奇情谷｜女生沉迷學校老師心理學有解釋「父親饑餓」 導演火火自揭擁「戀母情意結」會嗲阿媽

由導演火火、吳若希（Jinny ）及曾展望（GM）三位谷主主持的《奇情谷》昨晚（4月15日）主題「師生戀」，據資料顯示本港去年共有71名老師被釘牌，按年大增24宗，除了干犯盜竊、虐兒、詐騙等相關罪行外，部份涉及與學生有超越師生關係的交往、與學生有不恰當的身體接觸等。昨晚賴慰玲擔任客席主持，暫代休假的吳若希，「奇情嘉賓」請來香港性文化學會事工總監鄭安然先生。他表示服務對象主要為中學生，不時會去學校開講座做分享。

賴慰玲擔任客席主持夥拍火火及GM。

賴慰玲擔任客席主持夥拍火火及GM。

「奇情嘉賓」請來香港性文化學會事工總監鄭安然。

鄭安然提到其中一個接觸個案，當事人為一名16歲女校學生，她戀上同校男老師，事件中的老師極攻心計，他說︰「佢會帶女生到異地旅遊，其中一個原因係阿Sir唔想撞到熟人，第二個原因係該地合法性交年齡，容許佢同位女生發生性行為。」三位谷主慨嘆該位阿Sir識玩。女生母親事後為囡囡轉校到男女校就讀，希望藉此改善女兒交友觀念。

昨晚主題「師生戀」。

可惜事與願違，該女生再度發展另一段師生戀，鄭安然表示經過深入瞭解後終於找出原因︰「原來位同學屋企結構有啲特別，佢媽咪30幾歲，屬於單親家庭，媽咪當年都係同老師發生關係生咗女女。」他表示解釋到女生沉迷學校老師的原因，他續說︰「心理學上有個名詞叫Father Hunger（父親饑餓），特別女仔成長時無咗爹哋嘅愛，就會好想搵年長男性；特別佢生父係做老師，好想渴望男性擁抱同愛，令佢有安全感同被保護嘅感覺，將父愛連繫到感情。」他補充女老師跟男學生的師生戀個案較少，一般都發生在較年長的女老師身上，他解釋︰「上咗年紀Miss同一啲後生、小鮮肉一齊，會令佢覺得自己年青咗。」

鄭安然分享其中一個接觸個案

此外，火火於節目中透露非常理解女生「戀父情意結」的心態，他笑言︰「我都係㗎，我揀嘅對象幾似我媽咪，無論樣貌同性格上。因為媽咪同我好close、好有愛。意識上搵個差唔多樣、類型都會得到愛。」火火曾在訪問中表示最難忘的一道菜，是生日時母親為自己煮的「一品鍋」，他還表示跟母親關係密切，今時今日仍會撓住媽咪撒嬌同傾心事。

火火在節目中透露非常理解女生「戀父情意結」的心態。

由導演火火、吳若希（Jinny ）及曾展望（GM）三位谷主主持，TVB Plus（82台）全新直播一小時節目《奇情谷》，逢周一晚9點半及周二晚9點35分播映，每集嘉賓的故事都會震碎各位三觀，對固有認知重新定義，走入一個誇張但真實的世界。

谷主火火、GM、吳若希及花生Girls葉靖儀（左一）、吳文懿（右一）。

昨晚（4月22日）主題「你揀我、我揀你、上流揀媳婦」，「奇情嘉賓」Vivian是另類港版「天王嫂訓練班」掌舵人。她專為有頭有面，但又不想張揚的上流社會人士物色門當戶對的對象。一身貴氣打扮的Vivian服務對象，為30歲以上月入十萬以上(年薪百萬)專業人士。除了配對還為客人打造配合身份的形象，她以火火為例說︰「就算你月入百萬，都會睇埋full picture啦，睇下係咪需要喺形象幫手啦，例如着衫、配襯同髮型呢方面。」Vivian補充會員要簽署法律文件證明單身，另外會有法律團隊作資產審查。

昨晚「奇情嘉賓」Vivian經營婚配公司。

Vivian表示有客人會對配對的另一半有特別要求，有不少有趣經歷分享，她說︰「呢個特別case係有個客鍾意睇女士腳踭，佢要求一定要好潤滑，最後都搵到匹配對象。亦有人特別要求整容樣。」她講到一單豪門貴婦為兒子找老婆的case，囝囝私底下表示要求找內地人做太太，Vivian說︰「搵到一位合適嘅女仔有鄉音、好有農村味，我哋有類似『天王嫂訓練班』嘅服務，同個女仔改造晒形象同言談，之後囝囝帶位女仔去見家長。」Vivian直言萬事俱備，惟一改變不到的是對方踎的習慣，卻想不到成為賣點，她續說︰「本身奶奶唔係咁鍾意女仔嘅包裝，但係見到佢食完飯執拾手尾，爭啲入廚房洗埋碗。之後仲要喺泳池踎喺度洗衫，佢以為係溪澗。奶奶從未見過咁得意嘅女仔，又見阿仔咁鍾意個女仔，終於成為白雪公主故事。」她補充不少豪門找媳婦都着重「好生養」，希望財富可以連綿延續。

Vivian曾為不少豪門及望族作婚配。

此外，節目中介紹西班牙超市速配交友法，於購物車內倒放菠蘿代表單身、放滿蔬菜表示想健康發展一段長期關係、如果放朱古力或者其他糖果，就代表純粹約炮。GM自爆求學時期有一間自修室有類似玩法，他眉飛色舞說︰「呢間自修室有『學界蘭桂坊』稱號，好多青年人去識朋友，方法係lunch time時間喺枱放一支筆，打開蓋代表available、合埋蓋表示occupied、無筆就係專心溫書喇。」GM笑言是該自修室特定文化，其餘未必適用。

GM於節目中介紹『學界蘭桂坊』。