謝霆鋒啟德騷終極加場 門票3.31公開發售

相隔25年謝霆鋒終於宣布於啟德園舉行萬眾期待的個人演唱會《Evolution謝霆鋒進化演唱會》，消息一出瞬間掀起搶票狂潮！為回饋歌迷熱情，主辦單位日前宣布終極加場，門票將於明日（3月31日）中午十二點正式開賣，全城粉絲摩拳擦掌，勢必再創秒殺紀錄。

謝霆鋒《進化Evolution》演唱會2025終極加場。

門票將於明日（31日）中午十二點正式開賣。

今日（30日），香港各區驚現大型展覽貨車巡迴宣傳，6架宣傳貨車分別遊走銅鑼灣、尖沙咀、旺角、深水埗、荃灣及大埔港九新界。車身及車廂內印滿謝霆鋒的酷炫演唱會海報及各個時期的相片，最特別的是每架車廂中都放了一支霆鋒曾經使用及具代表性的結他，他於2003年一個戶外音樂會上掟爛的結他亦有展出，而為了回饋歌迷，前來現場打卡的歌迷，只要follow霆鋒Social Media就可以免費獲得「Nic Evolution 2025限量頸鏈」一條，吸引無數路人駐足打卡。更有台灣歌迷是特地快閃12小時飛來香港，跑遍各區追展車，希望可以得到紀念品。

香港各區謝霆鋒驚現大型展覽貨車巡迴宣傳。

不過不少熱情歌迷見到宣傳車後，誤以為現場即可購票，紛紛瘋湧排隊及上前詢問，場面一度熱鬧非凡。大會主辦方隨即澄清，強調門票公售將於明日才正式開始，呼籲大家耐心等待，並做好搶票準備。除此之外，今日中午維港海面同步出現巨型貨船，拉起霆鋒巨幅演唱會廣告，成為港灣最耀眼風景線，歌迷紛紛湧至海旁拍照留念。

更有台灣歌迷快閃香港，跑遍各區追展車。

車身及車廂內印滿霆鋒各個時期的相片。

霆鋒曾經使用及具代表性的結他。

霆鋒演唱會廣告。

謝霆鋒不僅是影視歌三棲天王，更是無數人心中的時代偶像。他的音樂充滿爆發力，從《玉蝴蝶》到《因為愛所以愛》，每首經典都承載著樂迷的青春記憶。此次回歸，勢必以全新編曲與視覺盛宴，帶領觀眾重溫熱血沸騰的搖滾魂！所有忠實粉絲明日搶票順利，一起見證這場跨越四分之一世紀的音樂傳奇！


霆鋒演唱會廣告。

巨型貨船。

巨型貨船。

《宏利呈獻Evolution Nic Live謝霆鋒進化演唱會》
日期：24-27/ 4 / 2025
時間：7:30PM
地點：啟德主場館
票價：HK$1380 / 1180 / 980 / 680

門票由2025年3月31日中午12時起於Cityline公開發售
電話購票︰2111 5333
網上購票︰www.cityline.com
節目查詢：2835 6688
查詢網址：www.eeg.zone

主辦：英皇娛樂
冠名贊助：Manulife 宏利
指定信用卡：滙豐銀行
旅行夥伴：Trip.com Group
贊助：英皇地產 / 英皇鐘錶珠寶 / 英皇金融集團 / 英皇酒店集團 / My Foodie / CATHAY
逐電追鋒：商業電台
票務：Cityline
場地：啟德體育園

曾打造謝霆鋒、容祖兒等無數經典，兼一手捧紅Twins成當紅女團的音樂人伍樂城，今年再戰本地樂壇，從其音樂學校選出六位年齡介乎13至16歲的女生，組成全新女團Honey Punch，先後派上兩首作品《蝶式》及《滑到入心》瞄準今年樂壇新人獎。入行30年的伍樂城接受雷霆881商業一台《星光背後》專訪，憶述由學習古典音樂走進流行樂壇變身金牌監製的辛酸外，亦披露當年與初入行的阿Sa、阿嬌合作點滴，伍樂城指：「Twins嘅schedule係痴線！」

伍樂城

於牛頭角下邨一家五口成長的伍樂城，九歲開始學鋼琴，他1990年遠赴美國著名學府伯克利（Berklee College of Music）修讀音樂製作及電影配樂，他坦承五年才完成大學，跟經濟負擔有莫大關連，「因為每一個課程都係錢，譬如一個學期可以讀六科，但我唔夠錢只可以讀兩、三科，就好慢。」為了交學費，伍樂城求學期間兼職過不少工作，「五年我都無返過香港，Waiter、唐人街卡拉OK打碟都做過，最影響我係做Berklee音樂廳嘅帶位，因為所有有名嘅Musician嚟Boston開騷，都會嚟我哋學校，呢份工無得坐係好攰嘅，但乜嘢騷都會睇，譬如音樂劇、Heavy Metal、Jazz，甚至最勁嘅Celine Dion，係令我領略何謂先入為主，好多嘢我以為無乜特別，但表演期間原來玩得好正！」

謝霆鋒唱《無聲彷有聲》表達對愛不後悔。

伍樂城95年回港加入許願星工廠先做《山水有相逢》電影配樂，因而遇上人生兩大伯樂黃偉年及趙增熹，亦因趙增熹96年監製梁漢文的專輯，讓伍樂城寫了首支大熱作《衣櫃裡的男人》，繼而再獲英皇賞識，先後為謝霆鋒監製《無聲彷有聲》、《愛後餘生》、《非走不可》等經典。談及霆鋒給人少說話及火爆的印像，伍樂城說：「我同佢合作無嘢喎，同佢溝通係最簡單直接！最記得《非走不可》，因為佢一邊錄我一邊諗到歌名，最初公司覺得唔吉利唔想用，係霆鋒撐呢個歌名。」亦因霆鋒的成功，英皇亦將未出道的Twins交到伍樂城手上，一批伍氏校園情懷作，順利幫Twins走上當紅偶像階梯，伍樂城說：「好多謝佢哋公司畀我哋好大自由度，無乜理我同填詞人點設計。」由Twins未出道到成名後多張專輯，伍樂城見證二人的辛苦，「佢哋好早已經忙到死，一年等於人哋五、六年，未出道仲好啲，佢哋嘅Schedule係痴線嘅，突然間就話要出，唔係一首歌喎，係一隻碟，好彩係兩個，嚟到一個瞓一陣先，一個叫嘢食錄歌先，所以連我根本都無得瞓，但亦訓練到我無乜問題解決唔到。」

見證Twins痴線時間表。

伍樂城跟四大天王也先後合作過，他承認其中一次夢幻經驗，是監製及灌錄劉德華及梁朝偉合唱的《無間道》，令他登上金像獎頒獎台，摘下2003年金像獎最佳電影原創歌曲。談及獲得為這經典電影創作主題曲的機會，伍樂城自揭要擊敗眾多競爭對手，「我哋寫歌都係靠投稿，我要再次好多謝陳德建先生，當時佢處理晒劉德華先生嘅電影，好記得當時我食緊飯，求其問佢要唔要歌，佢話有套電影，故事係：『兵就係賊，賊就係兵！』就係咁多，我就即刻諗到Intro，仲即時喺餐廳攞張紙巾寫喺上面，其實我寫好多歌都係同人食緊飯，《風箏與風》都係咁寫出嚟。最後好好笑，陳德建話恭喜我，佢哋最後揀咗兩首，其中一首係我，咁仲慘，我嗰陣幾日都瞓唔著，End Up中咗，係好開心。」

今日(12月6日)，下午二時至三時於雷霆881商業一台播放的《星光背後》，主持人梁泰來邀得伍樂城任嘉賓。