第43屆香港電影金像獎圓滿結束，劉青雲憑《爸爸》第四度榮獲影帝殊榮，接受採訪時他透露拍攝時有很多預期之外的事發生，因為無論自己怎樣想，在真正拍攝的時候感覺又會有些不一樣，「我試過拍一場戲係我自己覺得係預料唔到，就係揀啲衫，邊件衣服應該攞去陪葬、邊件衣服應該係留底畀自己去紀念。」他一直知道這場戲不容易，但其實比他想像中困難很多，「如果你好錫嗰個人嘅時候，佢好鍾意呢件衫，咁呢件衫應該陪住佢，定係應該陪住自己，咁原來會產生一個好複雜嘅情感。」
劉青雲憑《爸爸》第四度榮獲最佳男主角。
青雲在台上有特別多謝那一位「爸爸」，問到他在拍完後會否對關於精神健康的問題有更加多的認識或看法？他表示：「其實好久之前我已經睇過一啲關於呢方面嘅書籍，我覺得係一個很好困難嘅事，點解儠一個好困難嘅事呢？大家係電影上面睇到就覺得係咁樣，但當現實生活發生嘅時候，如果呢個屋企係你屋企隔離，咁你又會有唔同嘅看法，我覺得呢個係一個好難解說、好難去解決，即係大家要很寬容地去面對嗰件事，嗰件事先會有一個轉機，而歧視呢樣嘢呢，我個人相信不嬲都存在係香港，唔單止係呢個世界，其實香港都有關於呢方面嘅歧視，我覺得我哋好難去話畀大家聽應該點樣去做嗰件事，但係希望大家透過電影或者透過其他嘅渠道，清楚多啲了解，讓自己寬容一啲先，讓自己去面對呢方面嘅人士寬容一啲先，當然啦講係好容易做就好困難，但係我覺得始終要有個開始。」
本網記者攝
今次是青雲第四次奪得金像獎最佳男主角，問到這個獎對他來說還有什麼新鮮感？他表示：「其實是好有新鮮感嘅，我唔怕話畀大家聽，頭先我上台嘅時候係好緊張，我諗攞獎呢樣嘢就係咁奇妙，我都覺得好緊張，咁我又睇到之前好多演員攞獎很感動，其實大家可以睇到，佢地每個人，即係每個演員係自己嘅電影裏面、自己嘅角色係付出咗好大嘅努力，所以你睇到佢地係真情流露嘅呢一刻，係好令我覺得感動，而呢個獎畀我最重要嘅事就係佢提醒咗我有幾咁幸運。」
本網記者攝
提到劇中兒子蘇文濤及太太谷祖琳先得都奪得最佳新演員和最佳女配角，青雲表示：「其實我心裏面諗係我覺得係大功告成㗎啦，即係好似件事已經：「好啦！搞掂咗啦！走得㗎啦！點解仲要坐喺度？』即係真係有個覺得已經係完成咗個心願囉，因為阿仔其實係付出咗好多，真係好努力啦，特別係谷祖琳，其實佢喺部戲裡面係付出咗好大，因為佢係兩個女兒嘅媽媽，咁大家都明白原來女性係電影上始終都有一啲比較禁忌嘅嘢，但係我覺得谷祖琳係演出嘅時候，真係完全將自己放係一個角色裏面，佢嘅演出係好值得我尊重，所以佢攞獎嘅時候，我亦都覺得好開心！」
本網記者攝
問到太太郭藹明？青雲指劉太非常深閨，現時主要負責幕後的工作，笑言雖然她今日沒有出席，但影子在台前，因為她有為他今天的打扮付出了部分努力，「有時我成日都講笑話佢唔理我，其實佢唔係唔理我，有時我地會係附近酒店租間房，佢就係房度打點一切，換衫乜乜乜乜都係佢，有時我只不過係頑皮一啲，就話佢唔理我，其實她點會唔理我。」
本網記者攝
