男子港鐵站用大膠樽裝免費水遭公審 網斥：洗唔洗去到咁盡

為了方便有自備水樽的市民，可以補充飲用水，港鐵現在36個車站都設有飲水機。但日前就有網民目睹有男子竟帶同購物車及大膠樽，在某港鐵站的飲水機裝免費飲用水，網民深感不忿，影低相並放上網公審。

有網民目睹有男子竟帶同購物車及大膠樽，在某港鐵站的飲水機裝免費飲用水。網上圖片

樓主斥：為咗慳錢，喺地鐵攞水咁都得？

網民在社交平台threads 發文並貼相，斥相中男子「為咗慳錢，喺地鐵攞水咁都得。」只見男子帶同購物車站在某地鐵站的飲水機旁，而水機正放着一個大膠樽，男子似是正等候膠樽入滿水。

港鐵早於2022年起於16個港鐵站增設飲水機。網上圖片

網批影響左真正有需要既人

有不少網友見帖都批評男子濫用水機設施「會唔會太cheap」、「洗唔洗去到咁盡」、「又玩爛一樣福利」、「遲早免費供水機都會消失」、「玩爛咗，遲啲可能要搞到要拍八達通，仲要每天只可以取一次」、「佢咁做法咪影響左真正有需要既人囉」、「人哋畀啲水你方便無水時飲，你裝成桶嚟帶走拎去第二到？」

有網友擔心該名男子的行為影響真正有需要的人士。網上圖片

有人力撐：無人用佢用有咩問題

但亦有網友力撐男子，認為行為並無不妥「你可以話肉酸，但其實我睇唔到有咩問題，咁人哋就係畀人裝水㗎嘛，佢又唔係阻到其他人裝，整件事亦無違反設置水機嘅目的」、「可能佢屋企冇水呢」、「無人用佢用有咩問題」、「有陣時唔了解對方情況，就唔洗講太多，有需要咪攞」、「如果佢攞完去倒就要鬧，但如果佢有需要/要慳錢拎去飲咪攞」、「佢覺得咁樣托幾支水返屋企係開心過交水費嘅，有咩問題？」、「你話後面有一堆人排緊隊就話啫，無人排緊我唔覺得有咩問題」。

港鐵全綫現時已合共有36個站有提供免費飲用水。網上圖片

港鐵現有36個站設飲水機

為支持環保，並提升乘客整體的乘車體驗，港鐵早於2022年起於16個港鐵站增設飲水機。港鐵全綫現時已合共有36個站有提供免費飲用水。

港鐵全綫現時已合共有36個站有提供免費飲用水。網上圖片

港鐵全綫現時已合共有36個站有提供免費飲用水。網上圖片

有網民近日在社交平台發出圖文，指在港鐵車廂內一名女子攜帶粉紅色壓縮氣體罐，而身旁乘客均在低頭看手機，無人制止。帖文引發網上熱烈討論，有人驚呼「超危險想一鑊熟咩」、「好爆炸性！」，並猜測罐內可能是氦氣或雪種。

網民上傳的照片顯示，一名戴白色鴨舌帽的女乘客雙腳之間放了1個粉紅色壓縮氣體罐，身旁還坐了多名乘客，但各人皆低頭看手機，無人制止。

港鐵「Rapper」職員Hinson網上走紅。網上短片截圖

帖文引來網上走紅的港鐵「Rapper」職員Hinson加入討論。他提醒市民，若發現有乘客攜帶危險品進入鐵路範圍，可致電同一路線上任何一個車站的電話，聯絡車站職員上車處理。若情況緊急或可能對其他乘客造成生命危險，則可拉動車門上方的緊急通話器，立即通知車長，由下一個站的職員即時跟進。

他又指，車站及車內雖然有閉路電視作即時監察及錄影調查用，但是一對人眼是不可能在同一時間監視到所有鏡頭的，還是需要靠乘客協助舉報及提供位置，以便職員盡快將其帶出鐵路範圍。

圖片引來不少網民回應。「在帶把打火機，就可以變成中東老鄉會」、「超危險想一鑊熟咩」、「坐喺隔離果幾個……好冷靜咁喎，比著我一定跳掣」；亦有人開玩笑說「唔會係巴黎世家2046年手袋」。

網民在社交平台發出圖文，指在港鐵車廂內一名女子攜帶粉紅色壓縮氣體罐。Threads@henry_lee2047圖片

根據《港鐵附例》第39條，除獲港鐵公司妥為授權的人員外，任何人不得攜帶受《危險品條例》的條文所規限的物質或其他東西進入鐵路處所的任何部分。若違反規例，最高處罰為罰款5000港元及監禁6個月。