城巴新增「請勿剪指甲」屏幕提示 網友提議：最好罰款二千大元！

一些毫無公德心的乘客會在乘搭公共交通工具時剪指甲，整到成地指甲碎，完全不顧衞生。日前有網民就發現巴士上的車廂廣播及走馬燈屏幕除了提示不要飲食外，更加多了要求「請勿剪指甲」，令一眾網民拍手叫好！

城巴的上層走馬燈告示屏幕除了提醒大家切勿飲食外，竟然出現「請勿剪指甲」「Don't drink, cut your nails 」等字眼。網上圖片

城巴的上層走馬燈告示屏幕除了提醒大家切勿飲食外，竟然出現「請勿剪指甲」「Don't drink, cut your nails 」等字眼。網上圖片

走馬燈告示屏幕出現：請勿剪指甲

網民在社交平台Threads上載相片，指見到城巴的上層走馬燈告示屏幕除了提醒大家切勿飲食外，竟然出現「請勿剪指甲」「Don't drink, cut your nails 」等字眼，詢問是幾時有的？有網民就即刻問「幾時有埋請勿大聲播片」隨即得到很多網民的和應。樓主回應，「有！我想講下一條就係為免影響車長及乘客，請勿大聲播片之類」，亦有網民表示「有呀早兩日先遇到，個警告仲播左成個站時間」。

原來仍有不少網民都見到有人在公共交通工具上剪指甲。網上圖片

網民期待已久：終於有呢一句溫馨提示

不少網民都欣然見到新提示，笑說「每一條規則背後都有一段離譜故事」、「終於有呢一句溫馨提示，最近我收工上巴士，見到仲有空位就坐低；誰知一嘢就感覺到有尖銳嘅嘢吉落大脾勁痛！，我大嗌咗出嚟再9秒9彈彈返起身，再擰轉頭望張櫈..... x!!!!! 有2條指甲碎係櫈」

網上圖片

網民常遇到有乘客車上剪指甲

不少網民都表示仍見到不少人在公共交通工具上剪指甲，「早上個月既事，應該有車長停車開咪大嗌，請勿剪指甲好核突呀，之後就有走馬燈同廣播，幕後整廣播同燈牌個班師父應記一功」、「分享一下星期日搭輕鐵去到新墟站，車長開門同阿叔講：你剪咗好耐囉喎，係咪你同我清」、「其實咁多年都有呢啲人，係睇你預唔遇到㗎啫，我就每一兩年都起碼遇到一個」、「我幾十歲人，自十幾歲開始已經至少遇過十個巴士上剪指甲的人。有啲長剪，有啲剪幾隻」、「真心唔明，點解要喺外面剪指甲！喺屋企生活忙到咁咩？」、「琴日搭地鐵個阿嬸坐喺我隔籬剪指甲，尖沙咀剪X到旺角」。

網上圖片

有人建議：罰款二千大元

有網民建議「唔應該用請勿，應該係不准」「因為剪指甲真係好大聲，有個做車長嘅frd親口講嘅，喀嗰下聽得一清二楚」有人更提議應該對此行為立下處分「最好有埋罰款二千大元，即刻冇曬呢啲垃圾人自私精 」

青衣長康邨凌晨上演街頭鬧劇，一名情緒激動女子在便利店外追打黑衣中年男子，期間不斷爆粗怒吼「叫你老婆落嚟囉！」場面混亂引來街坊圍觀，全程被目擊網民拍下上傳社交平台。

女子當街追打 大叔急避走​​

事發凌晨時分，涉事女子在便利店門前與黑衣大叔爆發肢體衝突。影片顯示，女子多次推撞大叔並高聲叫罵：「嚟啊！嚟啊！」大叔全程沉默躲避，試圖快步離開，但女子緊追不捨，更從後猛推對方。

IG截圖

IG截圖

​​途人勸交反被搭膊頭​​

兩名路過大叔上前調解時，女子突然轉移目標，伸手搭著其中一名勸交者肩膀熱聊。拍攝者在現場不時加插「花生友」式旁白評論，當見到女子搭著另一大叔膊頭時，即笑說：「嘩，仲同另一個阿叔攬頭攬頸，唉，自己都唔係專一嘅人，就唔好對對方咁多要求......」

IG截圖

IG截圖

黑衣大叔趁機逃離現場，女子隨即爆粗怒吼：「聽日唔好亂落嚟！死Ｘ街！」

​​網民食花生熱議​​

影片上傳後引發熱議，留言區充斥戲謔：「河馬口音？河馬細妹？」、「勁喎，阿叔咁年紀都有市場！」亦有網民質疑事件本質：「開頭以為係男男出軌，原來係家庭糾紛。」拍攝者自稱「單身狗」的發言更被指「酸味濃過維他檸檬茶」。