《奇情谷》港產AV Choco即席邀火火GM做男優 Dindin與粉絲成情人重塑火辣劇情

由導演火火、吳若希（Jinny ）及曾展望（GM）三位谷主主持，TVB Plus（82台）全新直播一小時節目《奇情谷》，逢周一晚9點半及周二晚9點35分播映，每集嘉賓的故事都會震碎各位三觀，對固有認知重新定義，走入一個誇張但真實的世界。

三位谷主火火、GM、吳若希跟嘉賓Dindin（左三）同Choco（左四）。

三位谷主火火、GM、吳若希跟嘉賓Dindin（左三）同Choco（左四）。

「奇情嘉賓」請來港產AV女優Dindin（左）同Choco（右）。

「奇情嘉賓」請來港產AV女優Dindin（左）同Choco（右）。

「奇情嘉賓」請來港產AV女優Dindin（左）同Choco（右）。

4月21日的主題「AV女優的愛與慾」，無論你是否「愛情動作片」愛好者，普羅大眾都會好有興趣知道「拍AV是否咁好搵」、「屋企人是否知情及同意」，「女優的真實性生活」同「點解會入行」。兩位現役女優Choco同Dindin以「奇情嘉賓」身份現身說法。Choco由網紅投身AV行列時，已有一位固定男友。對方亦知道自己的職業，Choco透露由始至終男友只抗拒一件事，她笑說︰「佢介意我用對腳去serve人。」她表示過程中難免跟男優會觸碰到雙腳，最終解決方法是拒絕男友看自己的作品，吳若希笑言︰「其實你男友有戀腳癖。」Choco直言拍過不少AV題材，惟獨沒拍過「時間停止」及「透明人間」，她解釋︰「『時間停止』好考男演員演技，仲未搵到合適人選。」接住她邀請身邊兩位男谷主擔綱演出，她說︰「你估你哋勝唔勝任到？」非常大膽。她補充「透明人間」試戲時已笑料百出，因此拍不成。她講到最蝦碌事件，是一take完事後，才驚覺攝影師竟然沒有開機。

「奇情嘉賓」請來港產AV女優Dindin（左）同Choco（右）。

「奇情嘉賓」請來港產AV女優Dindin（左）同Choco（右）。

三位谷主都對AV工作很感興趣。

三位谷主都對AV工作很感興趣。

GM發現女友人拍AV感覺震驚。

Dindin同樣網紅出身，她經由Choco邀請入行，原來二人為小學同學，她說︰「係佢提議我入行拍片，嗰時男友連我做KOL都接受唔到，因為唔想我畀其他男人睇，之後拍埋愛情動作片就分手。」接住Dindin跟一名聲稱單身的男粉絲交往，初見面便發生關係。Dindin之後發現對方竟有女朋友，但當時她已經沉船，並表示自願當小三。三人行關係發展了一段時間後，Dindin決定斬纜︰「有時前後腳撞到佢女朋友，個感覺好酸，心想點解仲要忍落去，咁委屈自己。」Dindin透露跟該名粉絲交往的趣聞，她透露︰「有時講起拍片情節，佢會要求做返喺佢身上。」此外，GM驚爆身邊女友人竟然是AV女優，發現那一刻真的很爆，他語帶興奮說︰「無意之間發現女仔friend拍AV，係朋友間send來send去發現。就好似你喺色情網站，竟然發現有我嘅片一樣，赤裸裸無着衫坐你面前。」他表示之後朋友聚會見到該女士時，一班知情男士都露出古怪神情，GM說︰「你睇咗佢全相，個感覺有啲似追星，又好似夢中情人陪過你，感覺好複雜。」

一共十五集的無綫綜藝節目《試真D》逢星期一至五晚上 10 時 30 分翡翠台播映，節目由江美儀、周嘉洛、朱敏瀚（朱仔）、吳業坤及GM合作擔任主持。

GM對於臭屁醋嘅呢個反應真係好好笑。

朱仔係打足底去嘅。

齋聽Comment，GM已嚇到三魂唔見咗七魄。

GM真係反應彈嚟。

由於本住「試真D」精神的五位主持、自節目開播以來給出大量均真兼有話實說的良心食評，加上由江美儀帶隊的「試伏團」實測方法夠晒專業多元之餘，亦甚有「浸沉式」效果，成功引爆話題之餘，亦獲內地及香港網民熱捧為飲食版《東張西望》。

美儀姐真係一嘢就將啲臭屁醋擺近個鼻嚟聞，真係烈女不怕死。

朱仔被發現口不對心。

三人試食後反應各有不同，美儀姐係有嘢覺得好好味嘅。

佢哋食完之後要噴番香件衫，但聽講最後點噴都係臭。

今晚（4月23日）一集，三位主持將繼續捨身潛入疑似「問題食店」進行地顫式實測，包括被指控「海鮮唔新鮮」兼進食環境欠衛生的蠔店、盛傳食完全身會布滿屎味的三水名物「臭屁醋」，以及食物組合新奇又刺激的奇味壽司店！先說蠔店，三人甫抵達已見到有唔少蒼蠅、加上到處皆是未執拾的碗碟，及有垃圾堆在食桌附近，三位主持馬上放棄室外進食、改為步入店內繼續實測。

今晚一集嘅重頭戲，係佢哋地顫式實測呢間劣評餐廳。

有好多環境Shot

有好多環境Shot

步進店家後，三人即驚揭店員以同一部運輸機、同時運送廚餘／垃圾及新鮮出爐海鮮，嚇到GM連說了三次「好Kick喎」；三人又發現叫價88蚊人仔的店家招牌珍寶蠔、上碟時竟依然識得郁（即係未煮熟），嚇到出名淡定的美儀姐也頓時花容失色宣布「舉白旗」，最終由一度想「逃離食店」的朱仔捨身成仁、自告奮勇鯨吞「半生熟蠔」，到底朱仔食完會點？而除了熟食竟然「生勾勾」，朱仔在四出查探期間還發現阿姐的開蠔過程雖然認真，但其使用配套的衛生程度卻令人咋舌，其中一個步驟更叫美儀姐見到後大叫了三聲「吓！」，想知三人到底經歷了甚麼事，就要密切留意節目。

又專登睇住阿姐點處理隻蒸好嘅蠔。

但驚嚇在隻蒸完一輪嘅蠔仲係生勾勾，嚇到美儀姐舉白旗。

但朱仔為咗節目，都係決定啪入口，真心勁。

佢哋又驚揭店家運垃圾同煮好嘅食物係用埋同一部機。

佢哋又驚揭店家運垃圾同煮好嘅食物係用埋同一部機。

雖然環境咁樣，但美儀姐照貨真價實咁試食，一啲都唔錫身。

有機會令人一試上癮的極臭「臭屁醋」
另三人挑戰以「腐敗酸臭」馳名的「三水臭屁醋」過程也是令人捧腹，由於網民揚言：「食完好似喺屎坑食完飯出嚟咁」、「吃完衣服都不能要了」，朱仔出發前做足準備，除戴上口罩，還塞定兩張紙巾入鼻逼自己閉氣，十分搞笑。至於出名「浮誇」的GM，未步入食店已多次出現作嘔狀態，相當爆笑！而最公道的美儀姐則謂：「戴住口罩都聞到」、「陣味係哽架喎！」而本著求真精神，三人還到了食店的製醋現場進行實測，美儀為了幫觀眾試真D，毋懼惡臭直接將醋筆近鼻子猛索之餘、又即場點了少少放入口，極盡敬業！雖然「臭屁醋」陣味如此難頂，但三位主持依然照食如儀，結果美儀姐一度驚現心心眼表情之餘、朱仔更被爆暴風吸入食物，並狂指經「臭屁醋」煮完的食物會「變異」，並指「臭屁醋」有機會一試上癮，欲知詳情，都係要留意節目。

呢間「奇味壽司店」，好食同唔好食反應可以爭好遠，係咪好好奇呢？

GM被震撼到紅都面晒。

至於奇味壽司店都一樣精彩，三位先後品嚐了柚皮鵝肝、蔥燒黃油花膠、百香果鮑魚（果汁橡皮糖）、豬腦、山楂扣肉、芋泥及蔓越莓開心果牛肉等不同口味壽司，離奇的是，有些款式食到三人連聲讚嘆、美儀姐更一度合十雙手表示感恩；但有些款式卻食到三人懷疑人生，其中GM更因一道「XX壽司」難受到紅都面晒，到底咩壽司咁有威力呢？