關秀媚搭的士生圖曝光 與司機互動超有趣

現年59歲的關秀媚（Suki）參加香港小姐競選入行，憑《千王之王2000》成功入屋，奠定其「90年代性感女神」形象，她自2005年後逐漸淡出娛樂圈，直到去年積極經營社交平台與網民互動，近日有的士司機在分享偶遇關秀媚的經歷，狀態依舊的她私下真實人品被曝光。

在《黑馬王子》中飾演的「沙律」

以性感女神打響名堂

「90年代性感女神」關秀媚

港姐入行

該名司機在社交平台分享：「適逢有次揸特更，下晝四點咁上下係尖沙咀漢口道等緊燈位，見到對面有個女人向我揮手，心諗個樣咁熟口熟面，再睇真啲，我都幾肯定自己冇認錯人 。如是者離遠我就整咗個『OK』手勢，係呢位女客人上車之前，我已經諗好用咩開場白打招呼，如是者開始以下對話。」

分享經歷

對方一上車，司機哥哥就化身Fans大聲講出電影《千王之王2000》中的經典對白：「鑽石與黃金！唔及我一片真誠與真心！！！」關秀媚被逗笑問：「你幾多歲啊哥哥仔，你竟然會睇我啲戲？你80後㗎 」，司機哥哥回應：「作為多年化骨龍嘅忠實Fans嘅我，我細細個就睇你拍戲啦！精裝追女仔，龍在邊緣，知法犯法，黑馬王子，千王之王！！！離遠已經見到你啦沙律姐」最後兩人合照留念，司機還感歎女神相當親切有禮貌。

貼合照

「元祖晶女郎」關秀媚於1987年參選港姐入行，其後加入無綫電視發展，再轉戰電影圈，曾參演《賊王》、《千王之王2000》及《強姦終極篇之最後羔羊》等作品，憑性感形象成為不少影迷心中的女神。

1987年參選港姐入行

憑性感形象成為不少影迷心中的女神

她在2005年拍畢電影《黑白戰場》，翌年再拍內地劇《暴雨梨花》後，便宣布全面息影，之後多年幾乎神隱。直到近年她開始活躍於社交平台及圈中活動，更不時分享昔日娛樂圈往事，似乎有意復出。她亦曾自爆與細她7年的前演員男友李煒尚低調結婚又離婚，引起不少關注。

關秀媚近日拍片回憶當年入電影圈的經歷。她透露當年由筆名「技安」的著名編劇劉鎮偉邀請加入電影《霸王女福星》劇組，從而踏入影壇。之後她加入德寶電影公司，為了見偶像李連杰，更特意客串電影《鼠膽龍威》，亦曾客串過成龍的電影。

她又透露曾在《醉拳II》中做過梅艷芳的替身，原因是梅艷芳當時要趕拍其他戲份。關秀媚回憶當時的情況：「點解佢哋畀梅姐套衫我着嘅？我完全唔知，佢哋都冇話畀我聽，你陣間要做乜。」工作人員只叫她：「你跑啦，喺樓梯嗰度跑得㗎啦！」

關秀媚回憶當時的情況：「點解佢哋畀梅姐套衫我着嘅？我完全唔知，佢哋都冇話畀我聽，你陣間要做乜。」

她坦言當刻感到疑惑：「我係嚟做演員，點解會嚟咗做替身嘅？我有啲唔舒服！」幸好當時成龍出言安慰：「導演會記住你呀吓！」令她心情稍為釋懷，甚至被安排坐在「主家席」。

她坦言當刻感到疑惑：「我係嚟做演員，點解會嚟咗做替身嘅？我有啲唔舒服！」

早前關秀媚亦分享過在TVB時期的經歷。她表示當年最有壓力的是被安排加入長壽綜藝節目歡樂今宵，因為自己從未學過唱歌，但首次亮相就被安排唱歌：「他們第一次就叫我唱歌，我係一個從未學過唱歌嘅人，但結果我都完成咗任務，我就唱咗隻依家啲人仲叫我唱嘅《祝福》。」

不過她坦言始終難以適應綜藝節目的節奏：「我同監製講我想離開《歡樂今宵》得唔得，我話我唔係咁識處理同埋呢種搞笑，我未Get唔點樣去做。」她形容當時壓力非常大：「我覺得我直情好似傻咁企咗喺度，我唔識反應嗰個態度。」