黃淑蔓邀請麗英為DSE考生開Live大唱動漫medley 期待合作炮製港版J Rock

寰亞音樂MediaAsia Music與KK Box聯手炮製的網上節目「DSE 一定要得！」，由「寰亞孻女」黃淑蔓（Feanna）每個星期邀請不同歌手朋友前來參與，新一集嘉賓有來自「小薯茄」的麗英。

黃淑蔓（Feanna）邀請麗英為DSE考生開Live。

Feanna與麗英喜好相近，喜歡日本文化、愛看動漫、會說日語，私底下溝通會用日文交談，難怪Feanna會邀請麗英前來「DSE 一定要得！」，以歌聲齊齊為考生打氣。

「我一直都好想同麗英唱歌，早排我哋一齊拍咗條片放上社交網站，係麗英將我嘅新歌《留在你在我在的腦海》，改咗日文歌詞，我哋一齊合唱。」Feanna說。

以歌聲齊齊為考生打氣！

Feanna包辦填詞滿足歌迷合唱要求。

既然智趣相投，當晚Live的曲目，全都是她們的心水歌曲，除了合唱日本天團YOASOBI的《群青》，更有動漫medley，Feanna說：「今次揀歌真係好頭痛，因為太多歌想唱，最後俾人band，唔准再揀，因為個Live唔可以太長，已經做咗三集『DSE 一定要得！』，今次係我第一次覺得唔夠喉，點解會冇晒歌唱？」 在旁的麗英也有同感：「我覺得時間過得太快囉，要開多兩三集俾我哋唱動漫medley。」

Feanna與麗英對動漫歌瞭如指掌。

當晚Feanna跟麗英連氣唱出《動物橫町》、《長腿叔叔》、《美少女戰士》、《鋼之鍊金術師》，以及壓軸的《多啦A夢》等等大熱動漫歌曲，兩人一邊唱歌，一邊做動作，非常合拍，難怪有考生留言，希望兩人可以合作出歌，對此麗英馬上想出合作大計：「我哋聽開咁多動漫歌，全部都係J Rock Style，好多fans想我哋有合唱歌，我諗一定係唱J Rock囉！就咁話，呢件事刻不容緩。」Feanna亦有提意：「雖然係唱J Rock，但會係一首廣東話歌，中間穿插日文，由我同麗英一齊填日文歌詞，咁就最開心，好嘞！已經諗完，可以開始著手做。」

既然兩人對動漫歌瞭如指掌，問她們會用那一首動漫歌曲向DSE考生打氣，兩人同樣想起《ONE PIECE》海賊王，還一起用日文唱出主題曲《We Are！》接著麗英更搞笑地說：「你哋條路有排呀！one piece，同埋你條校裙都係one piece！」麗英的頭腦急轉彎，令旁邊的Feanna哭笑不得，笑言難怪麗英能夠成為小薯茄的猛將。

兩人私底下溝通會用日文交談。

「寰亞孻女」黃淑蔓（Feanna）愛惜小動物，關心流浪毛孩，得知「大樹下善待動物庇護站」面臨資金告急，需要大眾捐款維持日常營運與緊急救援，日前她與Fans帶著貓狗糧食，以及公司同事集資的利是錢，到「大樹下」做義工。呼籲領養代替購買、一次過捐款、每月捐款或助養計劃等，集腋成裘，幫助「大樹下」營運，改善毛孩生活。

「寰亞孻女」黃淑蔓（Feanna）日前與粉絲帶同貓狗糧食及利是錢，到「大樹下善待動物庇護站」做義工。

Feanna說：「今日好有意義，我同Fans一齊到『大樹下』做動物義工，呢度照顧超過一百隻貓狗，每日嘅食物和醫療開支都好大。透過義工Joey，我哋了解每隻狗狗嘅故事。」Feanna與Fans替狗狗梳毛和餵食，期間被熱情的狗狗「抱抱」索吻，笑言：「無諗過我嘅螢幕初吻係畀咗狗仔，佢嘅熱情同埋衝擊，殺我一個措手不及，佢真係好可愛。」

她坦言自小已想養狗，但強調領養是一生一世的責任，呼籲大眾有錢出錢、有力出力，幫助「大樹下」繼續營運，改善逾百隻毛孩的生活。

之後Feanna與Fans帶著零食去「貓舍」，當她坐在梳化上，貓貓立即湧上前討抱，其中一隻成功伏在她大腿上的貓咪，更出手打其他貓要獨霸Feanna，Feanna立即控制場面，左擁右抱。她笑言有少少「出軌」的感覺，說：「唔知返到屋企兩隻貓聞到我身上有其他貓狗味道，會唔會好嬲？剛才入到貓舍，感覺嗰度就係屬於我嘅地方，一入去坐低，啲貓貓就衝晒埋嚟，要我哋摸摸同埋拍Pat Pat，其實貓狗都好需要人陪伴。」之後她在衣服上發現一條貓鬚，說：「聽講對住執到嘅貓鬚許願好靈驗，我希望所有貓狗都可以幸福健康！」

Feanna與粉絲替狗狗梳毛餵食期間，被熱情狗狗「抱抱」索吻。

Feanna早前因為嚮往貓咪無拘無束的性格，而創作新歌《喵！》，問她會為狗狗寫歌嗎？她說：「如果我要寫一首關於狗狗嘅歌，可能要等我真係養咗狗先。其實我由細到大都好想養狗，但要做個有責任嘅主人，每日帶佢落街散步、居住嘅地方，同埋經濟狀況穩定，我先至可以再養多一隻新嘅動物，領養前三思，係一生一世嘅責任，諗清楚先至帶佢哋返屋企。」

她笑言：「無諗過我嘅螢幕初吻係畀咗狗仔。」

雖然未必每個人都可以在家裏養貓狗，Feanna建議可參加「助養計劃」，她說：「每一隻狗仔都有佢嘅身世故事、身體狀況，『大樹下』好需要大家支持和捐款，至可以繼續營運落去。有養寵物都知道醫療費用真係好龐大，希望大家有錢出錢，有力出力。」

其後轉到貓舍，她甫坐下即有貓貓湧上大腿討抱，其中一隻更出手打其他貓要獨霸Feanna，場面搞笑。