謝霆鋒尾場騷前與兩子共進午餐 三父子互動勁溫馨

謝霆鋒一連四場《Evolution Nic Live進化演唱會》連日來成全城熱話，除獲女友王菲、老友陳奕迅捧場外，更驚喜見到霆鋒兩位囝囝17歲謝振軒（Lucas）及14歲謝振南（Quintus）現身，成網民討論焦點。

霆鋒演唱會近日來掀全城熱話

Lucas與Quintus連續兩晚入場，無戴口罩以真面目示人，完美複製父母神顔值。兩兄弟面對熱情的觀眾及粉絲亦非常有禮，親切打招呼回應，甚至大方任影，教養獲一致讚賞。

第三場就有謝霆鋒的18歲大仔Lucas及15歲細仔Quintus。

Lucas全程不停微笑揮手。

雖然兩兄弟日常跟隨媽咪張栢芝生活，但與霆鋒感情依然深厚，不時一齊去滑雪。尾場開騷前，更被拍到霆鋒特別抽空帶Lucas與Quintus在啟德零售館食肆共進午餐。雖然當時霆鋒戴上口罩低調現身，但仍然惹起全場騷動，現場歌迷大唱《玉蝴蝶》歡迎偶像。同行的Lucas主動有禮地向粉絲打招呼，而Quintus就稍顯腼腆。

三父子不時都會出外遊玩、滑雪等

用餐期間，三父子相對而坐，邊食邊談，Lucas與Quintus並排坐着，專心聆聽老竇分享，時而點頭微笑，而向來酷爆的霆鋒亦頻頻露出慈父笑容，畫面滿滿暖意。三父子高顏值同框，更被網民大讚「帥到發光」、「有教養又有愛」。

三父子同框畫面溫馨

兩兄弟專心聽爸爸說話

Lucas主動有禮地向粉絲打招呼，而Quintus就稍顯腼腆

三父子有說有笑

兩兄弟都好靚仔

Lucas 神顏值

Quintus身形較健碩

謝霆鋒昨日（4月2日）受香港大學未來媒體學院邀請，出席「創意．娛樂．創業：鋒味創新融匯」主題講座，跟大家探討他橫跨演藝、餐飲、科技、商業等多個領域的歷程及創新思考。講座以對談形式進行，由該學院總監及教授（實務）楊紫燁（Professor Ruby Yang）跟霆鋒對談，後設有問答環節，讓霆鋒答現場同學問題回。

謝霆鋒受香大未來媒體學院邀請，出席「創意．娛樂．創業：鋒味創新融匯」主題講座。

講座上，霆鋒透露自己在不同範疇的思考模式十分相似，尤其在創意方面。他舉例：「對我嚟講，寫歌嘅第一步係先收集音符；準備一道菜嘅話，就需要先收集食材，然後一步步諗點樣搭配。」他進一步解釋，第二步就是確定想做甚麼風格或菜系，「煮嘢食嘅話，你會問自己：『我想做福建菜定係泰菜？定係想做麻辣風味？』音樂方面就係揀邊種類型，你想做 Heavy Metal、Rock 定係 Jazz？呢一步就好似揀定個大方向，之後從中再發揮。成個思維路徑都係一脈相承。」

謝霆鋒

霆鋒特別提到歌曲《推倒重來》並有感而發，指現今正處於文化、科技與人性的交匯點，AI發展速度指數級增長，幾乎每星期都有新突破，令所有事情都要「推倒重來」。他更觀察到，就連價值觀也正在被挑戰：「以前大人教我哋要努力工作、努力讀書先有美好未來，但而家有人話工作只係其中一個options , 甚至未來可能根本冇工做。咁我哋仲點解要咁努力工作？呢個就係價值觀被重新審視、改變嘅過程。」

謝霆鋒

霆鋒又自爆一個十多年前被視為「黐線」的想法。他指自己曾營運電腦特效公司，經常掃描自己的樣貌製作數碼版本。有次掃描時突然靈機一觸，跟經理人Mani說：「如果英皇娛樂十年後想繼續成功經營藝人管理部門，每個藝人都應該好似我咁樣scan自己個樣。」說到這裏，坐在旁邊的Professor Yang突然拿出電話對準他拍照，並說：「呢個係Best View！」哄得全場大笑，就連霆鋒也忍不住笑起上來，隨後霆鋒建議掃描不同年齡階段的藝人，例如20到30歲的謝霆鋒和容祖兒，然後將數碼形象進行數位授權。

謝霆鋒

霆鋒解釋：「我相信十年後、十五年後，人類已經唔需要再親自出鏡去拍廣告、拍電影。你諗吓，我拍好多動作電影，嗰啲場面連買保險都有困難。如果可以用數碼形象代替，就解決咗好多問題。」他認為這個做法同樣適用於運動員，讓他們毋須擔心受傷或體能限制。

謝霆鋒

回想當年，霆鋒笑說：「當然，十幾年前我講呢啲說話嘅時候，所有人都覺得我好黐線。」但他指出，時至今日大家已經歷NFT、Blockchain等概念洗禮，技術上完全做到。他認為現在只差一步：「關鍵就係要睇吓邊個願意做嗰隻白老鼠，第一個去嘗試呢個新方向。」言下之意，這個當年被視為天方夜譚的構想，隨時可能成為娛樂圈的未來趨勢。

謝霆鋒

最後，霆鋒寄語大家：「當然大家要去擁抱、接受同埋點樣利用AI呢個科技，其實講到尾最令你嘅難忘、最設身處地嘅嘢，就係要有自己嘅Experience。」