謝霆鋒的《Evolution Nic Live進化演唱會》進入倒數階段，後日（4月24日）將強勢登陸啟德主場館，霆鋒除了是首位於啟德主場館開個唱的歌手，連意大利時尚品牌Gucci亦專登為霆鋒專屬訂製了兩款全球獨一無二的結他皮帶及接收器的皮套。
霆鋒開箱Gucci專登為他專屬訂製的結他皮帶及接收器的皮套。
設計共有兩款：一款係經典黑色牛皮革以窩釘綴飾，配合霆鋒rock爆風格；另一款則是用上時尚牛仔布面料配皮革並飾以窩釘，街頭味十足。
點擊看圖輯
霆鋒開箱Gucci專登為他專屬訂製的結他皮帶及接收器的皮套。
霆鋒又預告演唱會會帶齊幾支「愛將」結他，輪流上陣。
兩款的結他皮帶及接收器的皮套都是全球獨一無二。
兩款的結他皮帶及接收器的皮套都是全球獨一無二。
霆鋒都愛不釋手。
日前霆鋒拍攝開箱片跟大家分享，又預告演唱會會帶齊幾支「愛將」結他，輪流上陣，「我諗我成個演唱會最貼身嘅都未必係結他帶，因為我有好幾支結他會用，所以都會換結他帶。但係最貼身一定係呢一樣嘢，就係耳機接收器，而呢個接收器係需要一個袋，因為呢樣嘢冇得再換。因為喺我側邊嘅band，無論我自己，或者係Carl 叔叔嘅bass，我哋都係移動，所以我哋係好少插線。因為Gucci無呢樣產品，所以今次可以特登幫我做呢樣嘢，好開心。」
霆鋒又預告演唱會會帶齊幾支「愛將」結他，輪流上陣。
影片截圖
影片截圖
謝霆鋒昨日（4月2日）受香港大學未來媒體學院邀請，出席「創意．娛樂．創業：鋒味創新融匯」主題講座，跟大家探討他橫跨演藝、餐飲、科技、商業等多個領域的歷程及創新思考。講座以對談形式進行，由該學院總監及教授（實務）楊紫燁（Professor Ruby Yang）跟霆鋒對談，後設有問答環節，讓霆鋒答現場同學問題回。
謝霆鋒受香大未來媒體學院邀請，出席「創意．娛樂．創業：鋒味創新融匯」主題講座。
講座上，霆鋒透露自己在不同範疇的思考模式十分相似，尤其在創意方面。他舉例：「對我嚟講，寫歌嘅第一步係先收集音符；準備一道菜嘅話，就需要先收集食材，然後一步步諗點樣搭配。」他進一步解釋，第二步就是確定想做甚麼風格或菜系，「煮嘢食嘅話，你會問自己：『我想做福建菜定係泰菜？定係想做麻辣風味？』音樂方面就係揀邊種類型，你想做 Heavy Metal、Rock 定係 Jazz？呢一步就好似揀定個大方向，之後從中再發揮。成個思維路徑都係一脈相承。」
謝霆鋒
霆鋒特別提到歌曲《推倒重來》並有感而發，指現今正處於文化、科技與人性的交匯點，AI發展速度指數級增長，幾乎每星期都有新突破，令所有事情都要「推倒重來」。他更觀察到，就連價值觀也正在被挑戰：「以前大人教我哋要努力工作、努力讀書先有美好未來，但而家有人話工作只係其中一個options , 甚至未來可能根本冇工做。咁我哋仲點解要咁努力工作？呢個就係價值觀被重新審視、改變嘅過程。」
謝霆鋒
霆鋒又自爆一個十多年前被視為「黐線」的想法。他指自己曾營運電腦特效公司，經常掃描自己的樣貌製作數碼版本。有次掃描時突然靈機一觸，跟經理人Mani說：「如果英皇娛樂十年後想繼續成功經營藝人管理部門，每個藝人都應該好似我咁樣scan自己個樣。」說到這裏，坐在旁邊的Professor Yang突然拿出電話對準他拍照，並說：「呢個係Best View！」哄得全場大笑，就連霆鋒也忍不住笑起上來，隨後霆鋒建議掃描不同年齡階段的藝人，例如20到30歲的謝霆鋒和容祖兒，然後將數碼形象進行數位授權。
謝霆鋒
霆鋒解釋：「我相信十年後、十五年後，人類已經唔需要再親自出鏡去拍廣告、拍電影。你諗吓，我拍好多動作電影，嗰啲場面連買保險都有困難。如果可以用數碼形象代替，就解決咗好多問題。」他認為這個做法同樣適用於運動員，讓他們毋須擔心受傷或體能限制。
謝霆鋒
回想當年，霆鋒笑說：「當然，十幾年前我講呢啲說話嘅時候，所有人都覺得我好黐線。」但他指出，時至今日大家已經歷NFT、Blockchain等概念洗禮，技術上完全做到。他認為現在只差一步：「關鍵就係要睇吓邊個願意做嗰隻白老鼠，第一個去嘗試呢個新方向。」言下之意，這個當年被視為天方夜譚的構想，隨時可能成為娛樂圈的未來趨勢。
謝霆鋒
最後，霆鋒寄語大家：「當然大家要去擁抱、接受同埋點樣利用AI呢個科技，其實講到尾最令你嘅難忘、最設身處地嘅嘢，就係要有自己嘅Experience。」
