謝霆鋒相隔25年再次舉行演唱會，將於今年4月尾在啟德主場館舉行《Evolution Nic Live謝霆鋒進化演唱會》，但門票一發售即被秒殺，一票不留，不少撲空的網民都在謝霆鋒的社交平哀嚎「一票難求」！有見及此，謝霆鋒本人日前在社交平台表示私人送20張飛給網民，隨即引起哄動！不過，僅僅20張飛是滿足不了所有人，所以謝霆鋒今日凌晨（4月3日）宣布加碼派福利，之後又正式公布遊戲規則。
謝霆鋒演唱會門票一票難求！
謝霆鋒本尊在Threads出PO表示私人送大家20張飛！
之後再宣布加碼送多20個神秘盲盒。
謝霆鋒先表示：「你哋話我送20張演唱會飛邊度夠滿足晒咁多人，又話攞到嘅機會好渺茫，你哋嘅訴求，我完全聽到晒，但我手頭上只可以攞到20張飛送俾你哋！不過我又諗到第二樣禮物送俾大家！ 就係再加送演唱會神秘盲盒，名額20個，但神秘盲盒係乜嘢就唔同大家講住，不如等我諗吓點樣送啲飛同演唱會神秘盲盒先，再畀啲時間我。」
相隔10多個小時後，謝霆鋒正式公開贏演唱會飛或盲盒的遊戲規則，「大家有興趣想攞到我演唱會飛或者我演唱會盲盒嘅朋友要聽住啦！我決定玩《逆行》鋒狂唱挑戰 ！唱我嘅新歌《逆行》 我會錄我嗰part，跟住盡快IG出片畀大家Remix玩，限時72小時，大家可以以任何形式同我唱《逆行》都得，例如你鍾意滑住雪 、煮嘢食 、玩結他都無所謂㗎！ 記得玩完Tag我 ，被我揀中嘅話你就可以自己選擇演唱會飛或者演唱會神秘盲盒！ 記得由我出片計，限時72小時」。不少網民留言鬥志滿滿，但亦引來不少五音不或內外的人哀嚎。
謝霆鋒昨日（4月2日）受香港大學未來媒體學院邀請，出席「創意．娛樂．創業：鋒味創新融匯」主題講座，跟大家探討他橫跨演藝、餐飲、科技、商業等多個領域的歷程及創新思考。講座以對談形式進行，由該學院總監及教授（實務）楊紫燁（Professor Ruby Yang）跟霆鋒對談，後設有問答環節，讓霆鋒答現場同學問題回。
謝霆鋒受香大未來媒體學院邀請，出席「創意．娛樂．創業：鋒味創新融匯」主題講座。
講座上，霆鋒透露自己在不同範疇的思考模式十分相似，尤其在創意方面。他舉例：「對我嚟講，寫歌嘅第一步係先收集音符；準備一道菜嘅話，就需要先收集食材，然後一步步諗點樣搭配。」他進一步解釋，第二步就是確定想做甚麼風格或菜系，「煮嘢食嘅話，你會問自己：『我想做福建菜定係泰菜？定係想做麻辣風味？』音樂方面就係揀邊種類型，你想做 Heavy Metal、Rock 定係 Jazz？呢一步就好似揀定個大方向，之後從中再發揮。成個思維路徑都係一脈相承。」
謝霆鋒
霆鋒特別提到歌曲《推倒重來》並有感而發，指現今正處於文化、科技與人性的交匯點，AI發展速度指數級增長，幾乎每星期都有新突破，令所有事情都要「推倒重來」。他更觀察到，就連價值觀也正在被挑戰：「以前大人教我哋要努力工作、努力讀書先有美好未來，但而家有人話工作只係其中一個options , 甚至未來可能根本冇工做。咁我哋仲點解要咁努力工作？呢個就係價值觀被重新審視、改變嘅過程。」
謝霆鋒
霆鋒又自爆一個十多年前被視為「黐線」的想法。他指自己曾營運電腦特效公司，經常掃描自己的樣貌製作數碼版本。有次掃描時突然靈機一觸，跟經理人Mani說：「如果英皇娛樂十年後想繼續成功經營藝人管理部門，每個藝人都應該好似我咁樣scan自己個樣。」說到這裏，坐在旁邊的Professor Yang突然拿出電話對準他拍照，並說：「呢個係Best View！」哄得全場大笑，就連霆鋒也忍不住笑起上來，隨後霆鋒建議掃描不同年齡階段的藝人，例如20到30歲的謝霆鋒和容祖兒，然後將數碼形象進行數位授權。
謝霆鋒
霆鋒解釋：「我相信十年後、十五年後，人類已經唔需要再親自出鏡去拍廣告、拍電影。你諗吓，我拍好多動作電影，嗰啲場面連買保險都有困難。如果可以用數碼形象代替，就解決咗好多問題。」他認為這個做法同樣適用於運動員，讓他們毋須擔心受傷或體能限制。
謝霆鋒
回想當年，霆鋒笑說：「當然，十幾年前我講呢啲說話嘅時候，所有人都覺得我好黐線。」但他指出，時至今日大家已經歷NFT、Blockchain等概念洗禮，技術上完全做到。他認為現在只差一步：「關鍵就係要睇吓邊個願意做嗰隻白老鼠，第一個去嘗試呢個新方向。」言下之意，這個當年被視為天方夜譚的構想，隨時可能成為娛樂圈的未來趨勢。
謝霆鋒
最後，霆鋒寄語大家：「當然大家要去擁抱、接受同埋點樣利用AI呢個科技，其實講到尾最令你嘅難忘、最設身處地嘅嘢，就係要有自己嘅Experience。」
