男子港鐵站用大膠樽裝免費水遭公審 網斥：洗唔洗去到咁盡

為了方便有自備水樽的市民，可以補充飲用水，港鐵現在36個車站都設有飲水機。但日前就有網民目睹有男子竟帶同購物車及大膠樽，在某港鐵站的飲水機裝免費飲用水，網民深感不忿，影低相並放上網公審。

有網民目睹有男子竟帶同購物車及大膠樽，在某港鐵站的飲水機裝免費飲用水。網上圖片

樓主斥：為咗慳錢，喺地鐵攞水咁都得？

網民在社交平台threads 發文並貼相，斥相中男子「為咗慳錢，喺地鐵攞水咁都得。」只見男子帶同購物車站在某地鐵站的飲水機旁，而水機正放着一個大膠樽，男子似是正等候膠樽入滿水。

港鐵早於2022年起於16個港鐵站增設飲水機。網上圖片

網批影響左真正有需要既人

有不少網友見帖都批評男子濫用水機設施「會唔會太cheap」、「洗唔洗去到咁盡」、「又玩爛一樣福利」、「遲早免費供水機都會消失」、「玩爛咗，遲啲可能要搞到要拍八達通，仲要每天只可以取一次」、「佢咁做法咪影響左真正有需要既人囉」、「人哋畀啲水你方便無水時飲，你裝成桶嚟帶走拎去第二到？」

有網友擔心該名男子的行為影響真正有需要的人士。網上圖片

有人力撐：無人用佢用有咩問題

但亦有網友力撐男子，認為行為並無不妥「你可以話肉酸，但其實我睇唔到有咩問題，咁人哋就係畀人裝水㗎嘛，佢又唔係阻到其他人裝，整件事亦無違反設置水機嘅目的」、「可能佢屋企冇水呢」、「無人用佢用有咩問題」、「有陣時唔了解對方情況，就唔洗講太多，有需要咪攞」、「如果佢攞完去倒就要鬧，但如果佢有需要/要慳錢拎去飲咪攞」、「佢覺得咁樣托幾支水返屋企係開心過交水費嘅，有咩問題？」、「你話後面有一堆人排緊隊就話啫，無人排緊我唔覺得有咩問題」。

港鐵全綫現時已合共有36個站有提供免費飲用水。網上圖片

港鐵現有36個站設飲水機

為支持環保，並提升乘客整體的乘車體驗，港鐵早於2022年起於16個港鐵站增設飲水機。港鐵全綫現時已合共有36個站有提供免費飲用水。

港鐵全綫現時已合共有36個站有提供免費飲用水。網上圖片

港鐵全綫現時已合共有36個站有提供免費飲用水。網上圖片

日本AV界代表人物蒼井空，是不少男士心目中的女神。近日就有網民在一間茶餐廳的餐牌上發現有一個名為「蒼井老師」的午市客飯，還奉送白飯、油菜及老火靚湯，難到是專為男士而設的菜式？令他十分疑惑又覺得好有趣。

日本AV界代表人物蒼井空，是不少男士心目中的女神。 網上圖片

客飯名聯想到AV界代表蒼井空

網民在社交平台分享照片，顯示某茶餐廳外的的午市餐牌，列出了七樣A至G售價60元的午市客飯，分別有蒼井老師、海蟹蒸肉餅、四川回鍋肉、陽光脯照、柱候蘿蔔炆牛腩、茅山炭燒脆皮雞、豉椒肉片炒麵，而但其中最吸睛的是A餐的「蒼井老師」，令他大惑不解。因為「蒼井」二字令人很容易就聯想到現已退役，但曾在日本AV界叱吒一時的蒼井空，因此問到「請問A餐究竟係賣啲乜？」

有網民在一間茶餐廳的餐牌上發現有一個名為「蒼井老師」的午市客飯，覺得十分疑惑又好有趣。網上圖片

網民估：有蒼字應該是魚

帖文一出即引來不少網民關注，有人嘗試解開迷團，「有蒼字應該是魚」、「我諗係䱽魚啲friend」、「蒼(魚)井(蒸)老師(豉)，豆豉蒸䱽魚」，亦有網民留意到另一得意的客飯名稱「陽光脯照又係咩？」。

餐廳不時在菜式名稱上花心思

原來該餐廳不時在餐牌上花心思，創作有新意的菜式名稱，由網上找到的另一餐牌顯示，原來所謂的「蒼井老師」和「陽光脯照」是指「豉汁蒸䱽魚」及「豆角菜脯肉碎煎蛋」，網民都大讚「啲菜式好有趣」、「請問呢間茶記嘅地址喺邊？」。

原來所謂的「蒼井老師」和「陽光脯照」是指「豉汁蒸䱽魚」及「豆角菜脯肉碎煎蛋」。網上圖片

不滿餐廳起餸名有性意味

亦有熟客透露餐廳其他有趣的得意之作如「間中佢仲會有非洲雞（豉油雞）」，「柱男玩蛋蛋」、「翻雲覆魚」、「咸濕百腐」、「Fans呱呱叫」、「安鄉咸香雞」等，不過就有網民不滿餐廳起的餐名帶有性意味，「X你個街，食餐飯都要猜燈謎」、「OnX當有趣menu」。

網上圖片

網上圖片

網上圖片