是男性學習人際交往與生活智慧的地方，他打趣道：「我高中時每週去夜總會八次，學到最多嘅就係點樣喺點歌時保持風度！」灘叔強調了「title」的重要性，呼籲男性在追求身份的過程中保有真實自我，他說：「男人如果冇『title』，就好似女人下面冇X毛！」全場大笑。

鄒凱光 TALK SHOW《男性的弱點》

入行初做編劇的灘叔終於有「title」，不過在片場喝水的杯上，幾乎寫錯他的名字，要親手寫上自己大名，他稱：「你一唔親手寫就『領』嘢，出現咗好多我嘅變種，好似『編劇man chan』，編劇阿『咩周』，而中文就有『編劇雛凱光』，我最鍾意嘅係『騙劇周海江』，五個字有四個字都係錯。」談到「好色一代男」，灘叔稱有智慧的男人，從來都不會逆女人意，他表示：「女人order話咩就咩，男人咪自作聰明，跟女人Order做啦！佢話要食韓燒，你唔好話熱氣！佢話要食刺身，你唔好話生冷！佢話鍾意姜B，你......唔好講嘢！女人開心，世界就會和平。」灘叔重提人生第一個個人TALK SHOW《齋呵唔鬧》，台上響起主題曲《阿叔今年四十歲》，他指當年這個騷反應很好，大家想起灘叔便會心微笑，同時準備好繼續做棟篤笑，惟此時他的「初戀」電影又再找他，於是他心軟，又重投電影懷抱，灘叔表示：「咁我拍電影嘅成績可以話有目共睹，然後我就開始沉；我個世界開始沉靜，冇人搵我，有一把不停怪責自己嘅聲音『明明新一頁開得好地地，點解又要死返去以前果度』、『你抵X死㗎！仲有排你受』。」

鄒凱光 TALK SHOW《男性的弱點》

灘叔更於台上率先預告，三叔現正籌備年底與其他藝人單位合作的西九騷，繼續為觀眾帶來歡樂，與大家一同擁抱生活中的每一刻。灘叔以感人的結尾帶出人生哲理，提醒觀眾一切困難終將過去，珍惜當下。完騷前，灘叔唱出新歌《阿叔今年八十歲》，全場拍手伴隨，唱至中途他搞笑謂：「仲有幾十秒就忍完，等一陣。」唱畢後有不少觀眾大叫encore。事後灘叔大談相隔12年再開個人騷感受，他表示：「因為呢個騷加咗好多個人嘢，初時都擔心觀眾會有乜反應，但見佢哋好好反應，又拍晒手，應該笑嘅都笑晒，令我好感動、好滿足 。」灘叔又指這個騷有些感觸位，講述他人生的高高低低，故在台上一時感觸哽咽。

ViuTV清談節目《晚吹 - 男人亂講嘢》逢星期二晚11時正播出，以樹窿概念收集香港男士的各種煩惱與壓力。由節目主持Thor（駱振偉）、灘叔（鄒凱光）和Helen（譚凱倫），每週圍爐亂講，從不同角度大談男士生活難題，為現代男人提供舒壓出口。

而Thor的解決方法竟然是寫信給Asha，黏在她的房門，最後情況真的有改善。

到機場接機時，Albert即刻拿出幾包手信說：「因為呢幾包餅搞到Overload啊！」

節目主持 灘叔（鄒凱光）

節目主持 Helen（譚凱倫）

節目主持 Thor（駱振偉）

節目嘉賓 P1X3L成員George（歐鎮灝）

節目繼續以「樹窿」形式收集網民難題，主題圍繞「回流房客」，探討將家中房間短期租借給朋友時的兩難局面。今集更有P1X3L成員George（歐鎮灝）坐陣，與一眾主持一齊亂講。灘叔分享：「當身邊朋友有一個人搬咗出嚟住，就會變咗大家嘅聚腳點，就算我住天水圍都唔例外，成日都有朋友嚟串門。」

網民「留港麟」分享自己與女朋友同住，有一日收到一位中學同學Albert從英國回港的消息，對方提出想到他家暫住兩星期，之後再前往日本便會返回英國。留港麟欣然接受，到機場接機時，Albert即刻拿出幾包手信說：「因為呢幾包餅搞到Overload啊！」不料Albert入住後便把留港麟的家當做酒店，用過的毛巾隨手棄在地上，還會叫留港麟的女朋友將乾淨毛巾送到房間。更甚者，他長期霸佔電視，更「開口埋口」都會提到因為那幾包餅乾而令行李超重的事。

灘叔分享：「當身邊朋友有一個人搬咗出嚟住，就會變咗大家嘅聚腳點，就算我住天水圍都唔例外，成日都有朋友嚟串門。」

Albert竟說：「呢餐就似樣啦，之前喺屋企煮嗰啲雖然慳錢，但都係出街食過癮啲！」

George對Albert說：「他朝君體也相同，同埋留港麟，呢啲朋友唔好再識啦！」

Helen認為男仔總借女朋友過橋，自己也未必願意借房給朋友住，所以直言「唔OK」。

Thor反而欣賞Helen夠直接：「最驚嗰啲一開始扮OK，但係其實到時人哋嚟到就咩都唔OK！」

Thor都分享到機緣巧合之下，曾經給Asha（徐㴓喬）借宿過。

眾主持好奇Helen從女性角度的看法，Helen卻認為男仔總借女朋友過橋，自己也未必願意借房給朋友住，所以直言「唔OK」。Thor反而欣賞Helen夠直接：「最驚嗰啲一開始扮OK，但係其實到時人哋嚟到就咩都唔OK！」

留港麟續說，Albert離開前一晚，女友因OT未能準備晚餐，三人決定外出食放題。誰料Albert竟說：「呢餐就似樣啦，之前喺屋企煮嗰啲雖然慳錢，但都係出街食過癮啲！」留港麟見女朋友表面不作聲，眼角卻已泛淚光。到Albert離港當天，留港麟和女友以要上班為由不送機，點知Albert又補刀：「所以我先移民，喺香港做嘢要隨傳隨到，做到成隻狗咁。」令留港麟極為不滿。雖然其後Albert去日本旅行期間有寄禮物給二人，但關係已難以修復。留港麟亦後悔當時沒能直言不滿，令女朋友白受氣。對此，George對Albert說：「他朝君體也相同，同埋留港麟，呢啲朋友唔好再識啦！」

Thor都分享到機緣巧合之下，曾經給Asha（徐㴓喬）借宿過。Thor經常都是睡到下午才醒，而Asha就習慣早出門。但令Thor不滿的是Asha每次關門都會「澎」一聲，令Thor未能睡好。而Thor的解決方法竟然是寫信給Asha，黏在她的房門，最後情況真的有改善。眾主持都對二人沒有正面溝通，這樣就可以解決到事情而感到神奇。